***************************************
وعند ذياب وفيصل...فالكورنيش...الجو يرد الروح....
جلسو على احد الكراسي المطله على البحر...
فيصل وهو متكتف ويطالع البحر بملل:اووووف والله ودي اخذلي اجازه تعبت دراسه وتخرج وسيده دوااام وشغل وكد
ذياب طالعه بابتسامه:مسكين انا ماقلت نفسك....اشتغل واكد بسكات
فيصل:تصدق احسني صغير ياخي على الكد...كرفت كرف لدرجه خلصت دراسه فسنتين ونص...من يصدق 23 واشتغل لاء ومدير بعد؟!!!
ذياب:هههههههههه ايه اقدم شكوى يعني لان مديري بنفس عمري؟!!
فيصل:هههههههههه لاه
ذياب:لو ماشركة ابوك كان لا انت ولا انا توظفنا بهالسرعه يامديري
فيصل بجديه:لو ماحب هالشغله ماشتغلتها
ذياب تنهد بقو:الحمدلله على النعمه حالنا احسن عن خالد وعمر
فيصل:بوااااليد
وكأنه تذكر شي:الا بسألك...اخبار الشات؟
ذياب سكت عنه بعبوس...
فيصل بجديه:لمتى وانت على هالحاله اش النهايه فهمني؟!!
ذياب باستنكار:يافيصل....افهم السالفه مامثل مانتو متصورين
فيصل وعيونه على البحر:انت وايد حساس...واسلوبك وطريقتك خطأ
ذياب وهو يتعبث بفونه متجاهل البحر اللي قدامه وسحره:هههههههههه كلكم عبالكم انا تعرفت عليها فالشات يعني بعيش معها فشك بس اتزوجها
فيصل تنهد وهو متكتف:اكيد مافي شك فالنقطه بذات فلا تحاول
ذياب:هي ماتخوني البنت صغيره وتوها انا اول حب لها يعني ماتعرف تلعب وتخون
فيصل طالعه بصدمه:اش دراك؟
ذياب بثقة:هي خبرتني...توها بالثانويه بس هالسنه اخر سنه
فيصل باستنكار:ذياب انت صاحي؟!!...هالبنت مراهقه...كيف تحبلك مراهقه؟!
ذياب تبسم:صح والحمدلله طاحت فشباكي انا مافشباك ذيب يستغلها
فيصل قطب حواجبه:يعني بتعطيها درس تكره الشات وتبطل؟
ذياب بهدوء:كنت كيه مفكر قبل
فيصل قست ملامحه اكثر:اهاه...غرد غرد وألحين شالمخطط؟!!!!
ذياب زفر بقو:ماهانت علي...والله بعدها صغيره...ماقدرت اجرحها فيصل...مالها ذنب...الا انها تدور الامان
فيصل وهو يلمس الصدق فنبرة ذياب:طيب اش دراك انها بنت مو ولد؟!...الا انت كيف تعرفت عليها؟!!
ذياب:بقولك بس لاتخبر احد...بخبرك بس عشان تساعدني لاني احس نفسي تايه
فيصل:زين قووول
ذياب:مرة وانا بالشات ع نص الليل تقريبا...تعرف اوقات الذروه...هذاك اليوم كان دوامات و تقريبا الشات عكس العاده فاضي...دخلت علي بنت....استغربت اول عبالي ولد...وسايرتها...
فيصل:وش كانت تريد؟
ذياب:متضايقه وتفضفض...رحمتها وتعاطفت معها...بس...اخر شي بغيت اتأكد انها ماتكذب علي...قلتلها وانا اش يدريني انج بنت ماولد ويلعب علي
فيصل مندمج:انزين وكيف اثبتلك؟
ذياب زفر:تخيل من كثر ماكانت منهاره و فلحظه ضعف فتحت الكام...
فيصل شهق:شفتها؟!!!
ذياب بكل حواسه:ايه....كانت تصيح بلوووعه قطعت قلبي... من الصدمه كان ودي ادخل فالشاشه و احضنها
فيصل وهو مطير عيونه فذياب وكلامه....
بس استوعب ابط ضحك:ههههههههههههههههههههه? ?هههههههههههههههه اما قصه
ذياب عبس بعصبيه:ياخي حسسني ولو مره وحده انك تحس فيني؟!.....قسم بالله ماقلت نكته
فيصل قلب فجأه جدي:كمل كمل خلاص وعد مابضحك
ذياب بهدوء كبير:هه....من هذاك اليوم وحن نتواعد....تفضفضلي وتخبرني اش صار معها...يعني كنت بس صاحب
فيصل اللي يسمع باستنكار:هذا فالاول بس
ذياب بهيام:ايه كنت صاحب و انمسحت الصاد والالف مع الايام وصرت
سكت وهو يتأمل البحر بغمره....
فيصل كمل عنه:حب
ذياب تنهد وهو على حاله:ايه
فيصل صد يطالع البحر وهو يتكتف:ولمتى؟
ذياب ببساطه:بخطبها
فيصل وقف بشهقه:شوووووووووووووووووو? ?وووووو؟؟!!!!!!
ذياب وطى راسه:حبتني شاسوي؟!!!
فيصل عصب من ذياب:ألحين بس سؤال واحد....انت تحبها؟
ذياب صد عن فيصل بتردد:لا...معرف معرف
فيصل جلس يحاول يقنع ذياب ويفهمه:ذياب هذا اسمه تعاطف....البنت حبتك وتعلقت فيك...تعلق وحب مراهقه او قول حاجه...هي اول مره حد يهتم فيها ويغمرها حنان واهتمام فتوهمت انها تحبه...هذي بس تكبر بتفهم وينضج تفكيرها بتكتشف انها ماتحبك...وانت ماتحبها... ليش تظلمها وتظلم نفسك؟
ذياب عبس بتعاطف:اخاف ان تركتها تنحرف
فيصل قطب حواجبه وبعتاب:لا ياخوووي...انت لازم تشد عليها حبتين وتخليها تنسى الشات تماما...بدل لاتعيش تأنيب الضمير بسبب تعاطفك الزايد معها لانها صغيره وطاحت عليك
ذياب زفر بضيق:انا الغبي من اولها فتحتلها باب وتجاوزت حدودي لو مفهمنها من البدايه ماكان تتطور الوضع
فيصل بجديه:ماينفع الحين هالكلام كله انت لازم تصارحها بكل شي
ذياب بلع ريجه:اخاف تنحرف او تتعقد
فيصل يشجعه:لا انت تعرف كيف تقنعها وتتعامل معها فهمها....وياريت اذا فهمت واقتنعت تبطل بعد انت هبات الشات عشان هي بعد تقتل اي امل ان ضعفت تدخل و تحصلك فيه
ذياب بعبوس وقلت حيلة:حاولت بس ماقدرت والله
فيصل:ماعليه ياخوي مشي حل اظمن واحسن عن هالحل....تبا تصير شهم وتدخل الشات ماتركب...الشات تستنذل فيه ماتستويلي بابا ياسين
ذياب:هو هي اليوم سألتني وش نهايه هالعلاقه...وانا قتلها كل خير
فيصل:تعرف من بنته هي؟
ذياب:لا بس اذا قلتلها بخطبج اكيد بتخبرني
فيصل:والحل؟
ذياب:اليوم بالليل موعدنا مره بحاول افهمها...يعني اهيألها الموضوع
فيصل تكتف وهو يبوز:مالت عليك مستولي مصلح اجتماعي فالشات...تضحك والله
ذياب عبس:كنت داش ادردش وبس ماريد العب على احد
فيصل بعصبيه:اهم شي انك ماحبيتها
ذياب تنهد:الاسوأ حبتني
فيصل:قلتلك مراهقه بكره تكبر وتنساك انت بس فهمها بأسلوب
ذياب تنهد بقو:ياهي بلشه
فيصل ببساطه:بروحك جبتها لعمرك
ذياب... سكت يفكر كيف بيفاتح اللي اظنكم عرفتوها....
