منتديات صواديف عشاق - عرض مشاركة واحدة

10-05-2023

الجزء الثالث والعشرون ( ثلاثة وعشرين ) :.

(( بيت ابو بندر ))

( الساعة 10 ونص )

ردت دانة على رائد بسرعة : الو...
رائد مستااانس: اووه.... في ناس مشتاقين لي حيل وقاعدين ينتظروني عند الجوال على احر من الجمر ....
دانة ابتسمت : رائد لازم نتكلم ...
رائد : شفيك حبيبتي..؟؟ خير...؟؟
دانة : رائد .. الموضوع جد ....
رائد استغرب : قولي شفيك ..؟؟

دانة : رائد .. يوم عزا جدتي... وصلني بوكيه ورد كبير مرة ...
رائد : بوكيه..؟؟ من مين ..؟؟
دانة : ما ادري.. وكان عليها بطاقة مكتووب عليها ( فرحت لانه تاحل عرسك .. كذا بيكون لك فرصة عشان تعرفين ماضي وحقيقة زوجك ) .. ممكن تفهمني ايش يعني..؟؟

رائد انصدم " سوتها بنت الكلب...!!! " :...........................
دانة : رائد لاتسكت ...
رائد : ها..؟؟ حبيبتي ايش يعني.؟؟ حتى انا ما فهمت ...
دانة : واول امس .. وصلني cd مكتوب عليه (الحين صار المفروووض تسألين نفسك
عن السبب اللي جاب هالصور عندي .. وغيرها الكثير من الصور ) ... ممكن تفهمني ايش قاعد يصير.. لاني بصراحة ماني عارفة وش السالفة ...؟؟

رائد "لا حول ولا قوة الا بالله .. الحين شلون افهمها هذي...............؟؟"

دانة بلهجة جدية تماما : رائد الحين بتفهمني .. ما ابغى اكون زي الاطرش ف الزفة ..
رائد : حبيبتي وش تقولين ..؟؟ انا زيك بالضبط ماني فاهم شي .. بعدين الوقت تاخر الحين ... روحي نامي وارتاحي.. وبكرة نتفاهم ...

دانة قاطعته : صدقني ما عندي أي مشكلة حتى لو كانت الساعة 3 الفجر .. انا اهم شي ابغى اعرف السالفة كلها .. يا تجي يا بلبس عبايتي صدقني وبروح لبيتكم .. وساعتها بتصير فضيحة ...!!!

رائد تنهد يهدي نفسه عشان ما ينفعل ف وجهها : افففف ... دانه .. يا روحي انتي اهدي شوي.. خيني اكلمك ...
قاطعته : ماني هادية ... ولاني مستعدة اتكلم على التليفون ...
رائد : طي....

..... : طوط طوط طوط

طالع رائد الجوال مستغرب : شفيها هذي...؟؟ الله يعدي هالليلة على خير....

ركب سيارته وشغل المكيف وتسند : الحين وش اقول لها..؟؟ كيف اشرحلها..؟؟ المشكلة ما اعرف وش قالت لها وجه البلا هتون هذي...!!! اقووولكم وش بسوي..؟؟ ادري بتقولون غبي .. بس ماني رايح لها اليوم ... خليها تهدى شوي.... !!

@@@@@@@@@@@@@@@@@@@@@@@@@@@@@@@@@@@@@

(( اليوم اللي بعده .. يوم السبت .. بيت ابو رائد ))

( الساعة 8 الصباح )

رن المنبه ف غرفة رائد .. ومد يده بكل كسل وطفاه ...

رائد " اففف.. الله يهديك يا دانة .. ما خليتيني انام من كثر ما تدقين علي ...!! "

قام وهو يمدد جسمه ف كل الجهات : آآآه .. شكلي برجع اروووح الجيم .. بدت لياقتي تروووح ... لازم ارجعها قبل العرس .. ( ضحك باستهزاء ) ههه الله يستر من هالعرس..!!

رن جواله للمرة المليووون

رائد منزعج : افففففففف .. ماني راد عليك كيفك ... دقي لين ما تتعبين ...!!

___________________________________

(( بيت ابو بندر ))

( نفس الوقت )

رمت جوالها معصبة على السرير : افففف... طيب يا رائد انا اوريك .. كذا انت قاعد تثبت لي انه صدق في شي يصير وانت مخبيه عني ... بس وين بتروح..؟؟ وراك وراك .. وعرس مافي لين اعرف القصة كلها ....!!

___________________________________

(( في نفس المكان ))

( بعد ساعة ونص )

دخلت ام بندر الغرفة مو عارفة وش تسوي : ثامر .. بندر ...
بندر :....... ما رد
ثامر : .................ما رد ..

ام بندر : يوووه ... دقيقة بس جاوبوني بعدين ارجعوا ناموا....

بندر فتح عيووونه بتعب : ها..؟؟
ام بندر بخوف : بندر انت شفت احمد..؟؟ ما جا من امس...!!
بندر يحك عيونه : دقيتي عليه...؟؟

قام ثامر بتعب وهو يحك راسه : استريحي .. تحصلينه نايم ف السيارة كالعادة ...

