غرامك يالخفوق ذبحني هآت حضنك يحتويني،للكاتبة/ كلارينت "مميزة" (مكتملة) - الصفحة 2 - منتديات صواديف عشاق

 ننتظر تسجيلك هـنـا

 

 

( إعلانات صَـوَادِيِفْ عُشَـاقْ )  
     
     
   

 

{ ❆فَعِاليَآت صواديف عشاق ❆ ) ~
                      

 

 


الإهداءات



إضافة رد
 
أدوات الموضوع انواع عرض الموضوع
قديم 10-31-2023   #11


الصورة الرمزية مشُآعٍرٍ

 
 عضويتي » 77
 جيت فيذا » Oct 2023
 آخر حضور » منذ 3 أسابيع (04:30 AM)
آبدآعاتي » 721
 حاليآ في » بين رموش عينه â‌¤ï¸ڈ
دولتي الحبيبه »  Saudi Arabia
جنسي  »  Female
آلقسم آلمفضل  » العام ♡
آلعمر  » 60 سنه
الحآلة آلآجتمآعية  » مرتبطه ♡
 التقييم » مشُآعٍرٍ
مشروبك   ice-lemon
قناتك max
اشجع ahli
مَزآجِي  »  45

اصدار الفوتوشوب : لا استخدمه My Camera: استخدم كاميرا الجوال

My Flickr  مُتنفسي هنا تمبلري هنا My twitter

мч ммѕ ~
MMS ~
 

مشُآعٍرٍ غير متواجد حالياً

افتراضي



بسم الله الرحمن الرحيم


،


"ربِّ ادخلني مدخل صدق وأخرجني مخرج صدق
وإجعل لي من لَدُنك سُلطانًا نصيرا"



،



السلام عليكم ورحمة الله وبركاته
البارت ونزززل كرمال تفاعلكم الحُلوو



"البـارت السادس "

رواية غرامك يالخفوق ذبحني هآت حضنك يحتويني/بقلمي .


،



أريدها وحدي .. فلا يدّعي
غيري هواها .. تلك أطواري
أريدُ أن أطوي عليها يدي
من ريبتي .. من فرط إيثاري
أحبها وحدي .. وما ضرني
أن تنقل النجومُ أخباري
فيشربُ الصباحُ أنوارها
ويشربُ الغروبُ أنواري
*نزار قبّاني .




،




عُمر قاطعه : بدون رسميات يا عمي انا الحين
بحسبة ولدك .. واعتبرني زوج بنتك
على سنة الله ورسوله
من هاللحظة ..!
ناصر عُمر كبر بعينه اكثر ويشوفه
يستاهل انه ياخذ بنته شُموخ
قال: بنتي حلال عليك وتستاهلها
واشهد انك رجل كفو والنعم فيه
واكيد بنتي راضيه فيك..
ثم نَاظر بشُموخ متأمل انها بتوافق عليه
قال: بس تعرف القرار الاول والاخير
يرجعْ لبنتي شُموخ ..
قاطعه صوت صراخها من بعيد
نورة جايه بعبايتها
قالت برفض وتهديد : يخسسسسى
تاخذه بنتي....وبنتي ماراح توافق على
واحد مثلك مايشررفنا ..
عُمر ابتسمْ ببرود ، انقهر وقال بنفسه
" انا اللي ما اتشرف فيك لا انتِ ولا بزوجك الخَسيس
ولازم ارد له الصَاع صَاعينْ ..!"
ثم تجاهلها كلمتها الإخيرة..
بثقه قال انا يا خَالتي
ما جبرتها تتزوجني غصبْ ..
والقرار يرجع لها هي ان واقفت ولا لا
ودام ابوها عطاني كلمه ماراح اطلع
الين اسمعْ ردها لي ..
نورة : اقوول عَاد قوم انقلع براا وشيل رجالك معك..
مسوي فيها المنقذ..
تتصيد بنات الناس عشان تتزوجها
ومتى ماشبعتْ منها طلقتها..!
وين عايشين يا قلبي تحسب ماوراها
اهل ..!
نَاصر بحده : نوورة بسك عاااد بنتي
ومالك شغل فيها انا ولي امرها
وادرى بمصلحتها ..
عُمر حسْ الجو متكهرب ووضعه غلط بينهم
اضطر يطلع برا المجلس المغلق
لأجل يتفاهمون وواثقْ ميّه بالميّه انها بتكون له !
قال : عمي تسمح لي بطلع برا انتظرك
عشان تاخذونْ راحتكم ..
نَاصر : اذنك معك ..
نورة : طلعت روحك ان شاء الله..
عُمر تجاهل كلامها ولا رد عليها واشر لواحد
من رجاله يسجل الحوار اللي يدور بينهم
عشان يكونْ دليل ضد امه ..!
ثم التفتْ لزوجته ومسكها مع كتفها
بدفاع عنْ عُمر قالت: بسس يا نوورة اسسكتي
لا اقص السانك الرجل جاي يستر بنتك
ومسك طارق الخسيس المشوهه سمعتها
تروحين تغلطين عليه قدامي..!
نورة انصدمتْ من زوجها ودفاعه عن عُمر
قالت : لا والله تدفاع عنه وتعلمني انه
جاي يستر بنتي بعد
خلاص سوى اللي عليه جزاه الله خير ..
ينقلع يشوف له وحده ثانيه غير بنتي ..
اذا ماتهمك حياة بنتك يا نَاصر، فأنا تهمني..
وماراح اسكتْ يا نَاصر ..
نَاصر مسكها من ياقتها
قال: تسكتين وغصبن عنك بياخذها..
ثم التفت لبنته:هاااه يا شُموخ قوولي تبينه ولا لا
شُموخ بحالة صدمه عيّتْ لا تنطق بكلمة..!
نورة انقهرتْ منه ، شلونْ يرمي بنته وعَارف مصيرها
قالتْ : صَاااحي انتْ يا نَاصر هالرجل بياخذها
ولا شبع منها طلّقها ...يرضييك بنتك
ترجع مطلقه ..!
ناصر انقهر من كلامها اللي زاد النار بقلبه
وقال بغضب : اييييه يرضيييني يا نورة
دامني عطيت الرجل كلمه ما اثنيها ..
نورة تترجاه : تكفى اكسر كلمتك عشاني
وخله يذلف بحريقة تحرقه ...
الا بنتك لا توديها للنّار
تحرقها وتحرقنا معها ..
نَاصر دفها : انقعلي عنّي لا تتدخلينْ ببنتي
واذا بنحترق مافرقت معي ..دامها تتزوج !
نورة طاحتْ على الأرض وتعورتْ .. قامت
رجعت تترجى ناصر .. وتتمسك فيه
قالت: تكففى يا ناااصر الا بنتتي
تكففى .. بنتي مستحيل تقبل برجل
واحد مثله..ماهو لازم تشاورها
انا ادرى بمصلحتها ..!
قاطعتهم شُموخ ..
ماهي قادره تتحمل اللي تشوفه وتسمعه
امها وابوها يتهاوشًون هذا يبي الفكه منها
وهذي لا !
وكلهم يعرفون مصلتحها ..!
قالتْ : اي مصلحه تتكلمون عنها !؟؟
هالحين صار يهمكم رأيي انا اذا باخذه ولا لا ..!
هالحين صدقتوا كلامه ، وانا بنتكم
من لحمكم ودمكم كذبتوني ..!
ولا فكرتوا حتى تتأكدون من الخبر
اتهمتوني على طول .. بالخاينه !!
ثم ناظرتْ بأبوها مقهوره منه
قالتْ : حتى انت يا بابا ماكلفتْ على عمرك
تروح تسأل اذا الخبر كذب ولا لا ..!
بس همك تزوجني عشان ترتاح من
كلام الناس وتهمك سمعتك ..!
لهالدرجة انا تشوفني
رخيصه عندك ..
نَاصر انصدم من ردها ، لكنْ كلامها كله صح!
قال : لا والله يا بنتي ماعَاش
من يرخصك بس انا ...
شُموخ قاطتعه : اي بس !! بعد
وينكم اليوم توقفون معي بمصيبتي اللي طحتْ فيها
ولا واحد منكم وقف معي ،كلكم صرتم ضدي
وعطيتوني ظهوركم ..!
هالحين كلكم ادرى بمصلحتي!
نورة راحتْ لبنتها تترجاها : ساحميني يا بنتي
الخبر كان صدمه لنا وماقدرنا نسوي شي
شُموخ ضحكتْ بسُخريه : هههههه ضحكتيني والله يا ماما
الا تقدرين بس ماتصدقين ..الا الغَريبْ
جَاء ينظف سمعتي من الأرض ...
وجيتي طردتيه عشانه مايناسب لي
على اساس اللي قبله كان مناسبْ هاااه
نورة قاطعتها : يا بنتي حنا اهلك واذا زعلانه
عن اللي صاراليوم لا تلومينا ...
شُموخ : اجل الووم مين..! الوم نفسي !
عشان ماقدرتْ اقنعكم تصدقوني
ولا بابا اللي مد يده علي عشانه
يشوفني خاينه ..!
ناصر حس بغطلته
وندمان على تصرفه .. راح لبنته
وقال : والله يا بنتي ..
قاطعته شُموخ للمرة الثانيه : لا تحلف ولا تبرر
يا بابا .. ما ابي اسمع شي منك
لأني ماراح اسامحك على اللي سويته فيني
واذا تبي قراري فأنا موافقه على عُمر
نورة مصدومه من كلام بنتها .. ماتوقعتها
توافق .. بنتها اللي رافضه الزواج
شلون توافق على واحد مثل هذا ..!
وعارفه بيطلقها .!
نورة قالتْ : نعم نعم ... !
عيدي اللي قلتييه ما سمعتك زيين؟
شُموخ تقدمتْ لعند امها، شافتْ هالموقف
فُرصه لها .. عَشان تتزوج عُمر
وتقهر أمها ..
قالتْ : موافقه عليه وراضيه فيه باللي هو به
سمعتي يا ماما ..
نورة : لا بالله بنتي انخبلت هذي ماهي بنتي
اللي اعرفها اكيد فيها بلاء ..!
التفتت لناصر : لا يكون انت مهددها يا ناصر
ويلك مني ذا انت مهددها ..
ناصر قاطعها : انا ماقلت شي قلت بنتك هي اللي تقرر
وانتِ سمعتيها باذنك وش قالتْ..
التفت لبنته : انا هددتك يا شُموخ جاوبي؟
شُموخ ناظرتْ بأمها
وقالتْ : ماهددني ولا شي بس عَناد فيك ياماما
راح آخذه .. وبدون رضاك بعد.
نورة رمشتْ عينها مصدومه
قالت بعدم تصديق : لا لاا هذي ماهي بنتي
اكيد فيها شي ..بنتي ويينها
جيبوا لييي بنتي ..
ناصر تجاهله زوجته
ومد يده لشُموخ : يلا يا بنتي تعالي معي
شُموخ مسكتْ يد ابوها وراحتْ معه ..
متجاهله صراخ امها ..
وقفل الباب وراه ..
تاركه امها تحت آثار الصدمة
منهاره .. عَارفه مصير بنتها بترجع مطلّقه
ووش بيقولون عنها الناس ..!
نظرة المُجتمع اللي هي فيه ما ترحم .. !
قالتْ بحسسرة :حسبي الله عليك يا نَاصر
الله لايوفقك ..وديت بنتي للنار راح تحرقها
وهي حيّه ..!
جت غِيْد قدرتْ تدخل .. عقبْ ماطلع عمها
ماهي بحال احسنْ من خَالتها
قالتْ : خلاص يا خالتي استهدي بالله
اهم شي ان بنتك بريئة من التهمه الحمد لله
وش فيها اذا تزوجتْ عُمر ..
مو هذا اللي يبيه عمّي ..!
خلاص خليها تتزوجه يا خَالتي
نورة رفعت راسها تناظر بغِيْد ومصدومه من كلامها
قالت : تخلخت عظامك
وش قاعده تقولييين انتِ ..!!
صاحييه ولا مهبوله مثل عمّك !!
شلون ترضين بنت عمّك تتزوج واحد
خسيس مثلْ عمر ماعنده غير الزواج والطلاق
ترضين بنت عمّك تصير مطلًقه
وعلى كل السان ..!
غِيْد بلعتْ السانه وندمتْ انها تكلمتْ اصلاً
نزلتْ راسها قالت بأسف : لا والله ما ارضى بس..
قاطعتها خالتها : اجل ابلعي السانك واسكتي
عني اللي فيني مكفيني ..
غِيْد خافتْ من صراخها وسكتتْ
قالتْ بنفسها "والله لو تدرين بنتك وش مسويه
من وراكماكان سويتي هالمناحه عشانها
كان رضيتي بزواجهامن عُمر ..
بس مشكلة بنتك تحبه من سنتين وراضيه فيه
حتى لو طلّقها ..! "
تنهدتْ واكتفت بالسكوتْ والمواساة
لخَالتها ..