الا بفيصل يفز وهو يشق:وللل نسيت
ذياب اخترع:الله يغربل بليسك اش فيك؟
فيصل وهو يطالع الساعه:عندي مشوار مهم
ذياب:زين روح عقب الصلاه
فيصل بانفعال:لالا بصلي هناك
ذياب قطب حواجبه باستغراب وفيصل مرتبش:وين هناك؟
فيصل:فمسجد حارتهم....اقول ليش ماتجي معي؟
ذياب تبسم:ليش ينفع؟
فيصل:اكيد ينفع ليش ماينفع يعني؟
ذياب بنص عين:عبالي مواعد الحب
فيصل كشر وهو يقومه معه:قم قم بلا هذره فاضيه
ذياب:هههههههههههههههههه زين هدني ادل الطريق
************************************
*********************
عند عمر و خالد...
عمر اللي رجعو لبيت شهاب دخل وسك على عمره...
شهاب اللي خبره خالد بكل شي:لا حول ولا قوة الا بالله والله عبالي يعرف
خالد بصدمه:حتى انت تعرف انها متوفيه؟
شهاب:ايه...ماكنت نسبيهم؟!!
خالد تنهد:صح...بس والله عمر صدمته كانت قويه
شهاب:من صغره وفهد يفهمه انه وجودها وعمده واحد...يعني عبالي معتبرنها ميته
خالد:شكله كان عنده أمل يشوفها عقب كل السنين...ولو مره وحده
شهاب بأسف:للاسف طلع عنده امل فيها
خالد:انخدعت مثلك بفكره كرهه لها....امه ومها سوت بيظل يحبها
شهاب سكت وهو يتذكر امه...
:السلام عليكم
شهاب وخالد:وعليكم السلام
أحمد وهو يجلس معهم:أخباركم؟
شهاب وخالد:الحمدلله
أحمد:كيف خلود ماحصلتو شغل؟
خالد بتنهيده:لا
أحمد عبس:اش صاير؟
خالد بغبنه:رحنا لعمتك منى...وتكلمنا معها
أحمد فز:زين واش قالتكم؟
خالد كمل بغصه:ماكملنا كلامنا الا وقالت عمتك شيخه متوفيه...انهار عمر و طلعنا
أحمد قطب حواجبه:هو ماعنده خبر؟!
خالد بقق عيونه:ليش انت عندك خبر؟
أحمد:ايه امي خبرتني يوم توفت...حتى جدي شلني معه العزا
خالد وقف بصدمه:وليش ماخبرت عمر؟
أحمد:كنتو مسافرين و أمي وجدي قالولي لا افتح الموضوع قدام عمر يسد اللي فيه...ما عبالي مامخبر
خالد بقهر:ومافكرت ليش ماحضر عزا امه؟!
أحمد عبس باستنكار:ليش هو كان مايطيق سيرتها اصلا؟!....و جدي فهمني لا ادخل...عمر كان بس حد يطريها يستلبس ويعصب
خالد عصب من اخوه:اوووه أحمد ماعرف شاقولك...اوووف معقوله الكل عنده خبر وولدها اللي له الحق قبلكم كلكم يعرف ماعنده خبر....اش هالظلم؟!!!
شهاب تبسم بأسف:هه....طبايب جدك المحترم
خالد معصب مايعرف شيقول:متى الله ياخذه ونفتك من شره؟!
وطلع عنهم وهو حده ثاير ومعصب...
أحمد:استغفر الله...الا وينه عمر ألحين
شهاب:داخل
أحمد زفر بألم:الله يكون فعونه
شهاب:تيمتم مرتين يوم تركته ويوم وفاتها
أحمد:صعب صعب....انحرم منها طول العمر هي حيه وهي ميته
شهاب:ايه والله...الله يصبره ويعينه بس
أحمد:آآآآآميـــــــــــــ? ?ــــن
وعند عمر اللي للحين مصدوم ومجزوووع...وما فوعيه...يطالع فالفراغ...
بداخله زوبعه مشاعر ملخبطة...ماتوقع ابدا انها بتموت ولا شافها...معقوووله هو اللي طول عمره يكرهها....ينهار على وفاتها اللي مايعرف متى ولا حضر عزاها بهالشكل...
انظلم وااايد وايد...والاحساس بالظلم مرير...وصعب...
طاحت دمعته على خدها غمض عيونه بقو وهو ينزل عيونه لحضنه...
لمذكرات امه اللي بين يديه...اللي منى عطتهم خالد...وعطاهم له:هذا اللي تركتيه لي يعني؟!
كان وده يقراهم بس كل مايبا يفتحه تخونه شجاعته ويغص...يحس بخنقه ويتراجع...
سمع أذان العشا...قام حط المذكره فالدرج و دخل ياخذله شور ينشطه و يبرد حرارة جسمه او قلبه مايدري...و يتوضا...
بيصلي عشان يرتاح
********************************
فهد اللي حصل فيصل ينتظره اول مارجع البيت...ومع ذياب...
ولانه متعود على الشغل ماكان مرهق لدرجه انه يتعذر من فيصل ويدخل عنه...
فهد اول مادخل عليهم وسلم وذياب ساكت ولا يتكلم عكس فيصل اللي استجذب فهد فمواضيع الشغل والتجاره...وهالشي خلا فهد ينفاعل معه وبحماس....
فهد اللي بالفعل غير جو ونسى همومه وشغله وخسايره يحب هالبيت والبنات والجو وزياره فيصل وسعت صدره اكثر وارتاح:والله ياولدي اني محتاج لموضف بعقليتك توني بس مفنش موظفين من عندي
فيصل عبس:افا ليش؟
فهد:طفرووووبي وانا عمك خسرووني فوق خسايري اكثر مايفهمو فالشغل شي
فيصل:وليش وظفتهم عيل؟
فهد بعصبيه:كنت ابكسب اجر فيهم بس شتقول ولاد هالزمن مايعجبهم شي
فيصل:والله ودي ياعم بس ما اقدر انا اشتغل ومرتاح فشغلي الحمدلله
فهد:وربيعك
وهو يطالع ذياب الساكت...
فيصل:ههههههههه هذا اخرس مايتكلم
ذياب طالع فيصل ببرود...