ام بندر مستغربة : ف السيارة..!؟!؟!؟ ليش..؟؟

بندر التفت على ثامر ....

ثامر انتبه انهم يطالعون فيه مترقبين منه تفسير : لاتطالعوووني كذا ؟؟؟ روحوا واسالووه بنفسكم ....

ام بندر : اففف ... صدق ما منك فايدة ...
ثامر بكسل : يما... لا قمت وش بتسوين لي فطوووور ..؟؟
ام بندر دفته وخلته ينسدح : نام نام ... نومك بركة علينا...

بندر قام : انا بنزل بشووووفه ...
ام بندر : قوووم حبيبي ... شوووفه لايكون فيه شي...

نزل بندر بالبيجاما اللي لابسها ...
وطلع للحوش... وشاف سيارة احمد واقفة ...

حط يده على عيونه من قوة الشمس ....
ومشى للسيارة ... وبالفعل ... شاف احمد قاعد .. او بالاحرى .. نايم فيها...

دق عليه القزاز ..... لين انتبه وقام ...

احمد فتح الباب ونزل" استغفر الله ... وش اقووول له الحين...؟؟ "
بندر تسند على السيارة : ايوه ابو الشباب..؟؟ اتوقع لازم يكون عندك تفسير لنوومتك ف السيارة .. ومو اول مرة ...

احمد مسح وجهه بيدينه الثنتين : مافيني شي.. كنت ارتب الملفات ف السيارة... ويوم خلصت .. قعدت شوي ارتاح .. ما حصلت الا وانا نايم ....

بندر مسك وجهه بيده : وممكن تفهمني سبب هالسواد الي تحت عينك ...؟؟
احمد وخر يد بندر عنه ومشى : مافيني شي ... لاتشغل بالك .. شوية تعب من الشغل ....

بندر لف ولحقه : على حد علمي انك ف اجازة...؟؟
احمد وقف وتنهد بتعب : ه .. بندر .. الله يخليك وخر عني.. كلره عمري بما فيه الكفاية ....

جا بندر بيتكلم.. بس سكت ... عرف انه احمد للحين يتالم.. وحياته متلخبطة وقايمة فوووق وتحت ... " الله يعينك ... "
___________________________________
(( بيت ابو رائد ))

( الساعة 11 ونص الصباح )

ام رائد : طيب يا منى .. انا فاهمة والله .. بس اجازتي بتبدا بعد 3 ايام ومدتها شهر ونص بس.. ما اقدر انتظرك .. بتضيع علي الاجازة ... طيب شوفي صالح .. يمكن يرضى .. كلميه وقوليله... لانه انا بصراحة ما اقدر... وخلاص بروح بكرة احجز ... طيب .. طيب .. خلاص انتظرك اوكي... يللا مع السلامة .. سلمي على اروى... باي..

سكرت ام رائد وقعدت على الكنب جنب ريم ...
ريم : يا حلوة شفييييييك ..؟؟
ام رائد التفت عليها وابتسمت : هذي منى ...
ريم : شفيها خالتووو ...؟؟
ام رائد : تقول انه عمك صالح مشغووول عالايام .. وما يقدروا يروحون جدة .. وتبغاني أأجل الروحة عشان نروح سوا .. وانا ما اقدر .. لانه اجازتي شهر ونص وتبدا بعد 3 ايام ..

ريم : طيب ماما..احم .. انا كلمت بابا امس بموضوع واخذت موافقته ... وباقي انتي .. بليز don’t اخذل me .... !!
ام رائد : همممم...؟؟

ريم : ماما انا ودي نروح اسبانيا هذا الصيف ....
ام رائد بحسرة : حتى انا ودي .. بس بوك ما خلص شغله للحين .. ورائد عرسه ما بقاله شي....
ريم : طيب ... كم بقى لعرس رائد ..؟؟
ام رائد : ما بقى غير اسبوعين على حد علمي .. هذا آخر شي اتفقوا عليه دانة واخوك.....

ريم : طيب .. نروح بعد العرس جدة زي ما تقولين ... وبعدها .. نروح لنا اسبوع او 10 ايام لاسبانيا .... بليييييييييييييييييز ...
ام رائد بتفكير : والله ما ادري يا ريم .... سفرة لاوروبا بدون ابوك ..!! ما اتوقع تكون حلوة .. بدين بيزعل ....
ريم : لا ما بيزعل .. انا امس قلت له .. قال لي روحوا .. وبعدين فكري فيها .. انا وياك وبس .. رحلة بنااااات ... مررررة ونااااااسة ...

ام رائد : خليني اشوووف ابووك واتفاهم معاه ....

___________________________________

(( شقة سعود ودلع ))

( الساعة 3 )
تنهد سعود وهو يمسك الظرف حق خالد .. فتحه وتامل الرسالة من جديد .. وتانيب الضمير مع كل حرف يذبحه ...

سعود سند راسه " كله مني..! انا اللي خليتك تصير كذا وتمشي ف هالطريق .. انا اللي دفيتك عشان تدخل ف هالخرابيط ....!!!!!! "

ترك الظرف ونزل من السيارة والندم مغطيه من فووووقه لتحته ....