،





كانتْ المشرفة ام ضاري واقفه
بعيد عنهم تراقب المسرحيه ...
اللي صَارتْ قدامها، صبرتْ
الينْ شافتْ نَاصر وبنته طلعوا برا عند عُمر..
رجعت للخلف عشان محد يشوفها
ويشكْ فيها..!
طلعتْ جوالها .. وجلستْ تكتب
رسالة للشخص المجهول
" ابشرك يا طويل العُمر وافقتْ عليه"
ثم قفلتْ جوالها بسرعه
وخبته بجيبها
رجعتْ تَساعد غِيْد بمسك خالتها
توديها غرفتها .. عشان ترتاح
نفسيتها عقبْ اللي صَار ..




،





قسم الرجال
صالة الإستقبال الرئيسية
عُمر جَالس بهدوء وحاس بشعور الرضى على اللي سواه
وخطط له ...!
كان واثق تمام الثّقة انها راح توافقْ عليه
ومن شدّة الثقة اللي فيه جاب المأذونْ الشرعي !
توّه واصلْ ..
جلستْ شُموخ بجنب ابوها ..
متوترة ، خايفه ، تحس بشعور غريب
اتجاه عُمر ... صّحيح حلمها تتزوج عُمر
صَار حقيقه ..!
ولكن بطريقة ماتخطر على بَال مخلوق !
ماكانتْ متوقعه الأمر يصير كذا
كانتْ تنتظر أمه او الخطابه أم مطلقْ
تخطبها رسمي .. ومجهزه كلام
تقنعْ أهلها فيه ..!
لكنْ كل اللي خططت عليه تبخر .!
ما تدري ان عُمر كان مخطط عليها مُسبقًا..!
شُموخ تعيشْ بحالة صدمه وعدم استيعاب
اللي يصير قدامها..
وضعها تغير بين يوم وليله !
امس ولد الشيخ مبارك
اليوم فَارس احلامها.. عُمر !
انقذ سمعتها وجَاء يتقدم لها رسمي
قطع حبل افكارها صوتْ ابوها
وبيده الكتاب : خذي وقعي وابصمي ..
شُموخ .. ترددت للحظه شوي
توترتْ ... تحس بقشعريرة
تسري بجسمها ..
دقها ابوها وهمسْ بإذنها : اخلصي الرجل
بيمشي ...
شُموخ .. صحتْ من سرحانها
اخذتْ القلم ويدها ترجفً
وقعتْ بسرعه .. بدونْ تفكير حتى ولا شروط
نستْ موضوع الدراسة كلّه ..!
الصراع اللي تعيشه بنفسها نساها من تكون حتى !
قام نَاصر يصافح عُمر : الف مبروك منك المال
ومنها العَيال ..
عُمر ابتسم إبتسامة النصر ..
طول هالسنين كان منتظر هاللحظه ..!
وهو يصافح نَاصر
اللي مايدري وش نيته له ..!
عُمر قال : الله يباركْ فيك يا عمّي ..
آمين اجمعينْ..
بارك لهم المأذون الشرعي وسلّمهم عقدْ الزواج
نسخة لعُمر وزوجته شُموخ ..
شُموخ اخذتْ العقد ويدها ترتجف من التوتر
مسكها عُمر بيده .. رفعتْ راسها نَاظرتْ فيه
بفهاوة.. ثم سحبتْ يدها منه
ناصر .. هو الأكثر راحه بينهم
ارتاح من هم بنته وزوجها عُمر
وكلام الناس عن بنته
راح يوقف ، دامها تزوجتْ ..!
نَاصر ودع بنته ... شُموخ
وقال : الله يستر عليك يا بنتي وادري انّي غلطتْ بحقك
بس تكفيين سامحيني وانا ابوك..
شُموخ جتها الغصّة وماقدرت تنطقْ بكلمه
تجمعتْ الدموع بعيونها
وقالتْ : الله يسامحكْ يا بابا ..
ومشتْ على طول حتى ماسلمتْ عليه
ناصر : شُمووخ بنتي تعااالي سلمي علي وانا ابوك
عُمر مسك ناصر وطبيب على كتفه
قال: خلاص يا عمي اتركها هي الحين زعلانه
بس ترضى بترجع ..وهالحين انا بمشي
ناصر حط يده على كتف عُمر وناظر فيه بجديه
قال : الله يستر عليكم.. ويحفظكم
مير اسمع ..
عُمر : آمين يا عمي .. آمرني وش بغيتْ
ناصر بجديه قال: بنتي يا عُمر امانه برقبتك لا تضيعها
وانا ما رضيت فيك زوج لها ..الا اني واثق فيك
عشانك ولد المرحوم عبد العزيز ..رحمة الله عليه
عُمر ماسكْ نفسه " ههه ما رضيتْ فيني .. اعلمك
وش معنى الرضى يا نَاصر "شاد على قبضة يده
وقال بهدوء مُصطنع : الله يرحمه ويرحم جميييع
موتى المسلميين ..
طول بالكلمة عُمر ..قاصدها وكأنه يلمحْ لشيء
من المَااضي ..!
لكن عَارف ان نَاصر مايدري عنه ولا شيء
غير ابوه عبد العزيز ..
وناصر سُبق و اشتغل عند ابو عُمر عَبد العَزيز..
ثم استقال عنه وصار له شغله الخاص ...وكوّن نفسه
وكون ثروته معه.. ه
ثم كمّل ناصر قال : وانتْ من الناس اللي وقفتْ معي
بمصيبتي ...عكس الباقي
كلنْ عطاني ظهره ،وقعد يتشمتْ فيني
القريب والبعيد ما سلمتْ منهم
وصلني منهم كلام يسمْ البدنْ ..
ماصدقوا يطيح اسمي بالأرض و..
عُمر قاطعه : ياعمي اللي صار مضى بخيره وبشره
وكلام الناس لا يودي ولا يجيب الأهم
ان بنتك شريفه وعفيفه مثل ماربيتها انتْ
نعم التربيه ..المفروض ما تغلط بحقها
لكن مالومك على اللي سويته
بسبب صدمتك خلتك تستعجل
بالحكم على بنتك ..
وهذا طبيعة الانسان عجول
ومحنا معصومين عن الغلط ياعمي
لكن الحمد لله ظهر الحق بالنهايه ..
ولعل اللي صار هذا خيره ياعمي
عرفتْ من اللي وقف معك بوقت الشدة
واللي اعطاك ظهره ..
كلام عُمر له .. اثر فيه
وكبر بعينه اكثر واعجبْ فيه نَاصر
قال : والله اشهد انك رجل كفو ماشاء الله عليك
ويشد بك الظهر.. الله يوفقك يا ولدي
و معروفك هذا ماراح انساه لك
طول ما انا حي...
عُمر ابتسم بخبث وداخله يقول" اكييد ماراح
اخليك تنساه طول عمرك يا نَاصر .. راح اصير
الكَابوس اللي يلاحقك وين مارحتْ
حتى فنومك ماراح تسلمْ منّي .."
ثم قال : هذا واجبي ياعمي واللي علي سويته
وبنتك بحطها بعيوني .. تطمن
ولا تشيل همها ياعمي ..
ناصر ارتاح وتطمنْ اكثر
ان بنته تحت رجل يخاف الله فيها
قال : الله يطمنك ويريحكْ مثل ماريحتني
يلا يا ولدي سلمني عليك وسلمني على شُموخ
وقول ابوك ماهو قصده يسوي فيك
كانتْ لحظة غضب وعدتْ الحمد لله على خير
عُمر : الله يسلمكْ بإذنْ الله يوصلْ
في آمان ..
ناصر ودعه : في حفظ الله ورعايته
مشى عُمر وإبتسامة الشر بوجهه
اخيرًا سدد الهدف المطلوب
اخيرًا حقق إنتقامه من نَاصر ..!
ركبْ سيارته .. ولقى شُموخ
تبكي بصمتْ وتشاهق
مد يده بطلف ويمسحْ دموعها
وقال : خلاص حبيبتي بكرا بتشوفينهم بالحفلة
لا تبكين ..
شُموخ زادتْ بكاء اكثر
عُمر تأفف بضيق : خلاص يا قلبي اهدي
تبين اجيبْ لك مويه ؟
شُموخ هزتْ راسها بالإيجاب
راح عُمر فتح الثلاجة المُصغرة الخاصة بالسيارة
واخذ علبة مويه فتحها لها
واعطاها تشرب : سمي بالله حبيبتي واشربي
شُموخ اخذتْ المويه من يده ويدها ترتجف
طاحتْ المويه من يدها .. على عُمر
عُمر قمز من مكانه .. شُموخ كتمتْ ضحكتها
وقالتْ : اااسفه والله ماكان قصدي ..
عُمر كان متوقع المويه بتنكب بسبب
رجفة يدها ، قال : حصلْ خير ..
شُموخ اخذتْ المَناديل تجفف ثوبه
ويدها على وضعها ترجتف.. عُمر مسك يدها
ونَاظر بعيونها .. التقت عيونهم ببعض
عُمر يتأمل عيونها .. هالعيون تذكره بشخص
عَزيز على قلبه .. ماقدر على نظراتها
صرف عيونه بعيد عنها ..
ونزل يدها بهدوء
قال : ماله داعي تسمحين خلاص وصلنا البيتْ
شُموخ بلعتْ ريقها .. وسحبتْ يدها
منه ونزلتْ راسها منحرجه..
نزل عُمر من السيارة .. وشُموخ وراه
دخلوا القصر ..
شُموخ حستْ برهبه بالمكانْ
قصر ملكي ضخم فَاخر جدًا .. وماهو حول بيتهم ابد..!
حستْ روحها أميرة وهي تشمي فيه
وبشت عُمر لابسته على راسها
ماشيه وراه .. ماتعرف بهالمكان الا هو
الباقي غُرباء ..
استقبلتهم مشرفة الخدم حصه: حياكم الله
نورتم المكان..
وناظرتْ بشُموخ بتفحص :وحي الله
اللعروس الجديدة ..
عُمر : الله يبارك فيك
شُموخ ردتْ بحياء : الله يحييك ..
المشرفة حصه : آمرني طال عمرك
عُمر : بلغي الخدم ان فيه اجتماع الحينْ
واكدي عليهم ان الكل ضروري يجي
المشرفه حصه : ابشر طال عمرك
وحضرة المدام وش اخذمها فيه ؟
عُمر التفت لشُموخ وقال : تنتظرني هنا
الين ابدل ملابس واجي ..
ثم ناظر بالمشرفه قال :اخذي البشت منها
المشرفة حصه : ان شاء الله طال عمرك
اللي تآمر عليه يصير..
اخذتْ المشرفة حصه البشتْ من شُموخ
واشرتْ عتجلس في الصاله وطلبتْ من المضيفات
يضيفونها ..وقدموا لها عَصير
ثم راحت بعيد عنها وطلعتْ جوالها
وارسلتْ للشخص المجهول ..!
" عُمر تزوج بنت ناصر وتوّها وصلتْ للقصر"
ثم قفلتْ جوالها وخبته بصدريتها
ورجعتْ .. تبلغ جميع الخدم
يحضرون غرفة الإجتماعات ضروري ..
طلع عُمر من الأصنصير
رايح لغرفة الإجتماعات ولقى جميع الخدم
حَاضرين وعلى راسهم شُموخ
اللي واضح ارتباكها ..منه
القى السلام على الكل ..
ثم سحب الكرسي وجلس بهدوء
قال : اعرفكم على سيدة هذا القصر
السيدة شُموخ حرك السيد عُمر ..
شُموخ حستْ الأنظار عليها
توترت زيادة ومسكتْ يد عُمر شدتْ عليها
بقوة .. عُمر طبطب على يدها من باب التطمينْ
وقال بهمس :حبيبتي لا تخافين.. انتِ
جديدة عليهم ولازم يتعرفون عليك
شُموخ ناظرت فيه وقالت : بس انا استحي
ماني متعوده كذا ..!
عُمر بتنهيده : مع الأيام بتتعودين
ثم كمل ، قال : هي صاحبة هالمكان
وكلمتها مسموعة مفهوم
واعتقد باقي الكلام واضح مايحتاج
اعيد واكرر ..
الكل رد عليه : ان شاء الله طويل العمر ..
عُمر : انتهى الإجتماع والكل يشوف شغله
طلعوا الخدم من غرفة الإجتماعات
قام عُمر من كرسيه...
وقامتْ معه شُموخ ماسكه يده
وكأنها ماتبيه يبعد عنها ثانيه وحدة
حاسه بعدم الراحه بهالمكان
رغم انها تمنت هالمكان كثير وحطتْ امالها
انها تعيش فيه .. لكن الواقع صدمها
كان غييير عن احلامها اللي توهم نفسها فيه
حاسّه بالإختناق .. همستْ بأذنْ عُمر
قالت : لو سمحتْ ممكن اطلع الحديقة اشم شوية هواء
عُمر بتساؤل : ليش عسى ماشر وش فيك ؟
شُموخ : مدري احس بالضيقه هنا..
عُمر ابتسم وصد وجه عنها
وقال بنفسه " هالضيقه بتلازمك وبتلازم اهلك
لين يجي الوقت وانفّذ اللي براسي بترتاحين"
قال لها : تبشرين هالحين نطلع ..
طلعها لحديقة القصر
شُموخ تتلفتت يمين يسار خافت يكون
فيه رجال يناظرونها وهي كاشفه
عُمر فهم عليها ..وحط يده على كتفها
وقال : حبيبتي تطمني مافيه احد الحين
انا بلغتهم ان زوجتي بتحضر معي
شُموخ تنفست براحه : مشكور ..
عُمر سحبها لحضنه
ورفع راسها بيده
التقت عيونه بعيونها .. آااه من عيونها
تمنى انها ماتكون بنتْ ناصر
عشان يبوس هالعيون اللي ذبحت قلبه
وخلته يتذكر الماضي وزاده حقد وإنتقام..!
شُموخ نزلتْ عينها بحياء
عُمر ابتسم بخبث..
وقال : تشكريني على ايش حَبيبتي ؟




