من قلب البساطة يأتي الجَمال

يارب يكون كل شي بخير

يعلم الله ان فيه ناس ديما في البال لكن الدنيا تلاهي ظروف
احيانا ماعندكش نية حتى تشوف وجهك في مرايا
مجرد انك تبي شوية عزلة حتى ساعة والا اتنين بسبب او بدون سبب
وترجع طول ماحد يحس بالثاني

فيه اللي من لقطة تصيرله في حياته حتى لو تافهة اتأثر عليه
وكان يلقى يرقد مايكلم حد
صح انحبوكم ونبوكم ديما معانا
لكن الانسان ديما عنده لحظة يصيرله فيها خمول ويدير off لكل شي

ديما نقول معادن النّاس تبان وقت فرحك وتفوقك في الحياة
مش وقت الحزن والضيق تعرف صاحبك زي مايقولو
لان ساااهل جدًا الواحد يدير روحه حزين
ويرخي احباله الصوتية معاك ويذبل عويناته
بينما مشاعر السعادة الحقيقية محتاجة جهد كبير ومش ح تبان بسهولة
لان فيها ابتسامة نابعة من القلب
فيها دموع فرح
فيها عيون تنطق بالفرح لفرحك
فيها كليمات تبرد ع الخاطر حتى النبرة متعهم تكون واضحة سبحان الله
الحقيقة نقدّر ونحسب للشخص اللي يوقف معاي ف حزني وضيقي
لكن نركز أكثر على تصرفات الناس القريبة مني وقت فرحتي وسعادتي
وقت تنزاد عليا حاجة جديده
وقت ايصير معاي أي نجاح يفرحني
اهني بس نقدر نعرف الناس اللي فعلا تحبني وتتمنالي الخير

في نوع من الناس تكوني معاها كويسه فكل شيء
مجرد ماتغلطي غلطة بسيطه تمسحلك الباهي لدرتيه كله وتتفكرلك الشينه
اهني نوقف ونقول انه حتي الباهي لدرته قبل ع لفاضي مدامه متصونيش ف العشره
والمواقف الباهيه كلها تمسحيها ماعندي مابندير بيك
الواحد ميقعدش عايش حياته تحت التبرير لفلان وعلان
لانه والله ف ناس ماينفع فيهم الا انك تنسحبي منهم وبس

الكبير كبير بالعقل مش بالسن
والمحبة بالقلب مش بالشكل
والصحبة بالمواقف مش بالمصالح
والعز بالله لاجاه ولا مال
والفخر بالدين لا عم ولا خال
وهات من يفهم

يارب عوَّضني عن تعبي
وجازيني على صبري
وارضيني بنصيبي اضعاف ما تحمِّلت

الحياة الهادية المرتحة

حلوة هلبه اتعلموا ما تردُّوش ما تركزُوش ما تناقشُوش
خلي اللي يتكلّم يتكلّم
واللي يصدّق يصدّق
ما تحاولُوش تثبتُوا "مبادئكُم"
و ولا تبررو لغيركم
اتعلموا تسكتوا
كل واحد عارف الصح والغلط من غير وجع راس
خُوفك من كلام النّاس اللي مافيشي "قيمة" مش ح ايقيمك في عيونهم
النّاس مش ترضى عليك حتى ولو وليت "ملاك" بجناوحه
دير الأنسَب والأريح ليك
وما دام مافي من يوكل ولا يشرب فيك خليك "حُر" نفسك
ومتخلّيش جهل حدّ يأثر فيك انت ادرى بي معرفتك بروحك
وعيش زي ماتبي والدنيا تبي لاسمعت ولا شفت ولا قلت
واضحك في وجوه الناس والقلب مايفتشه حد

النوايا هذين تلقوهن في التمر
إلا نحنا عندنا عيون يحقن وقلوب يحسن وعقول يفهمن...!

يارب خير الدُنيا كُله يجي لـ اخواتي

مـا جبرت حد على حبي لكن والله كل من عرفني قالي حبيتك