___________________________________

(( بيت ابو فيصل ))

( نفس الوقت )

دخل فيصل البيت بحماااااس وصراخه ف كل مكاااااان ...

نسايم جات بتعب : هلا فيصل ....
فيصل نقز بونااسة :حصلته حصلته حصلته ...

نسايم مستغربة : حصلته..؟؟ مين هو..؟؟
فيصل شاق الحلق : الشغل .. الشغل اللي قال ابو سعود بيحصل لي اياه ... حصل لي وظيفة .....
نسايم : طيب وين..؟؟ وايش هي..؟؟

وقف فيصل لحظة محتااار يفكر : تصدقين ما ادري... حتى ما سالته ..!!!!
نسايم كتمت ضحكتها : ههههه طيب والجامعة يا ذكي..؟؟

فيصل : الجامعة.. قدمت طلبات على جامعة فيصل وجامعة الملك فهد للبترول والمعادن ... وانتظر الرد ......

نسايم ابتسمت : الله يوفقك انشالله .. طيب يا استااااذ ... تعال عشان تتغدى .. وامسك شوووق عني .. والله بموووت من التعب .... جننتني ...!!
فيصل : شفيك ..؟؟
نسايم مسكن بطنها اللي بدا يكبر : قاعدة اتوحم .. والوحام مرة يتعب ...
فيصل حزن عليها : الله يعينك ... ا..نسايم انا عندي اقتراح...
نسايم : ها..؟؟
فيصل : شرايك تنزلين الولد وتفتكين ...؟؟
نسايم حطت يدها على قلبها وشهقت : هييييييي ...!! انتا ايش تقول..؟؟ من جدك..؟؟ هذا ولدي يا مجنوووون .. تبغاني اذبح ولدي..؟؟!!

فيصل : خلاص خلاص .. لا تصارخين كذا ... يعني بس كان اقتراح ...
نسايم دفته قدامها : امشي .. امشي قدامي وانتا ساكت .. بلا اقتراحاتك هذي ..
فيصل : هههه لا حووول .. ما تتقبلون الاقتراحات انتوا .....!؟!؟!؟

___________________________________

(( بيت ابو عوض ))

( الساعة 6 المغرب )

منى : ا.. صالح ... بغيتك بموضوع
التفت عليها صالح : نعم..؟؟

منى : احنا تكلمنا من اول عن روحتي لجدة صح ...؟؟
صالح : احنا تكلمنا عن روحتنا لجدة ....

ابتسمت منى : أي صح .. بس .. صار شوية تغيير ... اختي ما تقدر تاجل الروحة لانه اجازتها تبدا بعد 3 ايام ... وعرس ولدها بعد اسبوعين .. وتبغى تروح بعد العرس على طول ....
صالح : مو مشكلة .. نحجز لنا معاهم ....
منى ابتسمت بوناسة : والله تقدر..؟؟
صالح : أي ليش ما اقدر...؟؟

منى : امس قلت لي انه ما تقدر تاخذ اجازة الا ف آخر شهر من الاجازة ..
صالح تذكر : يووووه .. أي والله نسيت .. طيب .. شوفي .. عطيني فرصة بكرة اشوووف الشغل وظروووفي واردلك خبر انشالله ....

منى قربت وباست راسه : الله لا يحرمنا منك انشالله ...

@@@@@@@@@@@@@@@@@@@@@@@@@@@@@@@@@@@@@
(( بعد يومين .. شقة سعود ودلع ))

( الساعة 10 الصباح )

ابتسمت وهي تبخ العطر على ثوبه الابيض النظيف بعناية : وكذا نكون خلصنا ...

سعود بخوف : يا ويلي ... هونت ما ابغى ارووووح
دلع : ليييييييش...؟؟
سعود : لو اخذوووني وسجنوووني انا بعد ...؟؟؟!!
دلع شحكت : هههه وليش يسجنوونك ...؟؟ لا تخاف ما راح ياخذووونك هههه .. روح بس يللا .. صارلك يومين تبغى تروح .. والحين يوم اخذت الاذن صرت ما تبغى ..؟!؟!

سعود مرعوووب : خلاص خلاص .. الحين المفروووض تهديلي اعصااابي ... مو تهاوشيني وتعطيني زفة....!!!

دلع مسكته وسحبته للصالة لعند الباب : يللا بس بلا دلع .. اشوفك تعودت ... عطيناك وجه زيادة ....

سعود مسك يد الباب وتسند عليه وعطاها غمزة سريعة : خلاص ولا يهمك ... لارجعت بدلعك زي ما تدلعيني......
دلع ضحكت وهي تاشر على الباب : ههههه .. طيب ... الحين لو سمحت .. برى من غير مطروووود ....... !!!!