فهد:ااهااه ماينفع للبزنس يعني؟
فيصل:هههههههههههه لالا وش عرفه بالبزنس؟!...مسكين على قد حاله
فهد اللي دخل فيصل مزاجه بقو:الله يكون فعونه مسكين
ذياب وهو يطالعهم ببرود...وفخاطره:هالمسكين اللي تدعيله هو العقل المدبر لكل خسايرك...اللي راحت واللي جايه
فيصل:الا ياعم بغيت اطلب منك طلب وان شاء الله ماتردني
فهد:افا ان شاء الله مانردك قووول وش عندك؟
فيصل تبسم بخبث:جاي ابا القرب ياعمي
ذياب اللي بقق عيونه وهو يطالع فيصل..!!!!
فهد فرح رغم استغرابه من طلب فيصل:وانت من دلك علينا؟
فيصل:بصراحه اختي وكريمتكم صديقات ومره وانا اجيب اختي من المدرسه لمحتها والله يشهد علي ياعم...اريدها حليلتي.....زوجه على سنه الله ورسوله
فهد اللي عجبه فيصل من الاول وفرح اكثر على طلبه:عطيناك تطمن
ذياب طالع ففهد بتعجب...!!!
فيصل ماتوقع الموضوع بيكون بكل هالسهوله:يعني نملك؟
فهد:ههههههههههههههه لا تستعيل اصبر اسبوع نشاور البنت ونعرف اهلك
فيصل:حقك ياعمي بس انا ابوي متوفي وامي مخرفه وخواني كل واحد لاهي فحياته عندي عمي بس كبير فالسن وماقدر اجيبه مريض ومتلعوز...جبت ربيعي وان وافقتو ان شاء الله ادبرها واجيب القبيله كلها
فهد:ههههههههههههههههههه لا ياولدي مايحتاج دامك رجال وعن 100 رجال تكفي وتوفي انت وربيعك هالشهم...بس اول خلينا ناخذ شور البنت
فيصل:اكيد اكيد حقكم
ذياب اللي ماعاجبنه الوضع ابدا...صرت شهم زين زين...بالبركه
فهد:الا صحيح من فخاطرك بالضبط؟
ذياب طالع فيصل بتهديد..لا يافيصل لا
فيصل وهو يحك راسه:والله ياعم...اعرف اسمها من اختي
فهد:هههههههههههه زين قول مابذبحك
فيصل مخلي عمره منحرج:موزه
فهد انصدم:ههههههههههههههههههه? ?ههههههه هالبنت بذات ماكان عبالي بتتزوج لاء وقبل خواتها بعد
فيصل اللي مستغرب فهد طلع انسان ودود وحبوب ماتخيله ابدا بهالصوره دوووم الشباب مايقصرو فيه...هذا هو نفسه اللي معذبنهم مستحيييييييييييييييييل:لي? ? ياعم؟
فهد وهو يضحك:لانها اركد واعقل البنات....ماتسمع لها حس....وماتسوي مشاكل ابدا....وابدا ابدا مامرجوجه وخبله....
و بجديه:والله بتعذبك....انت بس متأكد موزه ما مهره؟
فيصل:لالا موزه اختي بعد تقول عنها كيه وانا من زمان ودي ببنت كيه
فهد:ههههههههههههههههههههه عيل مانت بصاحي
*********************************
نرجع لعمر اللي من صلى ارتاح وقدر يستجمع قوته...
طلع المذكره وبدا يقراها....
انصدم من اول حروفها....كانت مكتوبه له...
((الى ابني العزيز والذي لايبرر شيء تركي له...الى فلذه كبدي...الى بكري وحياتي التي سرقت وانتهكت مني...عزيزي عمر...بني....اخط لك هذه الاسطر فلا ثقة لدي بالمرض الذي ينخر جسدي ويهتك روحي....انه يتعبني ويذبلني...
تهتك جسدي من الالم ولازال يعصف به دون رحمه...ينهش في روحا وجسدا...كما لو كنت اعاقب على تركك والتخلي عنك....لن اصف اعذاري لك بني...فقط سأكتب لك ماحدث وانت تقرر واحكم على روحا انت جزء منها...
بني وقبل كل شيء....اعلم اني لم انسك ولم اتناساك ابدا....
امك الانانيه التي كتبت اسمك على صدر السماء وأيامها)))
تنهد بقو وهو يرد يقرا هالفقره اللي خطت على جلد المذكره....كنها رساله...همسه...من امه....
مسح دموعه اللي بدت نزل وهو يقرا حروفها للمره الثالثه...
((امك الانانيه التي كتبت اسمك على صدر السماء وأيامها))
....هالجمله هزت كيانه وزلزلته.....
حط المذكره بهدوء على صوب ومثل الاطفال جلس يصيح بلوووعه و مراره مالها حدود....
امه اللي انحرم منها حتى مايتذكر شكلها...ملامحها...ولا يوم تركته...يوم الوداع...ماتركت له شي غير اسمها اللي ابوه ماكان يطيقه...وجده اللي ماكان يمر يوم مايطريه مع وابل من السب والشتم والقذف...ماكأنها بنته ابدا...
وهو اللي كان ينكرها...يكرها...ابدا ماكان هاالحساس فقلبه كان يدعيه...كان قناع يلبسه...من غضبه وقهره...وهو بداخله لهفه وحنين لها...للي حملت فيه وولدته...للي ورث منها اللي مايعرفه...امكن الطيبه...امكن الصبر...وامكن الدموع اللي مافارقته ولا ليله وهو ينام على ذكرها...
كان عنده امل ولو بسيط يلاقيها...يسألها...وقبل كل شي يرتمي فحضنها...يعيش حقه...يسمع (ولدي) منها...ويناديها (أمي)...
للاسف انانية جده ومرضه النفسي كانو سبب فحرمانه من اهم حقوقه...
عصب وهو يتذكر جده...
مسح دموعه و رجع ملهوف للمذكره حضنها بقو وهو يشم ريحة امه فيها...امكن وهم...امكن هلوسه...بس حس بها قريبه منه...
وبس هدا وقام غسل وجهه رجع يقرا....
كتبت له كأنها تعرفه...وتعرف طبوعه...ماتصور لهدرجه ممكن الام تحس بولدها...
يقرا شوي وتنزل دموعه...وترجعله الحاله الهستيريه...ينهار...و بس يهدا ويتعب يرجع يكمل...
لحد مانام من التعب والانهيار اللي هو فيه...والمذكر فحظنه...
و فالصاله....
خالد بتوتر وقلق كبير:يعني لمتى بنخليه لحاله اخاف يسوي شي فعمره؟
شهاب وهو مشغول باللاب:خليه ياخذ راحته...عمر عاقل مارح يسوي شي يغضب فيه الله
وقام:تجي تعاوني؟
خالد بمكر:بكم؟
شهاب:هههههههههههه ماعليه بعتبرك سكرتيري الليله بس لانه سكرتيري مريض وذياب ماله حس للحين وانا اريد اقلطلي(اخلصلي)كمين شغله مهمه
خالد فز بينسى عمر وخوفه عليه باي شي:تمام
شهاب وهو يتصل بذياب:خذ هاللاب واسبقني المكتب بناقش وايد مواضيع
خالد خذ اللاب منه:تمام
وسبقه...اتصل بذياب بس مايرد تنهد وهو يتصل على فيصل...
