من قلب البساطة يأتي الجَمال

الحياة الهادية المرتحة

حلوة هلبه اتعلموا ما تردُّوش ما تركزُوش ما تناقشُوش
خلي اللي يتكلّم يتكلّم
واللي يصدّق يصدّق
ما تحاولُوش تثبتُوا "مبادئكُم"
و ولا تبررو لغيركم
اتعلموا تسكتوا
كل واحد عارف الصح والغلط من غير وجع راس
خُوفك من كلام النّاس اللي مافيشي "قيمة" مش ح ايقيمك في عيونهم
النّاس مش ترضى عليك حتى ولو وليت "ملاك" بجناوحه
دير الأنسَب والأريح ليك
وما دام مافي من يوكل ولا يشرب فيك خليك "حُر" نفسك
ومتخلّيش جهل حدّ يأثر فيك انت ادرى بي معرفتك بروحك
وعيش زي ماتبي والدنيا تبي لاسمعت ولا شفت ولا قلت
واضحك في وجوه الناس والقلب مايفتشه حد

الموضوع الأصلي: || الكاتب: ريحانة القلب || المصدر: منتديات صواديف عشاق

https://s-eshq.com/vb

كلمات البحث

العاب ، برامج ، سيارات ، هاكات ، استايلات

المصدر: منتديات صواديف عشاق

---

النوايا هذين تلقوهن في التمر
إلا نحنا عندنا عيون يحقن وقلوب يحسن وعقول يفهمن...!

يارب خير الدُنيا كُله يجي لـ اخواتي

مـا جبرت حد على حبي لكن والله كل من عرفني قالي حبيتك

وينك يا راحة البال
مش بكترت المال
كانت الناس على قد الحال
والصحة كانت عال العال
و اللى ماشي واللى جاي
ولمة العيلة والعالة والشاي
وكرم وجود على قد الموجود
شهامة و رجولة مالهاش حدود
الناس كان من داخلها صافي
والبركة والخير كان فايض و كافي
والحب بين الناس كان وافي
الحياش كانت مفتوحة للقريب والغريب
كان زمن محبة الكل كان فيه حبيب
ماكانش فيه شئ عجيب
كانت الايد في الايد
ماكانش فيه حد عن حد بعيد
وكان ياما كان
رجعونا غادي وخلونا

‏اللي يرجى منك في غلطة ودّه بيها متخليهاش في خاطرة

أحسن نيتك يُحسن الله حالك
وتمنى الخير لغيرك يأتيك الخير من حيث لا تحسب

ناس لولة قالوا ويازين قولهم

كثر الكلام خصام وكثر السماح مذلة
وكثر الدموع حرام وكثرة الطيبة علّة

قاللها شن نجيبلك معايا ؟!
قالتله جيبلي مخده نرقد عليها و نرقد بدون ما انفكر ..
و جيبلي قلب يزعل بس بسرعه ما يروق و يصفي ..
و جيبلي ساعة راحة بال و فرحه بحق دينار ..
و أقفال نسكر بيها باب الاحزان ،
و جيبلي من الحب مليون حضن ،
و جيبلي معاك شوية صبر ، و للخواطر جبر ،
و جيبلي أمان و ضحكة طالعة من القلب بإطمئنان
و الا نقولك
علشان ما تلخبطش جيبلي العمر من الأول
و جيب حبايبنا اللي زمان
و جيب الجيرة و الصحبة
و جيب قلب مايسودش
و عيون جميلة ما تحسدش
و خبزة و ملح ما ينخان

ما تحرجوا كبار السن وما تختبروهم في ذاكرتهم؟
عرفتني ياحاج او ياحاجه؟ أنا من أو ولد من ؟
سلِّم عليهم وقول أسمك وعرّف بنفسك!!
راه حتى النسيان يوجع؟؟
" إذا خانتهم الذاكرة فلا يخونك الأدب "