رمالها سعود بوسة ف الهوى وطلع من الشقة والخوف راح من قلبه .. والفرحة غامرته " الله لايغير علينا ابد ......! "

دلع اللي كانت ورى الباب مبتسمة والوناسة مو سايعتها " الله يخليك لي...!! "

___________________________________

(( بيت ابو رائد ))

( الساعة 11 الصباح )

دخلت ام رائد البيت الكبير .... وهي تطقطق بكعبها العالي .. شالت الغطا اللي كان على وجهها : افففففففف ... ياربي ارحمنا .... ايش هذا الحر...؟؟؟!!

جات الشغالة : هاي مدام ....
ام رائد : وين ريم...؟؟
الشغالة : ريم في مسبح ...

ام رائد استغربت : المسبح ...؟؟ مجنونة هذي..؟؟ احد يسبح تحت هالشمس ...!؟!؟ على هالحالة بتصير تكرووونية .... ( التفتت للشغالة اللي واقفة ) خلاص روحي كملي شغلك وانا بروح اشوووفها ...

فصخت ام رائد عبايتها ... وطلعت من الباب اللي ورى للمسبح ... وشافت ريم قاعدة تسبح ف الموية وهي مسترخية وفرحانة......

ام رائد : مشتهية اعرف شلون متحملة تقعدين تحت هالشمس الحريقة دقيقة وحدة..

التفتت ريم وشافتها واقفة : هااااااااااي ... متى جيتي...؟؟
ام رائد : توني من شوي ....

طلعت ريم من المسبح بالمايوووه الشووورت اللي لابسته : الموية حلوة ... مرررة باردة...!!! تبرد القلب ....!!!
ام رائد مستغربة : باردة ..؟؟ ف هالحر الموية باردة ...!؟!؟!؟

ريم ضحكت بفخر : ههههههه بنتك الذكية خلتها باردة ..
ام رائد : وكيف انشالله ...؟؟
ريم : سهلة ... خليت الشغالات يكبون كل اكياس الثلج اللي ف المطبخ داخل المسبح..................!!!!!

ام رائد مسكت راسها مستغربة : ياويلي.... يا وييييليييي من غباء هالبنت ... !!!
ريم مسكتها : ههه ادري اني ذكية .. تعالي جربيها والله تبرد عليك ...

ام رائد : لا يا حبيبتي ... ما احب اقعد ف الموية الباردة ... بس اسمعي .. عندي لك مفاجأة ...........!!!
ريم : وات ...؟؟

ام رائد طلعت 4 تذاكر من جيبها ...... وحطت قدام عيون ريم .....

ريم بدهشة : وهذا ايش..؟؟
ام رائد : هذي التذاكر اللي تكلمنا عنها امس ..... ثنتين لي ولك لروحة جدة بعد عرس رائد بيوم ......
ريم فتحت عيونها الثنتين بوناااسة : والثنتين الثانيات لمين ...؟؟؟

حطتهم ام رائد على الطاولة وقالت : حتى الباقيات لي ولك .. بس هالمرة لاسبانيا..!!

ريم من وناااستها نقزت على امها وحضنتها بقوة : واااااااااااااااااااااااااااااااااااااااااي .... احبك احبك احبك يا احلى ام ف الدنيا .....
ضحكت ام رائد وحضنت بنتها بعد بحب : بتكون سفرة حلوة انشالله .. انا وانتي وبس...!!
ريم : O my God….!! والله ماني مصدقة ....

___________________________________

(( بيت ابو بندر ))

( الساعة 5 المغرب )

كانت ثامر قاعد ف الصالة مع امه اللي كانت تكلم اختها بدرية ف التليفون ..

ام بندر : طيب ... وين ارسلها..؟؟ مم.. خلود ..؟؟ لا ما عندي .. طيب... لحظة بس ..

سكرت السماعة بيدها : ثامر .. عطيني ورقة وقلم بسررررعة ..

ثامر التفت حوله بحيرة ... وتذكر .. طلع ورقة صغيرة من جيبه ... وعطاها اياها مع القلم اللي كان ف على الطاولة ...

اخذت ام بندر الورقة والقلم ورجعت لاختها : ايوه يا بدرية ... كم ..؟؟ ********05
طيب انشالله .... خلاص انا برسلها بعد شوي بس اجيب جوالي من فووق .. انشالله .. توصين على شي ..؟؟ سلمي عليهم .. يللا مع السلامة ..

...........سكرت ام بندر وطالعت الورقة شوي بعدين التفتت على ثامر : انت ما حصلت ورقة اصغر من كذا......؟!؟!؟! يا دوب تكفي كلمتين ....!!!!
ثامر : لاتساليني حق ايش هذي.....!! خخخخخ

ام بندر : لا من جد ايش تسوي فيها...؟؟

جا احمد وقعد ع الكنب يطالع ثامر بنص عين : يدخنها ...!! صح يا ثامر ...؟؟
ثامر فتح عيونه ع الاخير : اييييييييش...؟؟ اعوووذ بالله .. ايش قاعد تقول انت..!؟؟! بسم الله علي .. لا يما لا تصدقيه ... كذاااااااااب ....!!

ام بندر عصبت : ولد ..!!! احد يقول لعمه كذاااب؟؟؟؟؟!! صدق يبغالك تربية ..!!

احمد ضحك : هههه يبغاله تربية من جديد يا ام بندر ... عليك فيه ...!!!

