الدنيا خلاصها فيها مهما طال الوقت..
يلي يأذي الخلق بظلم او افتراء او قهر او شن ماكان نوع الآذيه..
الله مش حيخليه يطلع من هالدنيا قبل ليدفع الثمن..
ولازم يخاف يخاف هلبه اللي ظلم هلبه ناس حواليه
وشايف ان الحياة ماشيه معاه حلوة لدرجة اصبح فيها يشوف انه ع حق في أي شي داره،
او لدرجة انه مش حاس انه غلط في حق أي حد او آذى حد..
هدا لازم يخاف هلبه لأنه قاعد يتعرض للإستدراج الإلهى والاستدراج الإلهي مرعب..
يرفعك فوق فوق فوق يخليك تحس انك مستحيل طيح..
وفي لحظه وبدون سابق انذار يخليك تهوي في الارض..مش عليها لا..بل في باطنها وقوع وخسف...
ردوا بالكم...راجعوا انفسكم...ولحقوا قبل فوات الأوان
فكرة ان البني آدم يعيش فهالدنيا وفي حد شاد منه فقلبه حاجة
لإنه آذاه أو طلمه أو كسر بخاطره أو جرحه
فكرة خطيرة
يعني إنك تعيش فالدنيا وإنت مترقب العقاب
زي ما كسرت بخاطر حد حينكسر خخاطرك
زي ما آذيت حد حتتأذى
زي ما ظلمت حد حيولي عليك ظلمه
وهكذا
في منا غافل عن الشيء هذا
عافل إن العقاب نازل نازل حتى لو اللي غلطت قي حقه نسي وسامح
سنة الله لازم تمشي
علاش
لإن العقاب يربي
يربي حتى اللي مادار شيء يخليه يعد للألف قبل ليفكر يأذي حد
يعني حتى لو تبدل حالك وتعدلت لازم بذوق من المر اللي ذوقته لغيرك
بس ساعتها حيكون ليك إختبار لو نجحت فيه حتفكر فيه هلبه أخطااء وذنوب
...............