،





الى هنا نتوقف



"نهاية البارت"



قِراءة مُمتعة للجَميع


 توقيع : مشُآعٍرٍ






إحساس ديزاين

مبدعة و خالقي سلمت يداك يا جميلة


رد مع اقتباس
قديم 10-31-2023   #12


الصورة الرمزية مشُآعٍرٍ

 
 عضويتي » 77
 جيت فيذا » Oct 2023
 آخر حضور » منذ 3 أسابيع (04:30 AM)
آبدآعاتي » 721
 حاليآ في » بين رموش عينه â‌¤ï¸ڈ
دولتي الحبيبه »  Saudi Arabia
جنسي  »  Female
آلقسم آلمفضل  » العام ♡
آلعمر  » 60 سنه
الحآلة آلآجتمآعية  » مرتبطه ♡
 التقييم » مشُآعٍرٍ
مشروبك   ice-lemon
قناتك max
اشجع ahli
مَزآجِي  »  45

اصدار الفوتوشوب : لا استخدمه My Camera: استخدم كاميرا الجوال

My Flickr  مُتنفسي هنا تمبلري هنا My twitter

мч ммѕ ~
MMS ~
 

مشُآعٍرٍ غير متواجد حالياً

افتراضي



بسم الله الرحمن الرحيم



،


"ربِّ ادخلني مدخل صدق وأخرجني مخرج صدق
وإجعل لي من لَدُنك سُلطانًا نصيرا"



،
السلام عليكم ورحمة الله وبركاته
مشكورين على تفاعلكم الرائع
الله يسعدكم ..



"البـارت السابع"

رواية غرامك يالخفوق ذبحني هآت حضنك يحتويني/بقلمي .


،



أنا ألـف أحبك.. فابتعدي
عني.. عن نـاري ودخاني
فأنا لا أمـلك في الدنيـا
إلا عينيـك... وأحـزاني
*نزار قبّاني.


،




التقت عيونه بعيونها .. آااه من عيونها
تمنى انها ماتكون بنتْ ناصر
عشان يبوس هالعيون اللي ذبحت قلبه
وخلته يتذكر الماضي وزاده حقدْ وإنتقام..!
شُموخ نزلتْ عينها بحياء
عُمر ابتسم بخبث..
وقال : تشكريني على ايش حَبيبتي ؟
شُموخ احمّر وجها ماهي عارفه وش ترد عليه
وقالتْ بحياء : على إإهتمامك ..
عُمر ضحك بسُخريه : ههههه.. ماهو شي جديد عشان
تشكريني عليه لإني دايم اهتم بجميع نسائي الحسناوات
امثالك ومثل ماهو معروف عندكم
اني راعي الحريم على قولة امك..!
شُموخ انقهرتْ وتجمعتْ الدموع بعيونها
هي عارفه بحريمه ،بس ماقدر وضعها الحين
تُعتبر عروس جديدة ولازم يعاملها على هالمبدأ !
سحبتْ نفسها من حضنه بقرف..ومشتْ
لكن سبقها ومسك يدها
قال: ليش زعلتي صح ..؟
شُموخ صَاده وجهها عنه ماتبيه يشوف دموعها
حاسه بالغبنه .. كل شي إلا إثارة نَار الغيرة بقلبها
هي تحبه من قبل ..
عُمر قال : ما يستاهل الزعل دام انك تزوجتيني
ورضيتي بواحد مثلي راعي حريم
شُموخ التفتت عليه ناظرت فيه بحقد
قالتْ : رضيت فيك .. لكن مو حلوة بحقي تذكر حريمك
عندي ..! حتى لو كنت عارفه من تكون
بس معليش لزوم العدل !
عُمر رفع حاجبه باستغراب
قال : لا والله تعلميني العدل بعد ..بتشوفين العدل
مع الأيام
قالت : عن اذنك بروح انام ..
قال : نوم العوافي لا تنسين بكرا حفلتك بتكون عائليه فقط اهلي واهلك يحضرون ...وهالحفله سويتها من باب
العدل على قولتك ..!
شُموخ سكتتْ وصدتْ عنه ..ماشيه للقصر
تمسحْ دموعها ..
وبنفسها " آاه منكْ يا قلبي شلونْ حبيته وانعميت فيه
شلوون بتحمله اذا معامتله بالبدايه كذا
بكل وقاحه يذكر حريمه الحسناوات .."
تذكرت كلام غِيد لها .." بيكسرك مثل ماكسر غيرك ..!"
كتمتْ شهقتها .. ماتبي احدْ يسمعها
وزادها اكثر كلام امها " لا تروحين النار برجولك"
يتردد على مسامعها .. وقالت بغصّه: كتمني دخان
ناره .. اجل وش بتكونْ ناره يا ماما..!؟
اكيد مثل ماقلتي بيطلّقني .. بس ماراح
اخليه يطلقني مثل غيري ...انا شُموخ
وغير عنْ باقي حريمه ..
استجمعتْ شتات نفسها .. اخذتْ نفس عَميق
ودخلتْ القصرْ ...
عُمر سمعْ كلمتها الأخيرة لأن نبرة صوتها اعتلت شوي
ضحكْ بسُخريه وخبثْ : ههههههههه
ثم قال : اكيد انتِ غييير عنْ حريمي يا شُموخ
غيييير ولا تُقارنين فيهن..!
ثم طلع جواله واتصل على المُشرفة حصه
قال : الو حصه ..
المشرفة حصه : هلا آمرني يا طويل العمر
قال : السِتْ شُموخ رايحه القصر دخليها
جناحي الخاص..
المشرفة حصه رفعت حاجبها باستغراب
قالت : جناحك الخاص ؟؟ وغرف حريمك يا طويل العمر؟!
عُمر زفر قال: اظن كلامي مفهوم يا حصه مايحتاج اكرر
اللي قلتْ لك عليه سويه وانتِ ساكته..
المشرفه حصه بلعت ريقها ..
قالت : ابشر طال عمرك الحين بتكون بجناحك..
قفل الجوال ودخله بجيبه ..راح لمكتبه



،




المشرفه حصه
مستغربه من طلب عُمر اول مره يسمح لوحده
من زوجاته تدخل جناحه الخاص..!
وبنفسها " والله هالبنتْ وراها سالفه
وبس انفذ طلباتهم الا اني ماقدرت اعرف
على وش ناويين عليه ..! "
شافتْ شُموخ جايه ..وكأنها ضايعه ماتعرف شي بهالقصر
استقبلتها المشرفه حصه بابتسامه: هلا بطويلة العمر
حياكِ .. تفضلي ارتاحي بجناحك جهزناه لك
شُموخ بدون نفس قالت :مشكورة
دخلتْ المصعد معها .. وصلت الطابق الخاص بجناح عُمر
اشرتْ المشرفة حصه لها تتفضل : حياكِ تفضلي
ونوم العافيه ..
شُموخ ابتسمتْ : الله يعافيكِ
طلعت المشرفه حصه .. وتركت شُموخ بالجناح
واقفه بذهول تناظر بالمكان تصميمه غير عن تصميم القصر
كل الجدران مطليه بلون أبيض حتى بنقوشها اللي واضح
انها كانتْ مرسومه رسم .. ومُعاد ترميمها
من جديد بلون ابيض ..!
الأثاث كلاسيك والأرضيه خشب والممر رُخام ابيض
شد انتبهاها البلكونه .. راحت تفتحها كانت مقفوله !
شافت فيها كرسي قديم واضح عليه اثار الزمن
مهتري بس نظيف ..استغربت من وجوده هنا
وحالته كذا ..
خافتْ : يمه بسم الله لايكون هالمكان مسكونْ ..!
تعوذت من الشيطان وكملت مشي
بالممر ووقفت قدام باب الغُرفة
فتحتها كانتْ شبه فاضيه وتمتاز بالشبابيك الطويله
وكنبه قدام الشبّاك .. وسرير نفرين لونْ اسود
وعلى السرير بجامة نوم سوداء .. !
استغربت شُموخ : اعوذ بالله اسود مره وحده
وين عايش هالآدمي .. وشلون حريمه راضين هالغرفة
الكئيبه مافيها حياة حتى ..!
زفرتْ بضيق : لازم اغير هالمفرشْ مُستحيل انام فيه..
راحتْ للحمام "انتم بكرامة"
جابت مويه وكبتها على المفرش ..
ضحكت على اللي سوته
ثم راحتْ رفعت السمّاعة وضغطت على رقم الخدمة
قالتْ : الو .. لوسمحتِ ابي مفرش لون أبيض جديد
اللي عندي انكبتْ عليه المويه ..ولا قدرت انام فيه
المشرفة حصه : ابشري طال عمرك الحين انا بنفسي
اجيبه لك .
شُموخ مستغربه منها .. "شلون مشرفة تجي بدل
ماترسل وحدة من الخدم اللي على كثرهم
مافكرت تريح نفسها حتى ..!"
قالت :اوكِ انا بروح اتحمم .. اخلص القاه جاهزه
المشرفة حصه : ابشري طال عمرك..
قفلت السماعة وتنفست براحه : كويس مشتْ
عليها ..
ثم اخذتْ البجامة ودخلت الحمام " انتم بكرامه"
على دخلتها جت المشرفة حصه ومعها مفرش اسود جديد!
وبيدها الجوال تكلم عُمر : ابشر طال عمرك
هالحين اجهزه ..
قفلت الجوال وتأففت : اووف عاد هذي تبي ابيض
وهذا يبي اسود .. خير صارت حرب الوان
الله المستعان بس .. اللي له الكلمة الاولى
طويل العُمر ..
طلعت المفرش من الكيس .. وفرشته على السرير
ورتبته .. لما خلصت
الا شُموخ طلعت بعد ماجففت شعرها
فتحت فمها مصدومه : خييير وش هالكائبه اللي جايبتها
مو انا قلت لك جيبي مفرش لون ابيض؟؟
بسرعه شيلي هالكآئه وجيبي اللي طلبته منك
المشرفة حصه صنّمت بمكانها لما شافت عُمر دخل
وشُموخ ما انتبهتْ له ..
شُموخ حاط يدها على خصرها متنزفزه وتهز
قالت : وش تنتظرين روحي غيريه بسرعه ..
عُمر بحده: لا ماتغيرينه بدون اذني يا حصه
المشرفة حصه بلعتْ ريقها : بس طال عمرك ..
قاطعها عُمر : خلاص حصه اذا تسمحين
اطلعي ما ابي اسمع تبرير...
المشرفة حصه اخذت الكيس وطلعتْ بسرعه
شُموخ التفتت لعُمر : لييش ما تغير هالكآبه
شلون بنام فيها الحين ..يكفي البجامة اللي علي
متحملها ... اتحمل هاللون ..اعوذ بالله!
عُمر رفع حاجب باستغراب : لا والله تشوفينه كآبه !!
شُموخ انقهرتْ منه : ايه اشوفه كآبه ،
انام بالكنبه ابرك لي ولا انام بهالكآبه ..
عُمر " آه لو تدرين سبب هالكآبه
هو ابوك الخسيس نَاصر، كان نمتي فيها "
عُمر بهدوء : اللي يريحك حبيبتي نامي فيه ..
ثم فصخ بلوزته ..وبانتْ عضلات جسمه
شُموخ انحرجت وعلى صدتْ عنه ..
وراحت للكنبه تنام فيها..
وضوء القمر يتسلل ملامح وجهها الباكي الحزين
وهي تكتم غصتها ..ماحستْ
على نفسها الا ونامت ..
كان يقرأ كتاب .. وعيونه على شُموخ
عرف انها نامتْ ..
قام من فراشه بهدوء
راح عندها جلس لمستواها يتأمل تفَاصيل
وجهها .. مرر اصابعه على عيونها
يمسحْ دمعتها وقال بهمس : خلي دموعك بعدين
ما هو الحينْ يا بنتْ نَاصر ..!
ثمْ قام واخذ مفرش الصوف من الخزانه
وغطاها فيه ..
راح نام على سريره الكئيب..على قولة شُموخ
وبدتْ هواجيس الإنتقام تزوره
مثل كل ليله ..!