ثامر طالع احمد بنص عين : طيب يا ..........
احمد : يا ايش...؟؟
ثامر : يا عم احمد ............!!

ام بندر لاحمد اللي كان طالع : احمد ....
احمد التفت : سمي...
ام بندر : ارجع بدري .. وانتبه لا تنام ف السياة زي امس ... مو زين والله ...
احمد ابتسم : انشالله ...

طلع احمد وقامت ام بندر لغرفتها تجيب جوالها ...

التفت ثامر بزهق حوله ولمح الورقة اللي كتبت عليها امه ... وقرأ المكتوب فيها ...

( جوال خلود ********05 )

ثامر حك راسه مستغرب وهو يقرأ الرقم مرة ثانية " غريبه...!! ها مو رقمها ... معقووولة غيرته ....؟؟؟ بس .. شلون تدق علي ك يوم منه اذا غيرته ..؟؟ "

طلع جواله من جيبه وطابق الرقمين .. بس ما حصل أي شي مشترك بين الرقمين ...
ثامر : يعني معقووولة لتكون مطلعة رقم ثاني ومكلمتني فيه ...؟؟ والله ما طلعتني هينة يا خلووود .. طلعتي راعية شرائح متعددة ... !!! "

___________________________________

( نفس الوقت )

قعد احمد ف السيارة محتااار : الحين وين اروووح...؟؟ وين اودي وجهي ...؟؟ من متى ما طلعت طلعة زي العالم والناس...؟؟ من زمااااآآن .. من ايام عوض .. وروحة الكويت ..

ومن تذكر عوض .. جات الصورة ف باله ... فتح الدرج اللي قدام وطلع الصووورة منه .. وابتسم " مدري ليش من اشوووفها .. ارتاااااااح ...!! سبحان الله .. عندها نفس تاثير اخوها علي...........!!!!! "

___________________________________

(( بيت ابو عوض ))

( الساعة 6 ونص )

دخل ابو عوض البيت ... وشاف اروى قاعدة ف الصالة تطالع التلفزيووون مع امها ..

ابو عوض : السلام عليكم....
ام عوض + اروى : وعليكم السلام ....
ابو عوض جلس : توني راجع من الشركة ....
ام عوض : شخبار الشغل....؟؟
ابو عوض : الحمدلله .. بس ..
ام عوض : بس ايش..؟؟

ابو عوض : شووفي .. انا شفت الشغل اليوم .. وبصراحة يا منى ورانا شغل لفوووق راسنا ... ما نقدر ناجله ...
ام عوض فهمت : آآآآآآآآه .. فهمت ... خلاص مو مشكلة .. مرة ثانية انشالله ..
ابو عوض : لا انا ما اقصد تتاجل السفرة .. انا اقصد روحي انتي وبنتك ..
ام عوض : لا والله ماله داعي .. نروح كلنا مع بعض لما انت تخلص شغلك ..
ابو عوض : اسمعيني يا بنت الحلال.. روحوا انتوا .. انا شكلي هالصيف ماني مسافر ..

اروى التفتت : انا قدمت ع الجامعة وانتظر الرد .. ما اقدر ارووح مكان ...
ام عوض : خلااص .. تتاجل الرووحة ...
اروى : لا والله ماما .. روحي انتي .. انا بقعد هنا .. وبابا بيكون معاي...
ابو عوض : أي صح .. روحي مع اختك ... وانا واروى بنقعد هنا ... ادري انك تبغين تشوفين امك... عشان كذا روحي...

ام عوض : متاكدين انكم بتكونون بخير...؟؟
اروى ابتسمت تطمنها : اتطمني لاتخافين ... بعدين تراني كبيرة واعرف شلون انتبه على نفسي .. وبابا ما يحتاج .. انا بنتيه له واشوووف وين رايح ووين جااي خخخ...
ابو عوض: شوووف ..!! بغيتك عوون طلعت لي فرعوووون ..؟؟؟
ام عوض : لااا..؟؟ عسى تبغاها تتركك على حل شعرك ؟!؟! لا يا حبيبي .. !!!!
ابو عوض : من بيطالع فيني الله يعافيك ..؟؟ شوفي الشيب براسي شلون بدا ينتشر شوووفي... !!

___________________________________
(( بيت فيصل حاليا ً ))

( الساعة 8 المسا )

سالم شايل امل ويدور فيها من ساعة : يا حلوها ياناااااااااااااااااااااس ...!!
ابتسم فيصل : انت ما تشبع..؟؟ انا اخوها اذا شلها قد ما انت تشيلها بطفش وبمل..!!

سالم وطلعت فيه الحنية : حرااام عليم ... احد يطفش من هالملاك .. مشكلة اللي ما يحسووون بنعمة العيااال .... الحق الحق ... شوووف شلووون تضحك لي... !!!!!