وصله صوت فيصل وهو يسلم:وعليكم السلام انتووو وينكم؟...وليش ذياب مايرد؟
فيصل:هههههههههههههه ول انزين اخوك مب ياهل تراه ريااال طول وعرض وقريب بيتزوج بعد
شهاب:هههههههههههه لاه...بسك تهربيت(هذره) وجاوب
فيصل بجديه وباللهجه الشاميه:تمام معلم...هوه هلا...
وماعرف يكمل قام كمل بالعاميه:نسى تلفونه ورجع يجيبه....الحين راجعين
شهاب:ههههههههههههههه هيك لكان....زين زين...هاتو عشا عيل
فيصل:تمام معلم شو بدك؟
شهاب:هههههههههههه بسك ترقيع ترا عفست ام اللغه....المهم كالعاده نوعو لا تتأخرو فاهم
فيصل:ان شاء الله معلم
شهاب:هههههههههههههه الله بالعقل بس...عادلك فتره مانت بصاحي
فيصل:هههههههههههههههههه اعلمك السالفه عقب يله مع السلامه معلم
شهاب:هههههه زين وين مع السلامه
وسكر وهو يشوف مسج واصلنه فتحه....تبسم وهو يقراه:ههههههههههههه ماعليه يافهد والله وقربت النهايه
ولحق خالد وهو حده مبسوووط
**********************************
*********************************
مشت وسطهم وهي تتمخطر وبدلع:ياربي ياربي ياربي....وش هالمعجبين....ماصدقو على الله يسمعو خبر تخرجي القريب جو ركض يخطبوني....واحد ورا الثاني....مسكين جدي عيا وهو يفهمهم
وهي ترمش وبدلع ماصخ: مافي زواج قبل لا اعدي ال20
عليا:هههههههههههههههههههه? ?هه وربي خبله هذا اللي جالسه تراجعيه زين عز الله فلحتي
مواز وهي تدور حول نفسها:يعمري انا اهبل فديت روووحي وقلبي وعلى قووولت اخواني الاتراك جنم جنم
عليا:ههههههههههههههههه يالخبله جنم يعني روووحي انتي لمن تقولي روحي ماتركب تقوليها لعمرج
مواز تخصرت:قسم بالله تركب....لغتي وكيفي...هاير جنم
عليا:ههههههههههههههه رقعي عاد انتي
مواز:ايفت ايفت....اكيد برقع
وكملت بدلع: كيف بسافر تركيا شهر العسل وانا ماعرف شي؟!....ابا ابهرررر ماي بعل
عليا تتقلب ضحك:ههههههههههههههههههههه? ?هه حلووه ماي بعل
مواز بغرور:اكيييد حلوه...ماهو الحلو مايطلع الا من الحلو والزين مواز
وصرخت كنها تذكرت شي:تدرووون...الزين والحلا وكل شي حتى البرستيج غيرو اسمهم لمواز
دانه فرتها بالوساده وعليا ومهره يضحكن على خبالها:بدل الهذره واحلام اليقظه مسكي كتابج وقابلي دروسج...
مواز وهي تكمل مع دانه:هذا مستقبلج...هالسنه مصيريه تحدد مستقبلج كله
دانه كاتمه غضبها:انتي ماتعرفي تنكتمي دقيقه؟!...يا انج تسوي مصيبه او تهذري؟!...ماتعرفي تركدي وتجلسي عاقله دقيقه بس؟؟!!
مواز:ههههههههههه خلاص ابشري فعيد ميلاج ال30 ان شاء الله بقدملج هالهديه...بسكت على روحج دقيقه
مهره نقعت ضحك:هههههههههههههههه يالخبله هذيك اسمها وقفت صمت على ارواح الموتى ماتركب لأعياد الميلاد
مواز:عااادي تركب....
وشافت دانه معصصصبه وويها احمررر:ههههههههه اعرف اعرف هالايام بس اضغط على عمري واتحمل عشان ارتاح عقب طووول العمر
دانه بصراخ:اشوف حافظه المحاضرات بس مافالحه تطبقيها
مواز وهي ترد شعرها القصير ورا بدلع:و انتي اش حارج؟!..كيـــفــــي انا اللي بسقط مو انتي....يا ام اربع عيون
دانه سكتت عنها تعرف مواز راسها يابس والكلام معها لا يودي ولا اييب....مسكت كتابها ورجعت تقرا:انتي الكلام مع ضايع هه
عليا بهمس لمهره:مهروه اخبار مدري شسمه؟
مهره:اسمه الاسطوره...وعدني بالليل نتفاهم على كل شي
عليا:اهاه زين
مواز صرخت بضجر:اوووف ملل
:قابلي كتابج بدل...
مواز قاطعتها:هلا وغلا بالغلا كـــــــــــلــــــــــــ ه
منى تخصرت بعبوس:مووزووه قابلي كتبج
مواز تكلم عمرها:ماوجه مغازل مالت
عفطت لمنى:عمتي ألحين ماصح في اثنين شافوني فالمجلس؟
منى تذكرت عمر وخالد وغصت...
دانه صرخت فيها باستنكار:ايه وفرحانه حضرتج شافو سواد ويهج؟
عليا بققت عيونها:وان شاء الله شافوها بالقرعه؟
دانه ببتسامه جانبيه ساخره:لاء ومنسدحه تغني بعد....مريضه ولا راحمه عمرها
مواز شهقت بدلع تغيض دانه:انا متى؟!!!
مهره صرخت بضجر:الحمدلله والشكر...بذاكر انتو ماوجه مذاكره....اطلع ادورلي مكان اهدا ولا عز الله نجحت
وطلعت عنهم...
منى صرخت فمواز بقهر:ماتلحقيها ياحظي
مواز تتعذر ببراءه:لا حرام شارده مني اقوووم الحقها....اصلا هي ماتعرف تذاكر و تقابلني
منى بصراخ:زين مسكي كتابج ترا والله يأست منج
مواز وهي تحط يدها على اذنها وبتكشيره:زين تراني عدالج ليش بعد يصرخو؟
منى لوت أذن مواز بعصبيه:بتذاكري ولا لاء؟
مواز وهي تناقز بألم:اي اي اي ايييي
عليا لدانه:هههههههههههه اش سالفتها اليوم نازل عليها دلع ورقه؟!!
دانه وهو يأشر على يدها كنها بتقطعها:هههههههههه اقص ايدي اذا كملتلج هالدقيقه بس
منى ودرتها بعتاب:يالله اشوفج مسكي كتابج
مواز وهي تفرك أذنها وصرخت بألم:مااابااا
وطلعت عنهم بعصبيه...
منى شهق بفجعه:وتراد بعد
عصبت و لحقتها:انا أعلمج
دانه:هههههههههه شفتي؟
عليا:هههههههههههههههههه هالبنت خبله رسميااا
وعند مهره اللي راحت للحديقه تذاكر ومن عادتها ماتعرف تذاكر الا وهي تمشي وتقرا بصوت مسموع....
وهي تمشي وتجي وتحفظ....تعبت وجلست على الكرسي الخشبي المقابل لباب المجلس وهو تاخذ راحه تحس ريولها تعورها....غمضت عيونها تسترجع المعلومات...