،




- قصر نَاصر الـ..
نايم بأحد الغرف .. بعد ما طردته زوجته نورة
على فعلته في بنته ..
ناصر يتعرق جسمه ويتقلبْ يمين يسار
يحس روحه تختنق اكثر .. من هالكابوس
صار يلازم اكثر هالأيام عكس قبل بشوفه بفترات شبه معدومه
من سَنتين الى خمس وتسعْ سنوات ..!
كَابوس الحَادثْ قبل 9سنين
~
" في الليل نَاصر يسوق سيارته واقف عند الإشارة
ينتظرها تصير خضراء .. ماعنده صبر
قرر يقطعها دام مافيه سيارات
دعس البنزين.. الا فجأة تمر سيارة تَاكسي
مسرعه قدامه .. وصدمتْ بجزء بسيط من سيارته
اما التاكسي صدم بعَامود الإشارَة صدمة قويه
بسببها شاف بعينه .. الحرمه طارت
من السيارة وطاحت قريب عنه
نَاصر نزلْ من سيارته .. شاف الحرمه
ارتبك وجته ام الركب .. ماهو عارف وش يسوي
الحرمه تصيح وتستنجد فيه : تكفى ساعدني
تكففى ساااعدني بموتْ بموتْ ...
ناصر خاف ..اول لا فكر فيه الشرطة تمسكه
وتطيح سمعته بالأرض .. وتضيع بنته وزوجته..!
ويعيش باقي حياته بالسجنْ!
تراجع للخلف .. ثم ركب سيارته
ودعس بنزين تركها .. بحالها!
ماهمها وهو عَارف ان الغلط عليه ..! "
~
قام مفجوع من الكابوس .. وصوت الحرمه
يتردد على مسامع اذنه .. الى الآن
غمض عيونه وتنهد ،قال: استغفر الله واتوبْ اليه
مسح على وجهه، وتعوذ من الشيطانْ
شَاف الساعة 4:00 قَام من سريره
راح يتوضأ .. طلع للمسجد يصلي الفجر
ثم جلس الين شروق الشمس
وباله مشغول بهالحرمه ..حتى ماخطر على باله
يروح يسألها هي حيّه ولا ميته ..!
شاف الساعة 8:30 ص
يمديه يروح ويرجع قبل حفلة بنته شُموخ..
قام طلع من المسجد ركب سيارته
متجه لإدراة المرور يستفسر عن الحَادث
وش صار على الحرمه هي
حيّه ولا ميّته ..!





،



بمكتب عُمر
جَالس فيه ومسترخي على كرسي المساجْ
شاد على اعصاب يده .. بعد ماجاه اتصال
زاد نار الإنتقام داخله وزاده قهر وحقد..!
اخذ نفس طويل .. وقام من كرسيه
ووقف عند الشبّاك يطالع تجهيزات الحفل
بالحديقة : وإبتدتْ حفلة الإنتقام ...
سمع صوت فتح الباب بقوة ..عرف انها امه ..
شاف وجها مايبشر بالخير..
قال: هلا والله بالغَاليه اللي جايه تبارك لولدها
فديتك والله يا يمه ..
الأميرة نجد بنبرة غضب
قالت : الله لا يبارك فيك ولا بعمرك
على سواد وجهك .. اعنبو ابليسك ماتستحي
ماتخاف ربك ، طيحة سمعة البنت بالأرض
ورايح حضرة جنابك تخطبها عشان تسترها
عقب اللي سويته فيها ..يا قليل الحيا ..
عُمر بحده قال: عن الغلط يمه .. انا اولاً اخاف ربي . .
ثانيا مافضحتها ولا تتهميني انا ..!
طارق اللي فضحها وبلغت عنه ..
ثالثًا البنت برضاها وبرضى ابوها
وافقت علي وملّكت عليها في بيت ابوها ..
الأميرة نجد : تخسسي اكيد ماهوب براضها
الا انك غاصبها يالنذل واجبربتها تتزوجك
عقب ما شوهت سمعتها ، الله حسيبك من ولد
واكيد ابوها مهبول ومجنون مثلك رضى
يزوجها عشان يبي يستر عليها
عمر مد لها بيده جهاز تسجيل صوتْ
قال : لا تتحسبين على يا يمه قبل ماتسمعين كلامها
مع اهلها محد جبرها تتزوجني هي بنفسها
وافقت..علي وبرضاها ..وانا رجل
ما اجبر الحريم على الزواج مني ..!
الأميرة نجد سحبت الجهاز منه
قالت : هات اشوف سواد وجهك ...
سمعت الحوار اللي دار بين شُموخ واهلها ..
انصدمت، قالت : لا بالله هالبنتْ انهبلت شلوون
ترضى بواحد مثللك عارفه انه بيطلّقها !!
عُمر ابتسمْ بثقه قال : اسألي نفسك يا يمه
الجواب عندك ..
الاميرة نجد ناظرت فيه بحقد
قالت: اكيد ماوافقت عليك الا عناد بأهلها الله لا يبارك
فيهم من اهل .. طاحت البنت بيد واحد مايخاف ربه
وقطعت رزق اخوي حسبي الله فيك مارحمت
خالك اللي لهالحين ماتزوج ..!
ثم دفت كتفه .. قالتْ : حسبي الله عليك
ما شبعت من الحريم انت..!
مالقيت غير هذي تتزوجها ..
تفوو عليك وعلى اشكالك يا المريض..
عُمر ضحك : ههههههههه هدي اعصابك يا يمه
كلامك صحيح لكن من سبقْ لبق ..واذا ودك
تعرفين ليش اخذتها اسألي..
الأميرة نجد : اي اعصاب ماخليت فيني عصب عشان
اهدي .. لا بارك الله فيك من ولد ..
طلعت الاميرة نجد حتى بدون لا تسأل السبب
لكنْ عُمر وقفها بكلامه : يمه تبين تعرفين من اللي متسبب
بوفاة زوجتي ساره ..؟؟
الأميرة نجد وقفت بمكانها ، والتفتت عليه مصدومه
قالت :وش جاب هالطاري .. بعد كل هالسنين !!
مو قفلوا ملفها قبل 9 سنوات ؟
عُمر قال : انا اللي طلبتْ يقفلون ملفها بعد
ماعرفت من اللي متسبب بهالحَادث..!
الأميرة نجد ذبحها الفضول فوق صدمتها، رجعت له
قالت : مين اللي ذبحها يا عُمر ؟!!
عُمر ونار الإنتقام تشتعل فيه
قال وهو راص على اسنانه : الخسيس ابو شُموخ
نااااااصر يا يييمه نااصر اللي شد الظهر فيني
وسترت بنته .. وذبح زوجتي سارة قبل 9 سنين
يا يمه وعايش حياته قاااتل ..!
و مرتاح طوول هالسنين ولافكر حتى
هي ميته ولا حيه .. المهم نفسه ..
واليوم جاااني خبر من ادارة المرور
ان هالخسييس توّه يدري
ان سارة اللي ذبحها تطلع زووجتي
امه من قوة الصدمه ماقدرت توقف اضطرتْ
تجلس على الكرسي حطت يدها على فمه ..
قالت : انت منجدك يا عُمر ولا تكون غلطان !!
عُمر ضحك مقهور قلبه
قال : هههههه اي غلطان يا يمه وكل الأدله ضِدّه !
الاميرة نجد مصدومه من ولدها ، مابلغ عليه
راحت ومسكته من قصميه شدّت عليه بقهر
قالت: وييينك طول هالسنييين !؟
وييينك ما بلّغت عنه واخذت حق زووجتك
توّك هالحييين تتكلم توّك تصحى ...!
وشلون طاوعك قلبك تاخذ بنته هاااه
عُمر : انتظر الفررصة لأجل انتقم من بنته الغاليه
عليه مثل ما زوجتي سارة غَاليه علي..
وهي تدف ولدها ومسكت راسها
ماهي مستوعبه ولدها شلون بهالبرود عايش
طول هالسنين صابر ، وش ناوي عليه
ماخطر ببالها الا...
قالت: ياويييلي ويلاه لايكون بتذببح بنته
يا عُمر ... اكيييد انك ما تزوجتها
الا انك بتذبححها وتاخذ ثارك من ابوهااا
تكفففى يا ولدي لا توسسخ يدينك فيهم تكففى
ياولدي مالي غيرك ولا ابي افقدك..
تترجى ولدها وتصيح عنده
عُمر ونيران الحقد والإنتقام زادت اكثر بقلبه
لما عكشف عن السر الكبير اللي اخفاه
طول هالـ 9 سنين واللي يعتبره
حمل ثقييل عليه وهاليوم
زاد ثقله اكثر ..!
قال : تطمني يا يمه انا ماني مثل ابوها الخسييس
الوث يديني وامشي..
الأميرة نجد : اجل وش بتسوي يا يمه ؟؟
عُمر بنبرة حقد قال : ماراح اقولك وش بسوي
لكنْ بعينك يا يمه بتعرفين ولدك وش بيسوي..!
الأميرة نجد ماكسر خاطرها الا المسكينه شُموخ
هي حبتها وتبيها .. لكنْ لما عرفتْ عنها
هي تكرهها ولا تحبها ..مسكت يده تترجاه
قالت : تكففى خذ حقك من ابوهاا
واترك هالمسكينه بحال سبيلها .. حرام علييك
اللي تسويه فيها يا ولدي والله حراام
عُمرشال يد امه عنه ، قال : مالك شغل باللي اسوي
لكن والله لا اخلي قلبه يحترق على بنته
مثل ما حرق قلبي على زوجتي ..
ترك امه ومشى .. قبل لا يطلع التفتت لها
قال : يمه اللي سمعتيه يبقى هنا..
ومحدن يدري بهالموضوع غيرك انتِ يا يمه
ورجاء اخير لا تتدخلين باللي راح اسوي
لأن لو تدخلي يمكن اسوي شي ماًراح يرضيك
وولدك تعرفيينه ..اللي براسه
يسويه وش ماكنت النتيجه..!
طلع وقفل الباب وراه .. تارك امه تبكي
وتعيش حالة الصدمه اللي تلقتها
من ولدها عُمر ..!




،





نَاصر رجع لبيته بالتاكسي
عقب ما استفسر من ادارة المرور
ماقدر يسوق من صدمة الخبر لما سمعه
عن الحرمه...
ويتردد على مسامعه
" توفت سارة .. زوجة عُمر بن عبد العزيز "
" توفت سارة .. زوجة عُمر بن عبد العزيز "
عُمر يطلع زوج بنته ..
دخل الصالة .. يتعثر بمشيته
ماهو قادر يتوزان .. وجسمه ينتفض
من الهلع والخوف اللي يسيطر عليه
بنته شُموخ زوجها عُمر اللي تسبب بوفاة زوجها !
شافته المشرفة ام ضاري طاح بالأرض
على طول ركضت له : طويل العمر عسى ماشر
وش فيك بسم الله ..
نَاصر ماهو قَادر يشيل نفسه
قال بصراخ: روووحي نادي نوورة بسسرعة
تحرركي...
المشرفة ام ضاري قامت بسرعه
قالت: ابشر طال عمرك..هالحين اناديها
راحت تنادي نورة .. الا وشافتها طالعه
من المصعد ..
المشرفة ام ضاري : الحقي على زوجك مدري وش بلاه
نورة شافته وركضت له بسرعه..
قالت : ببسم الله نااصر وش فييك
تعباان انتْ ؟؟؟
ناصر يتنفس بسرعة ومسك يدها بقوة
واشر بيده للمشرفة تروح عنهم ..
نورة التفتت للمشرفة اللي واقفه مصدومه منه
قالت : انققعلي من هناا وش تنتظرين ..
ثم ناظرت لزوجها وقالت : بسم الله عليك حبيبي وش فيك
وجهك قالب كذا..؟
ناصر تمسك فيها ..اكثر
قال : الحقيني يا نورة ..ببنتي ضاااعت من يدي
ضااااعت الله ياااخذني لييتني مت هذاك اليوم
ولا عشت هاليوم ..
نورة ماتت من الخوف وجاء ببالها طلاق بنتها
وجلست تصارخ..
قالت : طلقها الحقييير طللقها
والله ان قلبي قارصني انها بتتطلق
الله لايوفقك يا ناصر..بعت بنتي
لواحد مايستاهلهااا
ناصر : ياليييييت طلقها ياليييت يطلقها اليوم قبل
بكرا .. ولا تعيش معه..
نورة مافهمت عليه قالت : شلون يعني ماطلقها؟؟
وش قاعد تخررف انت تكلم زين يا نااصر
بدوون رموز ...
ناصر : ياليتني مت يا نورة بهذاك الحادث
ياليتني مت انا ..
نورة تضربه بصدره قالت : اي حادث تقصد !!
ماني فاهمه علييك ... تكللم بسرعه
رفعت لي ضغغغطي..!
ناصر : تذكرين الحادث اللي قبل تسعْ سنين..؟!
نورة بعد تفكير توسعت عيونها
وهمستْ : تقصد حادث الحرمه وش جاب طاريها هالحين..؟!
ناصر : آااه لو تدرييين هالححرمه من تكون ؟!
نورة ماتت من القلق والتوتر اللي هي فيه
قالت : من هي ؟!تكللم ..لعبت باعصابي
ناصر : هالحرمه هي زوجة عمر راعي الحريم..
نورة شهقت : وش قاعد تقوول انت ؟؟!!
شللون حرمته وهو مطلق الحرييم وماعمري
سمعت عنها حتى من وين طلعت له ذي..!
ناصر : ههذي حرمته الاولى يا نوورة محدن يدري عنها..
ولاحدن يعرفها غير قليل ينعدون عالأصابع..
نورة جلست تصييح وتفكر ببنتها شُموخ
وتضرب يدها على الأرض بحسرة وندم ..
قالت : ياويلي ويلاه بنتي راااااحت فييها حسبي الله
عليك يا ناصر عقب اللي سويته فيها
الله لايووفقك احرقت بنتتي في النااار
اكيييد بيذبحها روووح جبها
يا ناصر روووح...بنتي
بتضيييع مني ..
جلستْ تترجاه .. وتبكي على حالها..
ناصر : هددي يا نووورة مستحيل يذبحها
نورة : شلللون اهدي قللي شلللون ...!
وبنتي على ذمته اكيد انه بيذبحها وياخذ حقه منك
آاااه ياحسرتي على بنتي يا ناااصر
ياحسسسرتي على وحيدتي ..
ناصر مسك يدينها بثبات..
قال : تتطمننني يانورة والله ماراح يذبحها ..
عمر مايدري عني والله مايدري
نورة : شللون مايدري الا اكيد انه يدري ..
لا تقعد تكذذب علي يا ناااصر ..
ناصر قاطعها : صدقيني يا نورة مايدري
دام ملف القضيه مسكر من 9 سنين
وسبب الوفاة حادث مرور
لو يدري عني ماكان خلاني عايش
طوول هالسنين ...!
مير استهدي بالله ياحرمه..
نورة : ياويلي على بنتتتي هالحين شللون برتاح
قلللي يا ناصر .. ليييتك ما زوجتها
والله قلبي قارصني ان هالرجل وراه بلاء
ناصر : اصحي يا نورة ترى ..والله محدن يدرني عني
الا اذا انتِ فتحتِ فمك .. وفضحتيني
نورة : آااه يانَاصر قلبي ماهو مرتاح
تكفى طلق بنتنا منه جبها عندي اليوم خلها ترجع
قول مانبيييك تسترها بس هآت بنتي
ناصر : شللون اخذها غصب منه ..!
كذا اكيد بيشك فيني .. مير خليها تجلس عنده كلها كم
شهر ويطلقها مثل باقي حريمه
وترجع لك بنتك سالمه
نورة : ياااربي استودعتك بنتي يااارب انها بحفظك
وبعينك اللي ماتنام .. والله يا ناصر اني راضيه
بطلاقها بس ترجع لي بنتي سالمه ..
ناصر : ان شاء الله ترجع بنتنا سالمه مير لاتبينين لهم شي
خليك على طبيعتك..
نورة : ااان شاء الله ، بس متى نروح للحفلة
ابتطمن على بنتي ابشوفها ..
ناصر : ابرتاح شوي بعدها نروح ..