نسايم ضحكت : هههههه .. زوجووووه تكفووون ...
فيصل : والله انا ناوي .. دام كذا بدا يحس بالابوة بدري ... لازم نزوجه ...
سالم : خخخخخخ
نسايم : سالم شلون لينا..؟؟
سالم قعد وهو شايل امل : الحمدلله ... نفس ماهي ما تغيرت..
نسايم : هي بالبيت ...؟؟
سالم : أي كالعادة ...
نسايم : حرااام تطفش ... طلعوووها شوي...
فيصل : انا قلت له نطلعها .. بس هو الله يهديه ... ( يقلده ) لا لا لا بتخرب علينا...!!
نسايم : ههههه يا حلوها .. ما تطفش...؟؟

سالم : شوفي من ناحية ما تطفش .. هي مو بش تطفش .. الا تمل وتطلع روووحها ..خصوصا اذا امي كانت موجودة ....
نسايم بعتب : يا ولد عيييييييب ... هذي امك ....!!

سالم بزهق : يووووه يا نسااايم ... سبحان الله .. كانك دلع .. بس انتي اهون .. دلع لا فتحت هالسمفووونية ما تسكرها ...
نسايم : احسن تستاهل .. لانه كلامك عيب.. ما يصير تقول كذا .. الا شخبارها دلع ..؟؟ وشخبار زووجها ...؟؟

سالم : تصدقين مدري... بس آخر مرة شفتها كانت مرتاحة .. مع اني ما ادري شلون يصير هالشي....
نسايم : ليش..؟؟
سالم : لانه اللي يعيش مع اخوووي سعود ما اتوقع يعيش بسلام ....
نسايم فتحت عيونها الثنتين معصبة : سالم ولا كلمة .. انت ما تعرف تحترم الناس... يعني امك وبعد اخوك ما سلموا من لسانك...؟!؟!!؟؟!

فيصل ضحك : ههههه عااادي ... تعودي عليه ...
نسايم لفت على فيصل معصبة : يعني انت احسن منه ..؟؟ نسيت انت بعد شلون كنت تسمعني اغنية السب اللي تقولها كل يوووم ف ابوك ...؟!؟!

___________________________________

(( شقة سعود ودلع ))

( الساعة 11 المسا )

كان سعود منسدح على رجل دلع اللي كانت تلعب بشعره وهو يسولف لها عن يووومه ..

سعود : تصدقين احس اني احلم... ما توقعت اشوووف خالد بعد كل هالمدة ..
دلع ابتسمت : الحمدلله .. كل شي بيد الله ممكن يصير ...

سعود : والله ما صدقت عمري .. عيوني من الدموووع قامت تحرقني يوم شفته .. رحت واحضنه بسرعة والكل يطالعني...
دلع : سعود انت قصرت معاه مرة .........

سعود بندم : ادري .. وهذا اللي ذابحني .. دايم كان واقف معاي.. ف الصح وف اغلط .. والحين يوم هو احتاجني ... انا تركته وخذلته ...!!

دلع : تقدر تصلح غلطتك ... وتصير تزووره وتشجعه وترفع من معنوياته ....
سعود : اكيد خلاص ... كل اسبوووع انشالله .... انا تفاهمت مع مركز الشرطة وعطوني الاذن كل اسبوووع .. وانشالله اسلوب حياتي القديم هذا راح امسحه للابد .. !!

ابتسمت دلع بفرح ... ونزلت لراسه وباسته : يا حبيبي...........!!!!

@@@@@@@@@@@@@@@@@@@@@@@@@@@@@@@@@@@@@

(( بعد 3 ايام ... يوم الخميس .. بيت ابو رائد ))

( الساعة 10 الصباح )

رن الجوال وعلا صوته ف غرفة رائد الكبيرة ...

اخذ الجوال وبكل كسل رد : الوووو ...
..........: صباح الورد يا حلووو .......!!!

رائد لاعت كبده : لا حووووووووووول ... هذا انتي..؟؟؟
هتون : اتوقع الناس تقول صباح النووور ...
قام رائد على حيله والعصبية بدت فيه : انتي تعالي هنا ..؟؟ وبعدين معاكي ..؟؟ ممكن تفهميني ايش قلتي لدانة...؟؟؟

هتون : لا تخاف .. ما قلت لها اشياء كثيرة .. اشياء بسيطة .. خليت الباقي عليك ..!!
رائد : انتي ايش تبغين مني بالضبط.....؟؟؟!! لاني للحين ماني فاهمة قطة الوجه هذي ليش...؟؟؟

هتون : انت تعرف ...
رائد : لا ما اعرف....
هتون : الا...
رائد زهق : اففففف .. افرضي نسيت .......!!
هتون : شهد .......

رائد باستنكار : يا حبيبي ...!!! شفيها هذي بعد..؟؟
هتون : انت لازم تاخذها ... البنت والله لا تتأزم لو ما اخذتها....
رائد بطنازة : وقالولك انا ملجأ للعوانس ...؟؟؟!!

هتون : بلا استهبال..!! انت تعارف زين انه طيبة وانت اللي قصيت عليها وخليتها تحبك..
رائد : انا ما قلت لها تحبني ولا وعدتها بزواج ولاشي .. كانت نزوة وعدت ....
هتون : بالنسبة لك عدت ... بس البنت ماهي قادرة تنسى .. وكل يوم حابسة عمرها ف الغرفة مكتئبة ...

