من قلب البساطة يأتي الجَمال

يارب أيامُ حلوه
‏وكُلها من خير الى خيـــر

تـعز عليـا النـاس اللـي علاقتـي معاهـم مافيهـاش ارتبـاط و وجـع رأس
يعنـي عھان فضينـا نتـواصلو و عھان لهينـا عھل واحـد و عـذره معـاه
لأن مؤمنيـن انُّ اللـي ف الـقلب ف الـقلب .

استودعتك ربِّي كل نعمة أنعمت بها علينا
اللهُمَّ بارك النعم واحفظها من الزوال وزدنا ولا تنقصنا.

تعودت ..نغلب في العرب بالنية..
واللي معاه الله ....كيف ايخيب
نظيف معدني ونظاف حتي ايديا
مادام ربي فلـ ... الارزاق ايجيب
ولايهمني في المال ..الا البيتية
زينة و عطيبة .والبطون اتجيب
وكل طير ..عنده طير ..يعرف ديه
وتشري اقلوب الناس.. بالترغيب
الكِبر ...في الشيطان... واللي زيه
تواضع و خلّك ......من الله قريب
والظالم..... يعدي ..في شراب اميه
والمظلوم سهمه في الظلام يصيب
و راهو..... الطمع ماريت بلوي زيه
ايجيب المرض و الهم بعد الشيب
والكذب كيفه..... ما نضرت رزية
والحسد ناره ..اتضر ..كل حبيب.

تحسابيهم
ايصون غلاك أعزاز دللتيهم
انتي واهمه ياعين تحسابيهم
.
هم هانوك
عليك جرح واعر فالحياه جرحوك
قتلك وحق الله........... مايبوك
وانتى امعاهم شاقيه تبيهم
وقتلك ارخيهم ياعين ارجوك
مغير ماسمعتي الراى تبعتيهم
وقتلك معا لايام تو ينسوك
وانتى بعد عامين ما انسيتهم.
..
لا مايبرا
هذا جرح يبقي في حياتك عبرا
اول غلا دريته مانك .....خبرا
وناعارفك ياعين..... حبيتهم
عليك واعره عارف نهايه غبرا
نا من بدايه قلتلك فوتيهم
انتي اللي قلبك حفرتي .....قبرا
قلنالك عرب خيان هم جيتهم
تحسابيهم
ايصون غلاك أعزاز دللتيهم
انتي واهمه ياعين تحسابيهم

ديما فال الخاطر طيب
كل بعيد ايقول اقريب

عزت نفسي مانعطيها
حتى والشاري غاليها

شحتت لقدار اتريدلها
هلها ونحنا.. مانا.. هلها