،







بجناح الأميرة نجد
عُمر واقف عند الشبّاك
قال بضجر :يمه واللي يرحمْ والديك
غرفتي وانا حُر فيها .. احطها وين
ما أبي رجاءً لا تتدخلين فيني..
الأميرة نجد مصعبه منه، وماسكه نفسها
قالت : وش اللي حر .. لا حبيبي حرَيتك هذي
خلها لنفسك ْ ..ضاقتْ الأماكن عشان
تحطها بغرفة المرحومه سارة ..؟!
ضاقتْ الأماكن مالقيت الا غرفتها
اعنبوا ابليسك على كثر غرف حريمك
ماحطيتها الا بغرفتها
صاحي انتْ ولا مريض
ولا نسيتْ انها بنتْ نَاصر ؟
عُمر ضرب الطاولة بيده..
قال : والله مانسيتْ يا يمه انها بنت الخسيس نَاصر
لكنْ انا ابيها بغرفتي لحَاجه فيني..
الأميرة نجد : وش هي الحاجة هذي اللي فيك
قولي ..
عُمر التفت لأمه قال : ماراح أقول يا يمه
بس لكل شي وقته .. !
الأميرة نجد : وبعدين تعال من سمحْ لك تاخذ
الفستان هاه ؟؟؟ اعنبوا ابليسك
كل شي عطيته هالبنتْ اللي ماتستاهل..شعره منكْ!
عُمر : فستان زوجتي وبكيفي اسوي فيه اللي ابي
ان شاء الله احرق اقطعه ..
مالك حق تتدخلين يا يمه ..
الأميرة نجد : لا والله كلمتْ .. الا لي حق وغصبن عليك
والفستان ماراح تلبسه..
عُمر بعناد : راح تلبسه رضيتي ولا مارضيتِ
وحذرتك يا يمه لا تتدخلين بشي مايخصك
لا تخليني اندم انّي قلتْ لك على سري
تركها وطلع من الغرفة ..
تنهدتْ بضيق : حسبي الله عليك يا نَاصر
دمّرت حياة ولدي .. صار يتزوج الحريم
ولا يقعد معهن شوي ويطلّقهن ..
سببت لولدي عقدة منهن
الله ينتقم منك .. الله ينتقم منك




،




بعد الجدال اللي صار مع امه
راح لغرفة اللي فيها شُموخ
رفتح الستاير .. دخل ضوء الشمس
يتسلل ملامح وجه شُموخ..
نايمه على الكنبه..
مشى وجلس قريب لمستواها ..
يتأملها بهدوء يسبقْ العَاصفة
قال بنفسه " ياحليلك نايمه ولانتي داريه
عن الدنيا ...مثل ابوك الخسيس
يحسبني مانيب داري عن
ماضيه الأسود هالمجرم..
هالحين لازم أمثل
الحُب والإحترام لبنته
عشان مايشكون بالوضع
الينْ انفذ اللي براسي ..!"
عضّ شفته السفلية بقهر .. ثم
مرر اصابع يده ..على رمش عيونها
ثم خدودها .. وصل لشفتها
قام قبّلها ..لدرجة صحتْ مفجوعه
منه .. ومن قربه لها
قالت : بسسسم الله وش قاعد تسوي انت ..؟!
عُمر قرب عندها ، قال : بسم الله عليك
حبيبتي هدي انا زوجك ماني غريب
شُموخ مسحت فمها بقرف
ثم قالت : ادري بس ليش تفجعني كذا ..!
عُمر سحبها لحضنه ،ومسح على راسها
قال: بسم الله عليك
حبيبتي ماعاش من يفجعك والله
شُموخ استحتْ من جرائته
قالت بنفسها " اكيد متعود على حريمه
يعاملهم كذا "
عُمر قطع حبل افكارها
قال : حبيبتي لايكون زعلانه علي البارحه ؟
شُموخ "انا وين والزعل وين ..اللي يحبك
مايعرف وش هو الزعل اصلاً ..!"
قالت بحياء : لا شدعوة ازعل ..
عُمر : اكييد انك مو زعلانه علي ؟
شُموخ : اكيدين بعد وليش ازعل منك مافيه شي يزعلني
اصلا ..!
عُمر باس راسها : الحمد لله راضيه عن زوجك يعني..؟
شُموخ ماتت من الحياء "ايه راضيه فيك مو انت فارس احلامي
شلون بس ما ارضى عن واحد مثلك حبيته بقلبي
طول هالسنتين واليوم صرت على ذمته "
قالت : ايه راضيه ..
عُمر : عن ؟ كملي كلامك حبيبتي
شُموخ انواع الأحراج ..
قالت : راضيه عن زوجي
عُمر بخبث : كذا تمام ..دامك راضيه عني
عطيني بوسه يلا..
شُموخ استحت من طلبه .. انحرجت
معرفت وش تسوي ..شلون مايراعي
مشاعرها وهي لِسه عروس جديدة
ولا عشانه متعود على حريمه مطيح الميانه معهم !
عُمر اشر على خده : يلا انتظرك
ناظرت فيه كان يقصد خده ..وبالها راح لبعيد
بعد تردد تشجعت ..واعطته بوسه عالسريع
بخده ثم بعدتْ عنه ..
عُمر بضحكه قال : هههههههههه وش هالبوسه
اللي مرت مثل البرق ..
شُموخ حمّر وجهها بقوة ..توترتْ
صدت وجهها عنه ..وغمضتْ عيونها
"غبيه ليتني ما سمعت كلامه احسن "
عُمر ابتسم على حيائها .. ثم بعد عنها وصار مقابلها
ومسك يدها بلطف.. شُموخ قشعر جسمها
وناظرت بيده الأكبر من يدها النتفه
وعروق يده بارزه ..
نزلت عيونها مارفعتها ..
عُمر قال : حبيبتي اليوم موعد حفلتنا وهي عائليه
مثل ماتعرفين ..اهلي واهلك بس
وكل اللي تحتاجينه للحفل موجود برا
والفستان موجود بغرفة ملابسي ..
وشنطتك وصلت شوفيها هنا بالغرفة
واذا ناقصك شي بلغيني اوكِ حبيبتي ؟
شُموخ هزت راسها بالإيجاب
قالت : ان شاء الله ومشكور ماتقصرْ..
عُمر رفع ذقنها بيده
قال : لما تتكلمين ناظريني حبيبتي اوكِ
ماحب احد يصد عيونه عني ..كنه شايف جدار !
شُموخ ناظرت بعيونه ثم صرفت النظر عنه
"يمه عيونه تذبح .. لا تلومني يوم ما اناظر فيك
استحي والله استحي .."
شُموخ حمّر وجهها بزياده ..
عُمر ابتسمْ بخبث وقال بنفسه " اصبري علي شوي
الوعدْ الليله يا شُموخ "
تفهم وضعها حياويه .. طبيعي عروس جديدة بحياته
اللي صارت تُعتبر روتينيه بالنسبة لعُمر...
قام ثم قال : يلا حبيبتي بطلع عشان تاخذين راحتك
طلع من الغرفة بهدوء ..
شُموخ تنفست براحه ، قامت
التفتت لقت كل شناطها وصلتْ
راحت لشنطة البجايم ..اخذت بجامة
عشان تغير البجامة السوداء اللي عليها
واخذت اغراضها .. وروب حمام
دخلت لدورة المياة .. تحممتْ وجففتْ شعرها
ثم طلعت ولبستْ فستان لون أبيض بحزام أسود لنصف السَاق
بأكمام طويله.. رطبتْ بشرتها .. رتبت حواجبها
ثم اكتفت بروج وردي قريب لدرجة شفايفها
لمتْ شعرها على جنب ..
ثم طلعتْ صادفتْ الأميرة نجد
شُموخ : صباح الخير خَالتي ..
الأميرة نجد تتصنع الإبتسامه لها ، وقالت بنفسها
"تخلخلت عضامك يا بنت ناصر "
وهي تتذكر كلام ولدها عُمر .. تظهر لها الطيبه
والأهتمام عشان اهلها مايشكونْ..
الأميرة نجد : هلا بعروستنا هلا باللي شرّفت
حياك البيت بيتك ياقلبي
شُموخ تسلم عليها : الله يبارك فيك ياخالتي
الأميرة نجد تتفحصها .."والله انك ذوق اخوي بندر
بس للاسف طلعتي بنت عدونا ناصر الله لاينصره "
قالت : كيف حالك يا بنتي عساك بخير ومرتاحه
مع ولدي .. ومو مقصر عليك شي ؟
شُموخ بحياء قالت : الحمد لله مرتاحه..يا ماما
وماهو مقصر علي شي ،كل شي ابيه جابه لي
الله يسعده ويخليه لنا..
الأميرة نجد من ورى قلبها
قالت : آمين عسى الله يوفقكم ويحفظكم يارب
يلا يا بنتي روحي تجهزي ..
الأميرة نجد اشرتْ للمشرفة حصه اللي كانت
وافقه ..قالت : تعالي يا حصه خليك معها
المشرفة حصه : ابشري طال عمرك
الأميرة نجد : عن اذنك يا بنتي ..
شُموخ : اذنك معك خالتي ..
طلعت الأميرة نجد من جناح عُمر الخاص
راحت شُموخ مع المشرفة حصه توديها لقسم الصَالون
الخاص بالقصر ..
دخلت سلمت على الميك اب ارتست أشهر وحدة
جابها عُمر لشُموخ .. وهير ستايل بعد
عبرت شُموخ مدى اعجابها بشغلهم
وكانت تتمنى يضبطونها بعرسها وصار حلمها
واقع تشوفه قدام عيونها ..
لكن ماتدري ان عُمر مخطط لكل شيء
عشان إنتقامه ..
جابت المشرفة حصه الفستان على المانيكان
من جناح عُمر..
هالفستان .. صار عليه جدال بين عُمر وامه
لأنه فستان المرحومه ساره
زوجة عُمر الأولى..!
طبعًا عُمر غلب امه.. كالعَادة وقرر يلبسه شُموخ
الفستان ناعم جدًا من جيفشني تصميمه خَاص
من فوق مزيّن بأحجار كريمه من الزمرد
عند منطقة الصدر .. وماسكْ عالجسم
حيل أعجب شُموخ وكأنه عارف ذوقها ..
المصورة تلقط صور للفستان
واستعداد شُموخ لحفلة زفافها البسيطة
ثم وصل طقم الماس فَاخر مع الدبلة
من بوشرون ..
ولبستهم بعد ماخلصت من مكياجها الناعم
وتسريحة شعرها مرفوعه ..
وقفت عند المرايه تناظر بشكلها بأعجاب
وذكرت الله على نفسها .. ثم حصّنت نفسها
سمعتْ صوت امها .. !
ماتوقعتها تجي اصلاً.. جاء ببالها
"اكيد جايه عشان محد يقط عليها كلام
ليش ماحضرت حفل بنتها الا ان وراها شي"
ماحبتْ تخرّب فرحتها ..
التفتت لأمها توّها داخله .. ابتسمتْ
استقبلتها بالأحضان ..
نورة : هلا ببنتي الغاااليه الف الف مبروك
شُموخ : الله يبارك فيكِ يا ماما..
نورة تتفقدها قالت شلونك طمنيني عنك
عساك بخير .. اذا فيك شي علميني
يا بنتي لا تسكتين ولا تستحين ..
شُموخ ابتسمتْ على اهتمام امها الزايد
عشان هي وحيدتها ..
قالت : انا الحمد لله بخير يا ماما .. انتِ كيفك
وكيف بابا لايكون اخذ على كلامي البارحه
اني ماراح اسامحه ..لا والله هذا بابا مستحيل
ازعل منه ..
نورة : حنا بخير يابنتي دامك بخير وابوك
ماهو زعلان بالعكس فرحان لفرحتك ..
شُموخ ماسكه دمعتها لاتطيح
قالت: الحمد لله انكم بخير ياعساه دوم ..
تصدقين مااما فرحت بشوفتك
ماتوقعتك تجين عشانك زعلانه علي البارحه
اني وافقت على عُمر ..
نورة قلبها يتعصر اكثر من طاريه
قالت : افا عليك ليش ازعل .. اذا عن البارح
لا تلوميني ماكنت اعرف عُمر زين ...
الا لما ابوك قالي عنه
وماشاء الله عليه طلع رجال والنعم فيه
جاي يستر بنتي وسامحيني
انا غلطت بحقه وقسيتْ عليه بكلامي..
ماكان قصدي اقوله ..
هنا دخل عُمر .. بالوقتْ المُناسب ..
كان متجهز لابس ثوبه وغترته ..اما البشت
مع العَامله ماسكته واقفه وراه..
جاء باس راس نورة ..
قال : افا عليك ياخالتي من قال ان عُمر زعلان منك..
ماعاش من يزعل منك يالغَاليه...