رائد انفعل : محد ضربها على يدها وقال لها حبيني ... بعدين لا تنيس هي اللي عرضت نفسها علي .. وهي اللي قررت اننا نتعرف .. وهي اللي طلبت رقمي مني شخصيا! ...!! شلون تبغيني آخذ وحدة زي هذي..؟؟
هتون : اجل تبغاها تضيع كذا بالدنيا ...؟؟

رائد : افففف .. هتون ... لا تقعدين تحاولين .. ترى انا هالاشكال ما تكسر خاطري...!!
والله لو عندي بنت زيكم لا سمح الله .. لا ادفنها بالارض وارتاح منها ومن فعايلها ....

هتون : شوووف .. ماني قاعدة اسأل عن مستقبلك .. انا الحين قاعدة اعطيك انذااار..
ان ما شفتلك حل... يا انك تترك دانة وتاخذ شهد .. يا انك تاخذ الثنتين ...!! شرايك..؟؟
رائد : لا والله ..؟؟؟ ومين انتي عشان تامريني وتعطيني انذار ومدري ايش..؟؟!!
هتون : انا هتون .. وانت تعرفني زين .. اقدر اسوي اللي ما يتسوى واقلب حياتك فوووق تحت ...

رائد : اقووول مالت عليك.. وعلى اللي يجيب اشكاالك ويعطيهم وجه ....

وسكر بوجهها وهو معصب : افففففف .. ما صارت..!! يعني على اغلاط صغيرة ارتكبتها ف حياتي .. لازم ادفع الثمن كبير...........!!!؟؟

___________________________________
(( شقة سعود ودلع ))

( الساعة 12 الظهر )

دلع زهقت : ياربييييييي ... سعود يللا عاااآد .. ما صار نوووم ...!!!
سعود انقلب للجهة الثانية بكل كسل : دلع بس شوي .. والله تعبااااااااان ....
دلع حطت يدها على خصرها : شلون تعبان و انت امس نايم الساعة 1 ...؟؟؟ يعني نوم من الساعة 1 للساعة 12 ما يكفيك...!؟!؟!؟!؟

رفع سعود اصبعه بمعنى دقيقة وحدة .....

دلع رمت المخدة عليه وقالت وهي معصبة : طبعا .. مو انت اللي محبوووس ف البيت طول الاسبوع تنتظر متى يجي الويكند عشان تطلع تشم هوا ربي وتشوف العالم والناس..!.!!!! راميني طول هالاسبوع بين هالجدران .. ويوم جا الويكند تبغى تنام..؟؟؟ نام ... خليك نايم .. لا تقوم الا لما انفجر من الزهق طيب....!؟!؟!؟!

تنهد سعود بتعب وقام وهو يحك راسه : زين كذا..؟؟ انبسطتي ..؟؟ عاجبك الحين..؟؟ هذاني قمت ... ماله داعي الصراااااخ من الصبااح ...!!!

دلع عقد يدينها قدامها وهي تبتسم بانتصار : لو ما صااارخت كان ما قمت يا كسلان..!!

ابتسم سعود : طيب وين تبغين نروح اليوم ...؟؟
دلع قعدت على السرير جنبه : أي مكان .. اهم شي نطلع مع بعض ونغير جو ..
سعود حط يده على يدها بحنية : لا ... اليوم يومك انتي .. انتي اللي بتقررين يش نسوي طول هاليوم .... واي شي تبغيه بسويلك اياه ... يعني لازم تستغلين هالفرصة .. خصوصا اني امس مستلم اول راتب لي....!!!! ( شق حلقه )

دلع ابتسمت بفرح : اووووخص .. متاكد أي شي ابغاااه؟؟!
سعود قرص خدها بخفة : أي شي يخطر على بالك ... انتي بس آمري...

___________________________________

(( في أفخم محلات المجوهرات ))

( الساعة 2 ونص الظهر )

ام رائد : شوفي يا ريم ... شوووفي هذا مررررة حلوو ...
تاملت ريم الطقم وحاست فمها يمين ويسار : ممم .. no... مرة ثقيييييييل ...
ام رائد : ادري انه ثقيل ... هذي هدية عرس لازم تكون ثقيلة ...
ريم : بس ماما .. انتي تدرين دانة مررررة ناعمة وsimple.....!!

ام رائد : انتي من وين جاية..؟؟ قاالووولك زي الممثلات وجه الفقر اللي ما يلبسوون مسوين فيها كشخة .. الا بخيلات ما يبغووون يصرفون فلوووس على الاطقم الفخمة الثقيلة ....!!
ريم : طيب طيب .. خلاص كيفك .. بس انا مو عاجبني...

ام رائد : عطينا هذا...
جا البياع وهو يضبط شماغه : انشالله ...

ريم " مسوي فيها وسيم الحين..؟؟ والله ما يجيب وسامة احمد .. آآآآآآه شلون لما يضبط شمااغه احس انه رووحي تطللع من مكانها .... !!!!! "

البياع : طيب والبنوووتة ما بتاخذ شي...
ريم كارهة الوضع " بنوووته ..؟؟ احمد ولا عمره قال لي بنووته .. وه عليه لما ينطق اسمي.... !!!! "
ام رائد دفتها : هي انتي ايش فيكي اليوم ..؟؟؟
ريم انتبهت : ها..؟؟ لا مافي شي....