مانتبهت للعيون اللي تتأملها بصدمه....:
هي هي هي...ايه هي....
لانه المسافه بين الباب والكرسي تقريبا مترين ونص قرر يقرب ويتأكد أكثر...وهي تعدد بصبوعها المعلومات ومغمضه عيونها باندماج....اول ما تأكد وقف مصدووووم...
مهره فتحت عيونها بفرحه لانها قدرت تحفظ المطلوب وتدخله عقلها....تنفست بعمق وهي حدها مبسوووطه:يسسسسس شاطره فديتني...ههههههه
وحضنت كتابها وقامت:يوووه اخاف بس حد عند جدي احسن اروح اذاكر الحديقه اللي عند المطبخ...وراحت
كان متخبي ورا الشجره...اول ماحس انها بتفتح تخبى بسرعه وهي ماحستبه ابدا....
:ذياب
ذياب فز وهو يطالع وراه ويده على قلبه اللي شوي ويوقف:هاه!!!
فيصل اللي واقف على الباب الخارجي باستغراب من خرعت ذياب:اش فيك تأخرت؟...كل هذا تجيب تلفونك؟!!!
ذياب بلع ريجه:هاه...ايه ايه امشي بقولك شي
وطلعو سوا....
*********************************
************************************
دخل عليها لانه ماشافها من جابها من المدرسه وكانت مرهقه بشكل...حتى نامت بسرعه اول ماوصلو بلا غدا ولا شي...وهو خلاها على راحتها...
أحمد اللي دق الباب ودخل بس ماجاه رد شافها ع السرير متكوره على نفسها وتصيح...انقبض قلبه بس ماحب يخوفها...راح قرب منها بهدوء:مها
مها رفعت عيونها له...اول ماشافته فزت تمسح دموعها وهي تتعدل فجلستها:هلا
أحمد عبس:ماكلتي شي الغدا فمكانه...اش فيج؟
مها بدون ماطالعه:مالي نفس
أحمد بحنيه:مايصير لازم تلتزمي بالاكل عشان تتعالجي وماتحتاجي للحبوب عقب
مها رجعت تشاهق ودموعها تنزل...
أحمد جلس عدالها:افااا...اش صاير؟
مها بغصه وهي تمسح دموعها اللي مارضو يجفو:عقب.. بكره عندي....امـ...ــتحان
أحمد يسايرها:طيب وين المشكله؟
مها بلعت غصتها:دخلو وحده كامله مافاهمه شي منها...
وغطت وجها تصيح بلووعه:صعبه
أحمد رحمها بس ارتاح انه السالفه لا امتحان:افاااا تصيحي وانا موجود
مها وهي على حالها....
أحمد سحبها لحضنه:الحل بسيط ترا
مها اللي انتفضت من حركته وتكهربت بعدت عنه بهدوء وبربكه...وبخجل:شو هو؟
أحمد تبسم:اي ماده هالوحده؟
مها طالعته مافاهمه اش يبا بضبط ومتلخبطه من لطفه وجراءته وحنانه معها:الفيزياء
أحمد تبسم اكثر:انا كنت علمي وافهمله
مها نست كل شي وبفظول:انت تشتغل فسلاح الجو صح؟
أحمد حب يغير الجو وزين جات منها:ههههههههه وجدي ماقصر كان ناوي يضيع مستقبلي
مها:صح وش سويت ساعتها؟
أحمد فاسبوعين بس طفشتبه خسرته اكبر صفقتين جن جنونه وطردني من الشركه ههههههههههه
مها:هههههههههههههههههههه وماعاقبك؟
أحمد صغرت ابتسامته:عاقبني عقاب عمري مارح انساه
مها بخوف:شو هو؟
أحمد استغرب الخوف فلهجتها:وليش هالخوف؟
مها:مب خوف...بس من لهجتك شي جايد
أحمد مسك يدها:صح
مها تكهربت من لمسته...صاير وايد ودود معها...ومطيح الميانه...كنهم متزوجين من سنه واكثر ماكنه من شهور وتوهم من ايام بس تحسنت علاقتهم...وهي بعدها ماقادره تتأقلم معه...سحبت يدها باحراج:زين
أحمد بعصبيه:اش فيج عادي...انتي كله تستحي؟
مها فزت بخرعه...و وطت راسها....شوي وتصيح
أحمد:هههههههههههههههههههه? ?ههههههه
مها رفعت عيونها له بتعجب..!!!
أحمد:امزح معج والله حالتج صعبه....
وقلبها جديه لانها نحرجت بقو وماحب يزودها اكثر:المهم تراني شاطر فالفيزيا وطبعا مارح اخلي حرمتي ترسب
مها وهي متلخبطه وفقمه التوتر تحس بطنها بدا يمغصها...و بخجل:تسلم
أحمد وقف:يله قومي غسلي ويهج ولحقيني الصاله تراني ميييت جوع
مها بققت عيونها:ليش انت ماتغديت؟!!!
أحمد تخصر:والحين بعد شكلي مابتعشا....ترا ماحب آكل بروحي
مها حست بتأنيب الضمير هو يسوي كل شي يريحها وهي تصده وتجافيه وكنها ياهل ماتعرف كيف تردله جمايله ولو بكلمه حلوه:آسفه
أحمد قطب حواجبه:على شو؟
مها قامت ركض للحمام...ولا عبرت سؤاله...
أحمد تبسم:هههههههههههههه حشى ماحيا
****************************************
لامارا غير متواجد حالياً رد مع اقتباس
قديم 12-10-13, 08:25 AM #28
لامارا
مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
الصورة الرمزية لامارا
? العضوٌ??? » 216
? التسِجيلٌ » Dec 2007
? مشَارَ?اتْي » 87,656
? نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي
*******************************
عبس وهم يركبو السياره:اش فيك؟....ساعه تروح تجيب فووونك؟!...اخوووك اذاني ترا ماصارت.....
ولاحظ شرود ذياب وملامح الصدمه عبس: وش فيك؟!!
ذياب بعده مصدووم ومامصدق وبتشتت:البنت اللي..... مدري... خطبتها
فيصل شغل السياره وبعدم مبالاه مايعرف ليش فجأه حس الموضوع مايسوى بس تذكر زيارتهم واللي صار انبط ضحك:ههههههههههههههههههههه? ?ه طلع ماسهل الشيبه...ودمه خفيف....والله استانست عليه... تصدق للحين اتخيله جد الشباب المخرف....من قال اسمه وانا عبالي هو والله...بس ماراكب فراسي هو نفسه صح
ذياب يعرف فيصل ومزاجه اللي يقلب فجأه تنهد و بجديه:صح هو نفسه فهد
فيصل مندمج وبضحك:هههههههههههههههههه اعر...
واستوعب وهو يصد صوب ذياب بفجعه:لا تقووول..
ذياب قاطعه بانزعاج على استعباطه:ايه جد أحمد وخالد وعمر
فيصل شهق بقو وهو يوقف السياره:يعني هو نفسه؟!....انت متأكد؟؟
ذياب عبس باستنكار:انت هيه بسك استعباط!!