،



الى هنا نتوقف



" نهاية البارت"

قِراءة ممتعه للجميع


 توقيع : مشُآعٍرٍ






إحساس ديزاين

مبدعة و خالقي سلمت يداك يا جميلة


رد مع اقتباس
قديم 10-31-2023   #13


الصورة الرمزية مشُآعٍرٍ

 
 عضويتي » 77
 جيت فيذا » Oct 2023
 آخر حضور » منذ 3 أسابيع (04:30 AM)
آبدآعاتي » 721
 حاليآ في » بين رموش عينه â‌¤ï¸ڈ
دولتي الحبيبه »  Saudi Arabia
جنسي  »  Female
آلقسم آلمفضل  » العام ♡
آلعمر  » 60 سنه
الحآلة آلآجتمآعية  » مرتبطه ♡
 التقييم » مشُآعٍرٍ
مشروبك   ice-lemon
قناتك max
اشجع ahli
مَزآجِي  »  45

اصدار الفوتوشوب : لا استخدمه My Camera: استخدم كاميرا الجوال

My Flickr  مُتنفسي هنا تمبلري هنا My twitter

мч ммѕ ~
MMS ~
 

مشُآعٍرٍ غير متواجد حالياً

افتراضي



بسم الله الرحمن الرحيم



،



"ربِّ ادخلني مدخل صدق وأخرجني مخرج صدق
وإجعل لي من لَدُنك سُلطانًا نصيرا"

،


السلام عليكم ورحمة الله وبركاته
كل عام وانتم بخير تقبل الله منا ومنكم
وعيد أضحى مُبارك ،وهذي عيّديتكم مني



"البـارت الثامن"


رواية غرامك يالخفوق ذبحني هآت حضنك يحتويني/بقلمي .


،


تعاودني ذكراك كل عشية
ويورق فكر حين فيك أفكر..
وتأبى جراحي أن تضم شفاهها
كأن جراح الحب لا تتخثر
أحبك . لا تفسير عندي لصبوتي
أفسر ماذا ؟ والهوى لا يفسر
*نزار قبّاني.


،





هنا دخل عُمر .. بالوقتْ المُناسب ..
كان متجهز لابس ثوبه وغترته ..اما البشت
مع العَامله ماسكته واقفه وراه..
جاء باس راس نورة ..
قال : افا عليك ياخالتي من قال ان عُمر زعلان منك..
ماعاش من يزعل منك يالغَاليه...
نورة بلعتْ ريقها يوم شافته..ارتبكت
لما باس راسها ..
ثم قالت : هلا فيك يا الغَالي .. حبيت الكعبة
ششلونك عساك بخير ؟
عُمر بعد عنها قرب عند شُموخ ..
حاوط خصرها .. هنا شُموخ انحرجت
من جرائته قدام امها ..
"ياربي ذا مايستحي على وجهه "
حاولتْ تنزل يده بدون لا تنتبه امها
لكنْ شد على خصرها عناد فيها
وضمها بقربه اكثر ..
مبسوط على حركته ..حس بإرتباكها
خجلها .. توترها ..
ثم قال : بخير دامك بخير يالغَاليه ..
شرفتينا ونورتينا
عُمر مانزل عيونه .. ظل يراقب
نورة منزله عيونها بالأرض
قال بنفسه "ايه مالك وجهه اصلاً
حتى تناظرين فيني عقب سواة
زوجك النذل"
قالت نورة : الشرف لنا والنور نوركم يا بعدي
عسى الله يوفقكم ويسعدكم..وبنتي
امانه عندك يا وليدي لا تضيعها
عُمر بعد عن شُموخ ..ثم تقدم
لأمها حط يديه على اكتافها بمعنى يطمنها
بما انه فَاهم في لغة الجسد..
ثم قال : بنتك لا توصين عليها حريص
بحطها بعيوني يا خَالتي ..
نورة بلعت ريقها .. ماتدري هي تصدق كلامه
ولا تكذبه ..!
لكن اللي تشوفه رجل غير ..واضح لها
انه صادق بكلامه .. هنا تأكدتْ
ان عُمر مايدري عن نَاصر ..!
تنهدتْ براحه.
ثم قالت : تسلم عيونك يا وليدي .. ريحتني
اكثر على بنتي وطمنتني انها بأيدي امينه..
عُمر ابتسمْ بإنتصار.. مشتْ التمثيليه عليها
وتأكدت انه مايدري ..
ثم قال : لا تشيلين هم ياخالتي ودامها زوجتي
وعلى ذمتي صدقيني ماراح تشوف الا كل خير..
نورة : مالي الا اقول عسى الله يسعدكم
ويوفقكم يارب ..
الأثنين : آمين ..
جات المشرفه حصه داخله وبيدها قائمة الحضور
قالت : طال عمرك اكتمل العدد .. والحضور
موجود بالقَاعة الخارجيه ..وطويلة العُمر
تقول عجلوا تراكم تأخرتوا
عًمر : ان شاء الله الحين نجي
نورة : يلا يا يمه مابي اخركم عن اذنكم
والقاكم تحت ..
شًموخ : إن شاء الله اذنك معك يا ماما
طلعتْ نورة .. مابقى غير عُمر وشُموخ
والعاملة صرفها عُمر برا
وقف مقابل لها .. يتأمل جمالها
قال : ماشاء الله تبارك الله صدق من قال عنّك ملاك..
شُموخ ماتت من الحياء ..عجزتْ تنطق حرف حتى
عمر رفع ذقنها .. تعلقتْ العيون ببعض
شُموخ تتأمل عيونه بحُب وإعجاب واضح
لدرجة عُمر قرأ عيونها عرف انها تحبّه
أم عُمر نظرات إنتقامية قَاتله..!
ابتسم ..ثم باس جبينها
حبست انفاسها ماهي قادره تتنفسْ
شاده على طرف ثوبه ..
سمعوا صوتْ طق الباب ..
عُمر ابتبعد عن شُموخ ..مصنّمه بمكانها
قال : مييين ؟
قالت: انا غِيْد
عُمر : هذي بنت عمّك صح ؟
شُموخ ببحه: ايه بنتي عمي
عُمر : اجل بطلع عشان تاخذون راحتكم
وانتظرك تحت..لا تتأخرين اوكِ
شُموخ : طيب..
طلع عُمر مع الباب الثاني ..
شُموخ : غددو تعااالي ..
غِيْد دخلت .. شافت شُموخ ..حطتْ يدها على فمها
قالت بإنبهار : الف الف مبروك ياعَروسه
شُموخ : الله يبارك فيك .. عقبالك يا عُمري افرح فيك
غِيْد : لا شدعوة ماني مستعجله على العرس
بعيش حياتي وافلّها..
شُموخ : ايه هذا بس كلام .. وبكرا القاك
عَروس ههههههه
غِيْد زعلت : زعلتيني ترى ماحب سالفة الزواج
شُموخ : ادري بس مايمنع انك تدعين لنفسك بالزوج
الصالح اللي يسرك ويخاف الله فيكِ
غِيِد : ايه عادي ادعي، بس ما خلق اتزوج هالحين
بتصرف عنه هالموضوع..
قالت :الا ماشاء الله وش هالكشخه كأنك اميرة صدق..
شُموخ دارت بالفستان : صدق والله
غِيْد : اي والله يا بخته فيك .. بالله وش قال لما شافك ؟
شُموخ استحت : اويلي قال كلام ماينقال
غِيْد : قولي عاد وش قال
شُموخ : قال كأني ملاك
غِيْد : عزّ الله صادق ملاك يمشي على الأرض
تبارك الله .. الله يحرسك
شُموخ : آمين ويحرسك ..
ثم ضمتها لصدرها قالت : وحشتيني غدوي
غِيْد كانت لابسه فستان طويل بأكمام طويله
مطرز بالورد من تصميم ماركيزا نوتي ..
عاري الظهر بشكل دائري
تسريحة شعرها ستريت وتاركته مفتوح
وميك أب خفيف بروج لون ترابي
بدرجة اغمق من ماك..
غِيْد : وانتِ اكثثر يا عُمري راح توحشيني كثيير
شُموخ تحجرتْ الدموع بعيونها : يا بعد عُمري انتِ
غِيْد : لاااا تبكين خربتي الميك اب حقك
شُموخ مسحت دمعتها قبل لا تطيح
قالت : مدري ابي ابكي غصب.. حاسه بخوف
قلبي ماهو مرتاح ..صح انّي احبه بس مدري
يا غِيد احسني بحلم
غِيْد بإهتمام :بسم الله عليك من وش خايفه ؟
لايكون عُمر سوى لك شي ؟
شُموخ : لا بالعكس واضح عليه طيب
بس خايفه يطلقني ..وينكسر قلبي مثل ماتقولين
غِيْد حضنتها : لا ماعليكِ .. ماراح يطلقك
وماعليك من كلامي هالحين ..انسيه
دام بتكسبين قلبه ...كوني قد هالتحدي
وشيلي هالفِكره من راسك..
شُموخ بغصه : ان شاء الله بحاول ..
بعدت عنها ثم مسكتْ يدها
غِيْد : يلا حبيبتي خلينا ننزل ترى تأخرنا.
شُموخ : اوكِ يلا مشينا ..
شدتْ على يد غِيْد بقوة ..
طلعوامن قسم المكياج
نازلين تحت للقَاعة ..اللي كان فيها حفلة
الأميرة هنوف ..
الكوشه مزينه بخشب الخيزران ..
كرستالات لؤلؤيه نازله من فوق..
وستاير دانتيل
على جنب بمسكة ورد اصفر ..
كرسي الكوشه لونه أبيض عليه مفرش فرو
الممر عِبارة عن ورد ابيض واصفر على الأطراف
شمعدان عطري برائحة الكرز..
ابدتْ الموسيقى لحظة دخول شُموخ للقَاعة
ابوها واقف ينتظرها تصل لعنده
اما عُمر كان بالمنصه ينتظرها ..
وصلتْ شُموخ لعند ابوها
يناظرها بإنكسار .. بضعف
بحسرة ..ندم .. قهر
على بنته اللي اعطاها رجل
قتل اغلى مايملك زوجته ساره
تركها تموتْ ..هرب خوفًا
على سمعته بين الناس
خوفًا من السجن .. تضيع
زوجته وبنته شُموخ ..
تركها تموت ونفذ بجلده
الحين حسّ بالنّدم ..!
الحين صحى ضميرة الميّت
طول هالـ9 سنين ..
توّه يستفسر ويسأل عنها
هي حيّه ولا ميّته ..
عرف بوفاتها والهم بدا يتسلله
صَار هاجس يلازم بكل مكان ..!
لدرجة ماهو قادر يناظر بعين عُمر
طول وقته راسه منزله بالأرض .. !
عُمر يقرأ لغة جسد نَاصر نظراته حركاته
ما غَابت عن عين عُمر.. يحللها
بأدق تفاصيلها .. هنا تأكد
" واضح انّك ندمان ومتحسف انك زوجتني
بنتك .. والله لا اخليك تعيش بهم وغم
مثل ماعيشتني طول هالسنين يا نَاصر .. !"
وصلت شُموخ وابوها للمنصه..
تقدم عُمر باس راس نَاصر..
ثم اعطى شُموخ قبله على جبينها
حستْ بإحراج .. شدتْ على البَاقة بقوة
لأجل تهدي من توترها ..
ناصر عيونه بالأرض ماهو قادر يرفعها
قال : عسى الله يوفقكم ويسعدكم ويجعل
بينكم المودة والرحمهً والسكنْ..
الأثنين : آميين
ثم تقدم ناصر ببطئ عند عُمر
حاول يناظر .. لكن ماقدر صار يشتت نظره
عن عيون عُمر
قال : بنتي لا اوصيك عليها يا ولدي
فهي امانه عندك ولازم تصون هالأمانه..
شُموخ ابتسمتْ على حرص ابوها ومحبته لها
عُمر مسك يد نَاصر بلطف وطبطب عليها
قال : لا توصي حريص هم ياعمي بنتك بحطها بعيوني
وهالأمانه اللي امنتني عليها عهدٍ علي
اصونها..
نَاصر ..ماهو مرتاح له عقبْ
ماعرف بالحَقيقة المرّة .. داخله يدعي
انّهم يتطلقون بأسرعْ وقتْ .. عشانْ
ياخذ بنته ويهربْ بعيد عن عُمر يعيش بأمانْ..
قال : والنعم فيك ..ياولدي
ثم ناظر بشُموخ .. مسك يدينها
قال بإنكسار : تكفين يا بنتي سَامحيني غلط بحقك
وظنيّت فيك ظن السوء ..
قاطعه شُموخ : مسامحتك يا بابا والله مسامحتك
انتْ مالي غيرك بهالدنيا ،انت سندي وتاج راسي
انتْ حياتي بدونك حياتي مالها طعم
عسى ربي يحفظك ويديمك لي عمر..
ماقوى على كلامها نزلتْ دمعته
خانته ..وخانه التعبير .. اكتفى بالحضنْ
لعله يخفف شعور الحرقه على بنته
ثم ابتعد عنها .. باستْ راس ابوها
مسحتْ دموعه : خلاص بابا لا تبكي بنتك بخير
ولا تشيل همها ..
ناصر : دموع فرح يا بنتي عجزتْ امسك نفسي
مير عسى الله يوفقك ويحفظك..
شُموخ : آمين ويحفظك ويخليك لي يا بابا
بعدها مسح دموعه ..جات المصورة
القطت لهم كم صورة ..عائليه
بوضعيات مُختلفه
ثم مشى نَاصر برا القَاعة
نورة جلستْ عند الأميرة نجد
واضح عليها ماهي طايقه نورة
نورة : عسى الله يوفقهم ويحفظم
الأميرة نجد ناظرتْ فيها بنص عين
قالتْ : آمييين ويكفيهم شر من فيه شر
نورة بلعتْ ريقها ..وسكتت
غِيْد بجنبها تمسح دموعها
قالت : ياعمري شُموخ عسى الله يوفقك
ويسعدك..
نورة : آمين وعقبال ما نفرح فيك يا بنتي
غِيْد : ان شاء الله ..