ام رائد : ما بتاخذين شي...
ريم : الا قلت لك ...
ام رائد : ايش قلتيلي..؟؟ صارلك ساعة سرحانة ...!!
ريم : طيب شوفي هذيك السلسلة ... مرة ناعمة وحلوة ....
ام رائد : بس .. مو كانها بسيطة مررررة ... مو شي...!!
ريم زهقت : يا ماما .. انا اللي بلبسها...خلاااص ...
ام رائد : طيب خذي معاها حلق الماس بعد ........
ريم بنظرات اللامبالاة : ما ابغى ...

ام رائد : خلاص كيفك .. لاتجين بعدين يوم تشوفي البنات لابسين ومتكشخين ومو مخليين حاجة ما لبسووها وتقولين ماما ما جبتيلي شي....!!!

ريم : لا لا لاتخافين .. انا مقتنعة بللي اقووله ..

___________________________________

(( بيت ابو بندر .. الصالة اللي فووق ))

( الساعة 5 المغرب )

كانوا الكل قاعدين ف الصالة اللي فوق ويطالعوون اعادة مسلسل نور .. والبعض الزهق عندهم كان واصل حده ...

بندر : ممكن افهم ايش الحلو ف هالمسلسل ..؟؟
دانة مندمجة : كل شي ...
احمد : انا يعجبني سنوات الضياااع ....!!!!!
التفت ثامر : خخخخخ احلف انك انت بعد تطلع مسلسلات ...!!
احمد : احيانا مو دايما....

بندر : أي واحد سنوات الضياع..؟؟ لايكون اللي فيه ذيك الحلوة ام عيون ملونة ..؟؟
احمد ضحك : هههه اسكت فضحتنا ...
بندر بايعها : هههه ترانا كل يوم نطالعه لاتكذب وتقول احيانا....!!!

ثامر فتح عيونه الثنتين ووقف وقام ينادي باعلى صوووته : يمااا... يماااااا.. يا ام بندر ... تعالي شوووفي تعااالي... !!
ام بندر اللي جات بسرعة مستغربة : شفيك تصارخ بكل البيت..؟؟
ثامر : يما ... بندر قال لاحمد يا كذاب ... عيني عينك بعد ...!!!
ام بندر رفعت حاجب خاطرها تذبحه : وعشان كذا مناديني ومسويلي سالفة وتصارخ..!؟
ثامر ابتسم : أي...

ام بندر التفتت لولدها الثاني : وانت مو عيب تقول لاحمد يا كذاب..؟!؟ مو عمك ولازم تحترمه ..!؟!؟
احمد : هههههه حتى هذا يا خالتي يبغاله تربية ....
ام بندر تنهدت بتعب : ه.... شكلي بسويها من جديد .. زي الاطفال بالضبط ...!!!
( التفتت على دانة ) انتي خلصتي..؟؟
دانة : ها..؟؟ ا... أي..
ام بندر : يللا قومي خلينا نروح ....

دانة قامت وشالت مجلاتها حقت الازياء المرمية ف كل مكان : يللا سي يووو كلكم..
احمد : اوصلكم ...؟؟
ام بندر : لا ماله داعي... محمد برى ...

بعد كم دقيقة .. كانت دانة وامها طالعين من البيت ....

ثامر : اقووول بندر .. غير غير المحطة ؟؟ زهقني راعي القشطة هذا...!!!
بندر : خخخ .. قول انك غيران منه ...
احمد : اقول اقول... حطوا لنا فلم زي الناس ... صارلي منذ مبطي على قولة ثامر ما شفت افلام ....
بندر : ليش انت تقعد ف البيت عشان تشوووف افلام..؟؟ 24 ساعة برى ...
احمد : لاتخليني اطلع الحين.....
ثامر يتطنز : لا تكفى لاتطلع ... احنا نموت بدووووونك ...
احمد : تتظنز .. انا اوريك الحين ... ( وقف ) وهذاني طالع ... وبروح اتمشى .. لوحدي..!!

واول ما جا احمد يطلع من الصالة .... عم الظلام المكااااااااان فجأة ....

بندر : بسم الله ... شصاار ..؟؟
ثامر مشى للمكان اللي شاف فيه احمد آخر مرة ومسكه نم يده : يمااا.. تكفى لا تخليني .... انا احبك واموووت فيك...
احمد : ههههه الله يقطع ابليسك .. وخر عني ....
بندر : معقووولة ابوي ما سدد الفاتورة وقطعووها علينا..؟!؟
احمد : لا دفعها ذاك اليوم .. بس.. لحظة خليكم قاعدين هنا ف الصالة .. وانا بنزل تحت اشووف العداد حق الكهربا شفيه ..

ثامر : الله يهديك يا يما... كله منك ... دايم كانت تقول لي ( يا سواد ليلك..!! )