فيصل بجديه:لالا من صدجي ترا انا بس قال الاسم شبهته به...ولزقته بشخصيه جد الشباب
ذياب بثقه:اشتغل على نص خطط شهاب....واعرفه حافظنه مثل ما اعرفك وحافظ اسمي
فيصل تبسم بسخريه:هههههههه....يعني ألحين هالبويه حفيدته؟!!...يعني تقرب للشباب
ذياب بلهجه غريبه:الدنيا صغيره
فيصل:الا انت كيف مسكت نفسك عنه والله معرف؟!!
ذياب زفر بضيق:تراني اخرس لاه
فيصل:هههههههههههههههههه لاتذكرني....ههههههههههههههه تصدق شكله حاس انه بيصيرله شي من ورا احفاده عشان كيه بيفتك ويزوج البنات....حتى سمعته يكررلي يتأكد موزة ولا مهره
ذياب بعدم مبالاه:انت ياخي مدري على شو ناوي بالضبط زين مني مسكت اعصابي
فيصل ببساطه:انت ليش معقد السالفه؟!....الريال شكله حبوووب و...
ذياب بدون مقدمات قاطع فيصل بجديه كبيره:انت خطبت موزه ليش؟!
فيصل رفع كتوفه لانه يعرف تضيعه لسالفه مايفيد عند ذياب... و بحقد:ابا اربيها من اول وجديد مافي بنت تهيني واسكت...ولا اقدر اجيب راسها....
ذياب قاطهعه بعصبيه:اش لك بالبنت خلها فحالها؟!...ليش تلاحقها؟
فيصل بدون ملامح:دخلت راسي ومابتطلع الا بكيفي
ذياب عصب اكثر:ترا بنات الناس مب لعبه
فيصل طنشه وهو يكمل كلامه:بس خسارة طلعت ياهل...قاصر....اوووف ابتلشنا...
وبعصبيه:عيل ياهل تسوي كل هالمصايب لو كبرت وش بتسوي؟!!
ذياب يعرف حركات فيصل وحافظنها بس مشاها له و باستنكار:ليش انت كم عمرك؟
فيصل بعفويه:23
ذياب عابس:والبنت؟
فيصل ببساطه:قال توها بس داخله ال20
ذياب تكتف:يعني مب قاصر وبينكم بس 3 سنين وتقولي صغير؟!...
تذكر فجأه شي غفل عنه وصد صوب فيصل اللي رجع يكمل سواقه:الا انت توك متخرج بس ومشتغل من وين لك بمصاريف الزواج؟...ابوك مامن النوع اللي يوافق يسلفك...يسد وظفك....و
فيصل قاطعه بضحكه:ههههههههههههههههههه? ?هه حد قالك بتزوج؟
ذياب فز مبقق عيونه:ليش عيل خطبت البنت؟...يعني كيف على قولتك بتربيها؟!!
فيصل بخبث:اصبر علي بخبرك فالوقت المناسب.....خلينا بالمهم دام هذا فهد هو نفسه انتو يعني ظالمينه
ذياب بقرف:لا والله!!!...ماكنك تضيع السالفه وتعيد الحوار اللي سبق وقلناه؟!!
فيصل الا يضيع السالفه:ههههههههههههههههه? ?ههه تخيل نفجع سلطان بهالخبر بيستخف وهو عادله سنه يدور حرمه ومامحصل....كل مايخطب يصير شي وتتفركش السالفه هههههههههههههههههههههه اما بيموت من غيضه
ذياب اللي يعرف تصريفات فيصل يعني مايبا يتكلم فالموضوع اكثر...صد عنه يفكر فاللي شافها....:
هي وربي هي.....بس معقوله؟!!....طيب اذا هي من بنات هذك البيت ....لحظه...عليا عليا اكيد فيه بعد
فيصل اللي فززز على صرخت ذياب:اش فيك خوفتني كنت بدعم
ووقف السياره على الرصيف وبعصبيه صد على ذياب:انت اش فيك؟!!
ذياب يلاهث كنه حصل كنز:تخيل تخيل البنت اللي تعرفها وانا اعرفها و طليقه يعرفون بعض إلا يقربون لبعض
فيصل كشر يحاول يستوعب:كيف مافهمت وضحها هذي لي؟!!
ذياب يشرح لفيصل:فهد مو هو جد البنت اللي ملعوزتنك؟
فيصل عصب من كثر مايضيع السالفه وذياب يعيدها:جبت شي جديد يعني؟!....لا بالعمد خاطف وتعيدلي هالاسطوانه عشان تغثني؟!!!
ذياب مطنش وهو مندمج فاستنتاجه:وانا شفت ملاك فالشات....واليوم بعد
فيصل عبس باستنكار:من ملاك هذي بعد؟؟!!...لاتقولي راعيه الشات؟!!
ذياب بصدمه يحاول يقنع فيصل:هي...نفسها....شفتها وانا طالع من المجلس وربي هي....ماني مصدق!!!
فيصل انبط ضحك:ههههههههههههههههههههه? ?ههههههه لا والله شكلك خرفت ولا تحلم
ذياب بتحدي:اقولك هي والليله بثبتلك وبجيب اسمها الحقيقي بعد
فيصل مطنش سالفه الشات:زين...رد لموضوعنا بعدني مافهمت ترا
ذياب وهو يشرح:فهد معيش بنته وبنات بنته فبيت واحد اللي هو كنا فيه
فيصل بملل:انزين قديمه هات شي جديد
ذياب يكمل:ركززز معي.... البنات.... اللي اعرفه من خبرتي ومعلوماتي عن فهد خمس...هن بنت فهد... وخطيبتك... وملاك... وحرمة شهاب... والاخيره شكلها اختهن
فيصل تعدل فجلسته:بعدللك اوك....اولا البويه ماخطيبتي...ثانيا ملاك...فهد ماطرى هالاسم...ثالثا قصدك مطلقه شهاب ماحرمته...و رابع الاخيره امكن اللي اسمها مهره
ذياب:لا انا اللي بفهمك يالغبي...اولا البويه اللي تقول عنها بتصير ماخطيبتك حرمتك انت خطبتها ترا مشي اسمه لعب مع فهد....وربي لا يذبحك... وثانيا ملاك اسم مستعار لوحده من البنات...ثالثا صح معك فهذي ماغلطت... ورابعا احتمال... بس ملاك احتمال تكون نفسها مهره مدري مدري
فيصل اللي مامع ذياب ابدا بعصبيه:تخسي هي و جدها...
وباستنتاج:طالعه هالبنت شريه مثله....