،




في المَنصة
عُمر يبتسم للكاميرا تصوره ...
عيونه بعيون شموخ كانت آيه من الجمال
بفستان زوجته سَارهـ ..
وكأنه ملبسها كفنْ الإنتقام ...!
عُمر يتصنّع الإبتسامه للحُضور
ثم تقدم لشموخ ثابته بمكانها ..
حسّت بقربه وريحة عطره
باس جبينها بحُب مُزيف ...
قال : الف مبروك حبيبتي ..
شُموخ إستحتْ بخجل من جرائته
ببحه قالتْ : الله يبارك فيك..
عُمر إبتعد عنها بمسافة ..يتفحصها بعيونه
ثم نَاظر بيدها ..مسك اليسار
حسْ بتوترها ..رجفتها ..
لبسها دبلة ألماس
ثم بَاس يدها
و ضغط عليها شوي لأجل يخفف من توترها الزايد..
قال : لا تتوترين حَبيبتي ..
شُموخ حمّرت خدودها ..منحرجه من جرئته
نزّل يدها برفق..
جات المصورة طلبتْ منهم كذا وضعيه جريئه للتصوير
شُموه كانت متفاعلها معها ..بشكل مُمتاز
لدرجة أذهلت المُصورة ووفرت عليها وقت
بحكم خبرتها مع مصورتها أيام دراستها بلندن..
عُمر يمثل نظرات العَاشق الولهان لشُموخ
لكن الحَقيقة المُرّة نظرات الإنتقام ..!
أنهت المصورة .. بقُبله خاطفه
من عُمر لشُموخ .. صدا وجهها عنه للجهه الثانيه
عُمر لف وجهها له .. ناظر بعيونها
بسرعه نزلتها تحت ..
قال بهمس : ليش تصدين ؟! تستحين منّي !
شُموخ عضّت شفتها السُفليه
قالت : استحي من اهلي ..
عُمر : أوكِ نأجلها بوقتْ ثاني حبيبتي أهم شي راحتك..
شُموخ مَاتتْ من الحياء ..حستْ بإحراج منه
ودها تنحاش .. شافتْ الكية وصلتْ
بدأت فقرة تقطيها
مسك عُمر يد شُموخ ..وقطعوها الأثنين
كل واحد أعطى لُقمة للثاني..
عُمر شاف السَعادة بعيون شُموخ
إكتفى بإبتسامه مُزيفه ...وختمها بقُبله على الجَبين
حضرت الأميرة نجد تتلبس قِناع السعادة
قالت : الف مبروك منك المَال ومنها العَيال
وعَسى الله يوفقكم يارب ..
عُمر : الله يبارك فيكِ يالغَالية
شُموخ قال ببحه : الله يبارك فيكِ يا خَالتي



،




بعد إنتهاء الحفلة
شُموخ عند البوابة الرئيسية
صالة الإستقبال الداخلية..
تودع اهلها
ابوها حضنها ثم انفجر بكاء
على بنته...
شُموخ خافتْ : بسم الله عليك بابا وش فيك تبكي
واقفه بجنبه نورة "ياويلي هذا لايكون بيفضح
نفسسه "
قالت : مافيه الا خير ، مير ابوك تعرفينه مايقوى على
فراقك..
ثم همستْ بأذنه : قووم فضحتني عند خلق الله
ناصر قام ..
بمساعدة عُمر : بسم الله عليك يا عمي عسى ماشر..
واشر للعمال يساعدونه ..
نورة : مايحتاج مساعدة هو بخير بس يبي يرتاح
عُمر : اخاف يكون فيه شي يا خالتي ..؟
نورة : مافيه الا العافية...
ثم التفتت لناصر : يلا يا ابو شُموخ مشينا
وارتاح شوي لا تضغط على نفسك..
انا قايله لك بتتعب .. مير الله يهديك ماسمعتْ كلامي
ناصر :وش اسوي يا نورة بنتي بتروح وما اقوى على
فرقاها ..
شُموخ مسكتْ يد ابوها
قالت : يابعد هالدنيا يا بابا .. انا بخير يا بابا
وهذاني قريبه منكم متى مابغيت جيتكم ..
ثم التفتت لعُمر ناظرتْ فيه بحبْ
قالت : دامني مع عُمر لا تشيل همي
فبتنك بأمان معه ..تطمن يا تاج راسي..
عُمر ابتسم بخبث " والله احساسك يا نَاصر صادق
لكنْ افعالي تشكك فيني انّي طيب ومافيه مثلي..!"
عُمر حط يده على كتف نَاصر يطمنه
قال: بنتك يا عمي بالحفظ والصون بس لا تتعب
نفسك وصحتك ..
ناصر : ان شاء الله يا ولدي ..
نورة : يلا عن اذنكم ومع السلامة
ودعتهم ..وطلعت
مع زوجها اللي سبقها وركب السيارة
لقته مغطي عيونه بطرف شماغه..
نورة حاسه فيه .. وخايفه عليه
ناصر بالعَادة مايودع بنته اذا سافرتْ للندن
يكتفي برسالة نصيّه لها ..
بس هالمرة اضطرّ يشوفها
كان الوادع غير .. كان ثقيل على قلبه
ماقدر يتحملْ فراقها مثل كل مره
هالمره خايف عليها
حاس بشي .. لكن معاملة عُمر له وكلامه
بدا يشككه بنفسه ..
"معقولة عُمر مايدري ..! "
حسْ ببعض الراحه ...شوي!
قطعت حبل افكاره ..
نورة : بسم عليك وش فيك يا ناصر ؟!!
ناصر بحسرة : اااه ياحسرتي عليك يا بنتي وديتك لواحد
والله مايرحمك لو يدري اني سبب وفاتها ..
نورة : استغفر الله بعيد الشر عن بنتي
يا ناصر قول كلام زين ولا اسكت اللي فيني
مكفييني يا ناااااصر
ناصر : هذا الصدق يا نورة وش تبين اقول غيره !!
نورة : اسسكت لا تقوول شي .. الرجل
واضح عليه زين .. هذا اللي مطمني
بس عساه يطلقها ابي ارتاح
وبنتي عندي وقدام عيني ..
ناصر : ان شاء الله يطلقها ان شاء الله ..
نورة بحسرة : الله يسامحك يا ناصر اعطيتها
لرجل مايستاهل مدري وين كان عقلك يوم
وافقت على هالرجل...
ناصر بضيق مايبي يتذكر الأمس وتسرعه
حاس بالندم على اللي سواه..
قال: خلاص يا بنت الحلال اسكتي ماهيب قاعده
عنده كلها كم شهر ويطلّقها لا تشيلين هم..
عُمر واعرفه زين راعي حريم
لا مل من هذي طلقها واخذ الثانيه..
نورة سندت راسها على الشباك
الكلام الحين ماعاد يفيد..
دام شُموخ راحت من يدينهم..
قالت باستسلام : يارب الله يسمع منك
ناصر : امين ، بس اسكتي ماعاد ابي اسمع صوتك
نورة بتنهيده واستسلام للأمر الواقع
قالت : خلاص بسكت وامري لله
والله يسامحك بس يا ناااصر ..
ناصر فك أزارير ثوبه حاس بضيق ..
من هالمصيبه اللي طلعت له
بعد هالسنين ..!
وصارتْ مثل الحمل الثقيل على قلبه
ماهو قادر يسوق السيارة حتى
التفت لنورة على نفس وضعيتها حاطه راسها
على الشباك ..
قال : يا نورة مالي حيل اسوق لو سقت
اخاف اصدم فيك.. مير سوقي عني
نورة : وانا اللي لي حيل عشان اسوق عنك
ماخليت فيني حيله يا ناصر ..مير قوم
ناد لك احد من السووايق اللي عندهم
يسوق عنك..
ناصر تنهد بضيق
ثم شاف عامل الخدمة اللي يوقف السيارات
بالباركينج .. اشر له يجي
قال : سم طال عمرك آمرني ؟
نَاصر : سم الله عدوك .. تعال اركب سوق عني
انا تعبان ..مقدر اسوق
العامل : سلامتك من التعب ابشر طال عمرك
نزلت نورة وركبت ورى .. ناصر ركب بمكانها
ثم حرّكوا للبيتْ ...
وكلن باله مشغول على شُموخ
وخايفين عليها!





،






الكل غَادر القَاعة ..
مابقى غير
شُموخ & عُمر
والأميرة نجد مشغولة على جوالها ..
شُموخ ناظرتْ بعُمر ..جات بتتتكلم
رنْ جوال عُمر .. سكتت
وقف رد على الإتصالْ
قال : الو نعم .. اوكِ انا جاي الآن ..
لا جايكم بالشركة ..في امان الله.
قفل جواله حطه بجيب ثوب ..
حط يده على كتف شُموخ .. ناظر فيها
قال : حبيبتي مادوي اخرّب عليك فرحتك
بس جاني شغل مهم .. لازم اروح له الحين
تسمحينْ لي اروح .؟
شُموخ بلحظة صمت ...
مستغربه من كلامه قالت بنفسها
" هذا منجده هالحين بيتركني عشان شغله الأهم مني
انا اللي توّي عَروس ماراع مشاعري ..
ولا عشانه هو متعود على حريمه
مافرقت معه ..! "
كتمت قهرها .. زعلها ..
بإبتسامه مُصطنعه
قالت :اذنك معكْ ..
لاحظ ملامح وجهها تغيرتْ .. تكدر خاطرها
باس جبينها : حبيبتي لا تشيلين بخاطرك
اذا زعلانه بجلس معك .. وبالطقاق بالشغل
شُموخ : لا لاا بالعكس مافيه زعل .. روح
شوف شغلك ..اذا تشوفه مهم..
مايي اعطلك ..
عُمر مافرقتْ معه كذا ولا كذا رايح
لكن من باب الإحترام قال لها هالكلام
قال : حبيبتي انتِ .. اجل مع السلامة
ثم التفتت لأمه : يمه لا أوصيك فيها
الأميرة نجد : تطمنْ ياولدي بحطها بعيوني
روح توكل على الله .. شوف شغلك
عُمر : تسلم عيونك يالغَالية .. يلا عن اذنكم
طلع برا .. ركب سيارته اللي تنتظره
راح لشغله المُهم يخص أملاكه اللي ورثها من ابوه
وأملاكه الخَاصه ..من جهده وعرق جبينه
الشغلْ رقم واحد عنده ..!




