من قلب البساطة يأتي الجَمال

و قاعد نديـر فالبـاهي حتـى مع النـاس الي مقـصرة

ح تكتشف ان باش تفرح باللي عندك لازم ترضى بيه ..
و الرضى يجيب قبول و القبول يجيب حب و الحب يخليك فرحان

الرضى أهم شي كل ماترضي كل ماتحسي روحك فرحانه
صح الرضى واعر وصعب
بس الرضى معناها انه واثقة انه ربي مش ح يعطيك الا الخير حتى لو الشي فالاول بسيط
بس اكيد وراءه خير كبير
اني كل صبح لما نفتح عيوني
انقول يارب ارضي عليا وارضيني بكل شي تعطيه ليا
و نولني مع الصبر و راضيني نحس ب كأن شي بارد ينزل على قلبي
اللهم الرضا

العطاء المستمر من باب الكرم و طيب النفس هذا شي ..
و العطاء المستمر من باب التمسك و عدم التخلي من الطرف التاني هذا شي اخر ..
رد بالك تعطي هلبا و فوق جهدك باش مايخلوكش او باش ترضيهم بشي يقعدوا على خاطره ..
رد بالك لان كله ح يمشي في الهواء ..
اللي يبيك مش محتاج اديرله شي و اللي مايبيكش من غير ما ضره ح يمشي ..
ردبالك تربط العطاء كأنه رشوة للبقاء لان هما مش محتاجينها و أنت ح يخيب ظنك في ان مصارش اللي تتمناه

مش ح يفهم حد علاش تحب فلان ولا شن عاجبك فيه ولا ح يفهم حد نظرة عيونه علاش اطمن فيك هكي!
مش ح يفهم حد بشن مريت معاه و شن المواقف اللي خلوك تشوف معدنه قبل اي شكل خارجي
مش ح يعرفوا كيف وقف معاك بكلمة كانت في مكانها و وقتها
مش ح يعرفوا علاش هذا بدات زي ماتعرف انت
رد بالك تخلي حد يعرّفك بشخصك اللي انت حافظه
ولا تخلي حد يكبرلك الغلط لان ماشافوش معاك الصح
اللي تحبه أنت عارف علاش و شن خلاك تحبه
و هما مهما قلت ح يقعدوا لا يعرفوا لا يشوفوا فيه معاك.

أني من الناس اللي ماعمري ندمت على شخص تعرفت عليه ولا نندم على شي عطيته بعقلي و بأرادتي ,
كل شخص كان في حياتي و أمشي لأي ظرف او سبب او موقف ح يقعد مكانه زي ماهو
صح ممكن مايرجعش لمكانه تاني لكن ح يقعد بنفس المعزه و القدر
و حتى اللي اكتشفت انهم رخاص ماحد ضربني على ايدي لما درتلهم سوم
و اللي حبيته و قدرته اني اللي خترت ان نحبه و نقدره
ف ربي معاهم لطلعوا عكس ماعقلي كان متخيل
وربي يعطينا على قياس نيتنا في اي شخص جديد.

منحتكم مكانه تفوق توقعاتكم

جميل القدر .. عندما يبعدك عن شي لا يستحقك

نعوذ بالله من ذنبٍ لا يجعل لنا مكان فى الجنة ..