وكمل بعصبيه:هذا اولا ثانيا...اش دراك ملاكك هذي انها منهم مابنت الجيران ولا ربيعتهم جايه زياره؟!!...واخيرا محد غبي غيرك
ذياب منقهر من فيصل اللي معاند:لا يالذكي....ملاك بجيب اسمها الحقيقي اليوم وبتشوووف...و منها بعرف كل شي وبنشووووف من الصح انا ولا انت
فيصل وهو يحرك السياره:بنشوووف يالواثق
ذياب بثقه:تحبني وبتخبرني اللي اباه وموووت من قهرك
فيصل بيغيض من ذياب واصراره:زين اتحدااااااااااااك تقولك شي
ذياب بتحدي:قبلت التحدي
فيصل:ان خسرت بتعطيني سيارتك البووورش شهر كامل
ذياب بثقه:وان فزت؟
فيصل تبسم ابتسامه سخريه:بتملك على البويه
ذياب استانس وبثقه:موااافق
*****************************
***********************************
وبالليل...فالشات
الاسطوره:انتي الحين صارحتي خواتج وهم اعترفو بخطأهم صح؟
ملاك:مقدره كل اللي سويته لي...بس حبيت اقولك اني بترك الشات خلاص ماعدت اشوف له لزمه
ذياب استغرب ماتوقعها تفتح الموضوع اللي جاي يفتحه معها وماعارف كيف:الحمدلله احسلج
ملاك:عرفت غلطي والبنات يلمحولي
الاسطوره:يعني افهم انج ماتحبيني؟
ملاك:حب الشات زائف...بس الله الشاهد علي اخوي ذياب اني احترمك واقدرك وا عمري بنساك
الاسطوره(اللي مخبرنها باسمه):كبرتي يامهره وايد
ملاك:الحمدلله كله بفظل نصايحك والبنات
وفزت بشهقت فجعت فيها عليا اللي سهرانه معها فالصاله:بسم الله اش فيج؟
مهره ويدها على قلبها بشهقه:هذا طلع يعرف اسمي؟!!!
عليا فزت مثل الملدوغه:شوووووووووووو؟؟؟! !!
مهره شوي وتصيح:والله
عليا كشرت بشراسه:بدا يطلع على حقيقته الحقير
وجلست تشوف معها....
ملاك:من مهره؟!!
الاسطورة:انتي...مهره وجدج فهد ال.... صاحب شركات ال....
عليا ومهره اللي صدو صوب بعض بفجعه:اش دراه؟!!!
مهره اللي وقف قلبها:عليوووه والله ماخبرته بشي كيف عرف؟!!
عليا تحاول تمتص صدمت وانفعال مهره وهي تهديها:مهروووه لاتبينيله خوفج
الاسطورة:لا تخافي مارح افضحج عند عمج صقر
البنات شهقو بفجعه....
مهره انهارت و قامت تصيح...
عليا مسكت عنها اللاب...
ملاك:انت وش تبا بضبط؟!!
الاسطورة:انتي ناسيه اني شفتج واعرفج زين
عليا بقهر وغضب...
(ملاك):انت واحد حقير وواطي اخيرا طلعت على حقيقتك
الاسطورة:لا تسبي ترا اعصب و وديج فستين داهيه
عليا رطبت شفايفها اللي جفو من الانفعال
(ملاك):زيين وش تريد مني الحين؟
الاسطورة:اريد اجوبه لشوية اسئله
عليا تنهدت بقو وهي متوتره
(ملاك):اسئل
ذياب تبسم بخبث وهو يكتب:حرمت تشوف البورش بعينك يافصيل
(الاسطورة):عمرج 19 وقريب تدخلي ال20 صح؟
عليا شهقت وهي تمسك راسها بفجعه:هذا اش عرفه بكل هالمعلومات؟!!!
مهره مسحت دموعها برجفه:معرف والله العظيم معرف
عليا ردت عليه..
(ملاك):صح
ذياب وهو ينادي فيصل بحماس:فيييصلوووه الحق
فيصل وهو يتعبث بفونه وبعدم مبالاه:وشووو؟؟؟!!
ذياب ونشوة النصر تعتريه:فزت عليك بتملك على البويه فاااهم
فيصل على حاله:هههههههههههههههههههه لتحقيق كلامك ارسل حلم او draem
ذياب بثقه:حبيبي تعال شوووف و اقرا
فيصل ماله بارض:انت تعال اشوووف
ذياب قام وجلس عداله وهو يوريه:شووووف
فيصل تعدل فجلسته وهو يقرا بقق عيونه مامصدق:يعني شوو؟؟؟!!
ذياب ببتسامه نصر:انا فزت...ملاك هي مهره...عمرها 19 تبا تعرف شي بعد؟
فيصل بحماس وهو ناسي انه خسر:ايه اسألها عن مواز كيف صارت بويه؟
ذياب عطاه اللاب بنص عين:مواااز هاه؟!....هالبنت ماخذه كل تفكيرك!!...خذ اسألها انا رايح اشرب
فيصل بحماس مطنش تعليق ذياب:هات...
وعند البنات..
عليا اللي هدت مهره بالغصب:اوووف تأخر النذل يلعب بأعصابنا...
شافته رسل عفطت تقرا وش رسل..
بققت عيونها ع الاخير وهي تصرخ:هذا اش عرفه بمواز وانها تتنكر على انها ولد؟!!!
مهره شهقت والدم نشف فعروقها:شو؟!!!
عليا تخفض صوتها:قووومي بسرعه قومي مواز من دون مايحس احد
مهره تمسح دموعها اللي ماراضيه تجف وبرجفه:احسن حن ندخل الغرفه
عليا فكرت شوي:ايه صح احسن قووومي
ودخلن بفجعه وجلسن عدال بعض على كرفاية مواز اللي انزعجت منهن قامت تصارخ:اش صاير اش كل هالازعـ...
عليا سكت حلقها بسرعه وفجعه:الحقي علينا
مواز عبست:اش صاير؟
مهره من بين دموعها وهي تشاهق:طلع يعرف كل شي عنا
مواز طالعتهم بغباء:هاه؟!!!
عليا:مهره قومي شليها تغسل وجها وفهميها قبل لااستخف
دانه صحت على ازعاجهم:اش صاير؟
عليا وهي تساعد مهره يقومن مواز المبهته:مصيبه
مواز بعصبيه:اوووه اش فيكن علي ادله الحمام
عليا برجاء:ارجوووج صحصحي معي
مواز عبست اكثر بانزعاج:زين
ودخلت غسلت وجها وطلعت:خير؟!!!
عليا قالتلها ودانه كل شي...
دانه ويدها على راسها:الله اكبر عليه؟!!...اش دراه؟؟!!!
عليا وهي شوي وتستخف:اشك انه ساحر
مهره تحلف وهي منهاره:والله العظيم ماخبرته شي ولا لمحتله... الله ياخذني يوم فتحتله الكام عشان يتأكد اني بنت والله ماكنت فوعيي والله
و انرهطت فزوبعه بكاء مريره... دلنه عفطت تهديها...
مواز عصبت:هاتي زين انا اعلمه اش يعني يلعب مع وحده من خواتي
عليا شهقت:ووويييه كيف نسيته؟!...جالس يرسل
وعفطن كلهن لكرفايه مواز على اللاب...
دانه تقرا بصدمه وهي:يسأل ((مواز ليش تتشبه بالاولاد؟))
البنات طالعو بعض كأنه حد صب عليهم ماي بارد...
مواز عصبت وفار دمها:هاتي انا اوريه هالحقير
عليا:اعقلي لاتحسسيه انج مب مهره
مواز سحبت نفس عميق تهدي:تمام
دانه بلعت ريجها وهي تحضن مهره اللي ماسكتت ومنهاره تصيح بلوعه وندم:الله يستر ونعدي هالليله على خير
البنات:آميـــــــــــــــ? ?ن
مواز مسكت عمرها وهي ترد عليه بعصبيه وقهر
(ملاك):مدري عنها اختي هذي مجنونه وتصرفاتها مالها سبب
فيصل عصب...