،





عند شُموخ ..كاتمه زعلها
وملتهيه بالبَاقة اللي بيدها .. كل احبابها
راحوا .. حتى عُمر اللي تشوفه حَبيب
راح .. مابقى غير هي وخالتها
الأميرة نجد واقفه فوق راسها
قالت : ما أخبر زوج يترك زوجته الا إن وراها بلاء
شُموخ التفتت عليها مصدومه من كلامها
قالت : وش تقصدين يا خَالتي ..؟
الأميرة نجد : والله تدرين وش اقصد ..يا بنتْ نَاصر
شُموخ " هذي وش اللي قلبها علي
كانت وش زينها بحفلة هنوف ..
هالحين وش اللي غيرك
لايكون مصدقه الفضيحه ..!"
قالت : الله يسامحك يا خالتي ان كان تظنين
ظن ماهو فيني فالله يسامحك ..
الأميرة نجد : ويسامح الجميع يا بنتْ ناصر
شُموخ .. سكتت ولا ردتْ عليها
عرفت انها أم وجهين
" الله صبرني على امك بس اثاري المظاهر
خداعه ..!"
الأميرة نجد : الظاهر عاجبتك الجلسة هنا
ماتشوفين العمّال بيدخلون ..؟
شُموخ شافتهم توّهم واصلين
قالت : محد قالي يا خالتي..ان العمّال موجودين
الأميرة نجد : لا تنادييني بخالة تخلخلت عظامك ان شاء الله
قولي يا طويلة العُمر ..
كلمة خالتي ذي لا اسمعها من السانك
فاهمه يا بنتْ نَاصر ..
شُموخ انصدمتْ منها ..
ماتقدر ترد عليها .. فضلت انها تسايرها
قالت :سامحيني يا طويلة العُمر ..ماكنتْ
ادري انك ماتحبين احد يناديك بخاله..
الأميرة نجد : هالحين دريتي ويلا قومي لغرفتك
خلي العمّال يشوفون شغلهم ..
قامت شُموخ ..تنهدت بضيق
قالت : ابشري طال عمرك ..
غادرتْ القَاعة شُموخ.. بهدوء ظاهري
لكن داخلها مكسورهـ ..
الأميرة نجد جلست على كرسي الكوشه
تأففت بضيق : اووف استغفر الله العلي العظيم
واتوب اليه .. وش فيني على البنت كذا
هي مالها ذنب .. مير النذل ابوها هو السبب
الله لا يوفقك يا نَاصر الله ينتقم منك..




،





دخلتْ جناح عُمر الخَاص
فصخت الفستان ورمته على جنبْ
ماقدرتْ تكتم بقلبها اكثر
انفجرتْ بكاء .. على حالها
شلون تركها بعزّ فرحتها ..!
هي سمحتْ له يروح مُجامله
لكن ماصدق مشى على طول..
تركها وراح..!
انصدمتْ منه ومن امه
كانت تظن انها طيبه ومافيه مثلها
لما صادفتها بحفلة الأميرة هنوف
وجلستْ معها ارتاحتْ اكثر
وحطت ببالها ان امه بتكون طيبه
واكيد ماراح تسمح لولدها انه يطلق
شُموخ .. كانت واثقه من هالناحيه
لكن ..!
تلاشت هالثقه العمياء اللي فيها
انكشف غطاء الطيبه المُزيف
انصدمتْ منها .. !
ماتوقعتها بهالحقارة تكون
معقولة تعامل حريم ولدها كذا!!
هل هذا السبب مُمكنْ يكون سبب طلاقهن
مُستحيل .. لو كان كذا !
كان صارت على كل السان ..
ان الأميرة نجد ستقعدت لحريم ولدها وتحرضهم
على الطلاق ..!
"مُستحيييييل .. بس ليش تكرهني
فجأة اكييد فيه سبب قوي ولا مستحيل
هالكرهه يجي فجأة ..!"
صدق المظاهر خدّاعه ..
ارتمتْ على الكنبه.. تبكي مقهورة
ماتبي تحس بالندم على قرارها
تصرف هالفكرة من راسها
تحاول تفكر بجانب آخر
يمكن تغيرهم وتخليهم يحبونها ..!
و تقدر تغير عُمر ويحبها مثل ماتحبه
راح تحاول تكسبه اكثر
عشان مايطلقها وينكسرْ قلبها
مثل ماتقول لها غيْد..
استسلمتْ للنوم .. هو الحل الوحيد
للهرب عن مشاكل الواقع
غفتْ .. متناسيه كل شي
وراها ... حتى عُمر
راح عن بَالها ..!






،






العشاء..
دخل جَناحه بهدوء يسبقْ
العَاصفة ..الليلة !
شافها نايمه نومه عميقه على الكنبة
طاحتْ عينه على الفتسان المرمي
على الأرض ..إنقهر منها
شد على قبضة يده
راص على اسنانه
قال : لو تدرين إن هالفستان غَالي على قلبي
ولا تجيبه الأثمان .. ماكان رميتيه يا شُموخ
لكن بعذرك ماتدرين عنّي شيء ..!
قام شال الفستان .. وفيه ريحة عطر شُموخ
عالقة فيه ..
شد على الفستان بقوة توحي بمشاعرْ الكرهه
والإنتقام من ابوها ببنته ..!
دخل غرفة الملابس الخَاصة فيه
راح لدولاب سرّي فتحه
وعلّق الفستان فيه
قال : الحمد لله رجعتْ بمكانك بأقل الإصابات..
ثم طلع غرفة الملابس
راح لشُموخ نايمه بقميص ابيض حرير
لمس جسمها بَارد ..اضطر
يغطيها كالعَادة ..
ثم طلع من غرفته ..
مثل ما دخلها بهدوء
هنا صحتْ شُموخ .. حاسه بصداع
فضيع اخترق راسها..
قامتْ بصعوبة راحتْ للثلاجة
فتحتها اخذتْ لها حبتين بندول اكسترا
شربت كاس مويه بارده
لعل وعسى تبرد غليلها شوي..
سمعتْ صوتْ طق الباب
عرفت انها المشرفة حصه
سمحتْ لها بالدخول
المشرفة حصه منزله عيونها بالأرض
قالت : السلام عليكم
شُموخ : هلا وعليكم السلام نعم وش
بغيتي يا حصه ؟
المشرفة حصه : طال عمرك تراني جهزت
غرفة الملابس الخاصة فيك تلقينها هنا
ورى الباب السري هذا
شُموخ التفتت تدور الباب : اي باب ماني شايفه شي!
المشرفة حصه راحت ضغطت الرز
دار الباب وفتح على الغرفة
شُموخ : غريب تصميم هالباب صراحه ..!
المشرفة حصه : طال عمرك هذا تصميمه خاص
عشان يتمشى مع جمالية المكان
ضحكت شُموخ بسخريه : ههههههه اي جمال
تقصدينه والله غرفة تجيب الكآبه
المشرفة حصه : طال عمرك السيد عُمر ينتظرك
تكونين جَاهزة الساعه 12 ..
شُموخ : ليش سندريلا على غفله
المشرفة حصه : والله هذي اوامره وانا اللي علي
وصلته لك.. تآمريني على شي ثاني طال عمرك؟
شُموخ : لا مشكورة ..
المشرفه حصه : العفو..
جت بتطلع ثم تراجعت : ايه طال عمرك نسيت
لا اقول لك شي الميك اب ارتست تنتظرك بالصالون تحت
شُموخ ناظرت فيها باتسغراب :وش ابي فيها خليها
تتوكل على الله وتنام ابرك لها
المشرفة حصه : طال عمرك هي جايه بأمر من سيد عُمر
شُموخ تأففت بضيق : اووف خلاص صرفيها
قولي شُموخ خلصت نفسها وجهزت..
المشرفة حصه : مايصير طال عمرك ، لازم كل حريمه
يتجهزون بالصالون ، وانتِ بعد مثلهم
شُموخ ماسكه أعصابها من طاري هالحريم
التفتت لها قالت : حبيبتي حصّه كلامي واضح
مايحتاج اكرره ، ورجاءً
راسي مصدع لا تخليني افصل عليك عاد
وانتِ واضح عليك طيبه لا تزعليني اوكِ
المشرفة حصه : ابشري طال عمرك
اقول اللي تبين بس لا تكدرين خاطرك..
شُموخ ماسكه راسها .. اشرت لها تمشي
المشرفه حصه :عن اذنك
شُموخ : اذنك معك و ما ابي ازعاج
المشرفة حصه : ان شاء الله طال عمرك..
طلعتْ ..المشرفه حصه
اما عن شموخ دخلت غرفة الملابس
اخذت فوطه وشنطة العناية الخاصه فيها ..
ثم راحت للحمام "انتم بكرامه" تحممت عالسريع
جففت شعرها وتركته مفتوح يغطي الظهر
إكتفت بميك أب خفيف وآيلاينر وماسكارا روج
لون كشميري بدرجة غامقة من ماك ..
راحت لقسم الفساتين ..
تدور على فستان مُناسب لهالليلة اللي تنتظرها
مالقيت غير أحمر فستان من جسميكو
لون أحمر ماسك عالجسم عاريي الظهر
وبفتحه جانبيه نص الفخذ ...
احتارت تلبسه ولا لا
قالت بحيره : ياربي عااري مره ماينفع
وانا توّي عروس كاني فاصحه الحياء مره وحدة !
بس ماعليه بلبسه.. دامني ماراح امشي كثير
و جالسه بمكاني ..
لبست الفستان كان مبين تفاصيل جسمها أكثر
لبستِ حذاء صندل عَالي الكعبْ لون أسود
خصلتْ ..
ناظرتْ بنفسها بالمرايه
ابتسمتْ برضى ..قالت: ان شاء الله اجيب
راسك يالشايب ..على قولة غِيْد
ختمت اناقتها
برشة من عطرها المُعتاد شانيل كورومانديل
بتركيبة البخور والبلسمينة والبتشول
مع درجات الكهرمان اللاذعه والمُثيره ..
جابت المشرفه حصه لها البخور
بخرّت نفسها وشعرها ..
قالت : مشكورة حصه .. وسامحيني
اذا قسيت بكلامي ماكان قصدي
ووقتها راسي مصدع ..
المشرفة حصه : افا عليك ليش تعتذرين
مافيه زعل ولا شي .. مير استعجلي
طويل العمر ينتظرك ..
شُموخ : حبيبتي انتِ الله يسعدك
يلا هذاني بمشي ..
ثم طلعت من الغرفه وطلعت وراها
المشرفة حصه ..
متجهه لغُرفة الطعام ...
لما قربت من الغرفة سمعت
عزف موسيقى هي تعرفها
مو غريبه عليها ...
تعرفها تحاول تتذكر
قالت : هذي موسيقى رقصة الحُب !
عضّت على شفتها وقالت بنفسها " شلون عرف اني
احب هالرقصه ! " التانغو رقصة ارجنتينيه قديمه واشتهرت
بفيلم بأسم رقصة الحُب ..ويستخدمونها
الرجال لإغواء النساء ..!
عُمر استخدم هالرقصة بداية تمهيدية
"لعَالم الإنتقام ..!"
يسمعْ صوت ضربات كعبها بالأرض
كان لابس بدله رسميه ..
منزل الجَاكيتْ .. ومشمّر اكمام قميصه
ابتسم بخبث قال : والله لا اخليّك تندمينْ ..!


،


إلى هنا نتوقف



"نهاية البارت"

قِراءة مُمتعة للجميع.


 توقيع : مشُآعٍرٍ






إحساس ديزاين

مبدعة و خالقي سلمت يداك يا جميلة


رد مع اقتباس
إضافة رد

مواقع النشر (المفضلة)

الكلمات الدلالية (Tags)
"مميزة", (مكتملة), ذبحني, يالخفوق, يحتويني،للكاتبة/, حضنك, غرامك, كلارينت

الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

Bookmark and Share


الساعة الآن 10:58 PM



Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
new notificatio by 9adq_ala7sas
User Alert System provided by Advanced User Tagging (Lite) - vBulletin Mods & Addons Copyright © 2024 DragonByte Technologies Ltd.
This Forum used Arshfny Mod by islam servant
vEhdaa 1.1 by NLP ©2009