(الاسطورة):يعني بويه؟
مواز ودها تدوس فبطنه من القهر...
(ملاك):لا هي بس تحب تلعب كوره ولا مالها شغل بالبويات ابدا....اختي بنت
فيصل نقع ضحك وذياب يعفط يجلس عداله:ههههههههههههههههههه واضح
ذياب وهو يتأمل المحادثه:وش قالتلك؟
فيصل وهو يكتب:صبر صبر
مواز وهي منقهره:هذي نهايه الشات شفتي؟....محترم ولا لا كلهم وااحد محد محترم وطيب... هذا شااات
عليا بعتاب:خلاص مواز هي عرفت غلطتها خلينا الحين نسكر على السالفه باقل الخسائر
دانه وهي تهدي مهره:خلاص مهروه بسج صياح لازم تكوني اقوى
مواز وهي تنتظر رده شوي وتستخف:الحقير النذل الواطي الحيوووان اش دراه بكل هالمعلومات؟!!!
ذياب:اش بتسأل بعد؟
فيصل:طلعت حقير ياخي
ذياب:ههههههههههههههههه احلا وداع لاه
فيصل:اش رايك نسألها عن صقر
ذياب:والله فكره اكتب اكتب
فيصل وهو يكتب:زين
مواز صرخت وهي تناقز:رسل رسل
البنات عفطو يشوفو وش راسل....شهقو!!!
علي ويدها على قلبها:يمه اظن بنجلط لحد مانخلص هالمحادثه....و ياكثر ماشاهقت اليوم
مواز بفجعه:النذل يبا يعرف صقر عمي ولا خالي؟؟
دانه تحس اعصابها خلاص تلفت:اش بتسوي؟
مواز بلعت ريجها:هذا يعرف كل شي مانقدر نكذب...بقوله الصدق
(ملاك):هذا اخر سؤال؟
فيصل جاب يرد بـ(لا)..
ذياب:لا بس خلاص لاتستحقر اكثر
فيصل عبس:رجع ضميرك يحس؟!....توه ماطلع الفجر؟!
ذياب:بايخ...بسك يلا
فيصل رد عليها...
(الاسطورة):تمام هذا اخر سؤال بس جاوبي
(ملاك):اوعدني تنساني
(الاسطورة):وعد
(ملاك):وش تبا تعرف بضبط؟..اظنك تعرف زين اجابتي..وهي اني معرف
فيصل عبس...وهو يكتب
(الاسطورة):كيف يعني؟
(ملاك):ماعليه سؤالين بس اهم شي ماتتعرضلي مره
(الاسطورة):اوعدج وانا عند كلمتي اش ابا بمراهقه؟!
مواز شوي وتكسر اللاب من القهر....مراهقه فعينه عديم الاحساس الحقير...اخخخ بس اخخخ...وكتبتله بكل عصبيه
(ملاك):واش يضمنلي؟
(الاسطورة):اش ابا بوحده منتفه وحافيه مثلج؟!!
مواز بقهر وهي تكتب شوي وتكسر الالاب...
(ملاك):حسب علمك جدي تاجر مليووونير ملاحظ انه محد منتف وحافي غيرك
(الاسطورة):ههههههههههههههه? ?ههههه خبر خير انتي يالمسكينه يالمخدووعه
(ملاك):بسك تهربيت
(الاسطورة):صدقج المهم بسرعه كيف يعني متعرفي فسري احسلج
مواز بلعت ريجها وهي تشرحله
(ملاك):خالي واحتمال عمي...جدي ربانا كلنا مع بعض ونسبنا له مانعرف من منا بنات شيخه ومن منا بنات محمد
فيصل اللي جالس عدال ذياب وهو يتعبث بفونه من سمع شهقت ذياب فز يشوف السالفه...
اول ماقرا شهق وصد لذياب اللي منصدم من اللي قراه:معقووله؟؟؟!!
شوي وسكتو يفكرو ولا طالعو مره بعض بشهقه كنهم وصلو لاستنتاج خطير...
ذياب:حن كيف غفلنا عن هالنقطه؟
فيصل:قصدك اللي افكر فيه تفكر فيه؟
ذياب فز:رسلت شي
(ملاك):وباي.... انساني
ذياب سكت وهو يتنهد بس فيصل سحب اللاب منه بيسألها...
ذياب خذه منه بسرعه وبجدية وهو راحم مهره:خلاص فيصل بس كافي
(الاسطورة):الله معج
وبندت..
البنات تنهدو...
عليا:عسى بس مايستحقر مره ويفضحها
دانه:الله يستر...اهم شي لاعاد تدخل الشات ويبتزها
مواز وهي تفكر بكلامه:اش قصده؟!
وعند ذياب وفيصل....
ذياب بفحعه يحس تفكيره انشل:زين ليش ينسب كل البنات له؟!
فيصل وهو يفكر:كنها قالت بنات محمد؟
ذياب:هذا يعني احمد وخالد عندهم خوات؟!!!
فيصل:اللي مب داخل راسي ليش ينسب بنات بنته بعد له؟
ذياب:امكن لانه ماطايق نسب زوجها او
وتعدل فجلسته:لو فكرنا مثل فهد يا يكون الاحتمال الاول او الثاني اللي هو..
وسكت يفكر...
فيصل بقلة صبر:شو هو؟
ذياب:مايبا ينعرف من فيهن بنات شيخه ومن فيهن بنات محمد...لانه الكل يحسب كل البنات بنات بنته
فيصل:طيب ليش مايبا حد يعرف ببنات ولده؟
ذياب:مدري...بس لو كنت مكان فهد وافكر بعقليته...هذا اكثر سبب يخليني انسب كل البنات لي
فيصل:الا هالشيخه على قولتهم...وينه ريلها؟
ذياب:ها شي ماينسكت عنه لازم نعلم الشباب
فيصل:زين قوووم
ذياب:هم ماراقدين الوقت وايد متأخر؟
فيصل:لا شهاب وخلود يشتغلو بناديهم وعمر بغرفته ماطلع بونه منها وسلطان راقد عندنا عقب العشا وللحين منخمد ماقام قال رسل لاهله بيبات عندنا
ذياب:زين عيل خلينا نجمعهم فالصاله وبسرعه
وفزو بسرعه راحو ينادوهم....
*****************************
********************************
وعند البنات....
عليا وهي تتنفس الصعداء:يالله وقف قلبي اش هالرعب؟!!!
دانه تتأفف:كأنا نتابع مباراه نهائي
عليا:ههههههههههههههههه اما تشبيه قولي تذكرتي وقت النسب
دانه تحس منهد حيلها فرت جسمها على الكرفايه تريح شوي:اووووووووووه اما لحظات ماتنسى
مهره وهي مقطعه عمرها من الصايح:ياربي انا اش سويت؟!!
عليا و دانه جلسو يهدو مهره اللي حرمت تدخل لشات مره وهو ندمانه قد شعر راسها...ومواز جالسه تفكر وهي فعالم ثاني...
عليا تواسيها:خلاص مهروه ماصارت قالج خلاص مابيسوي شي
مهره وهي تشاهق:من بيوثق فواحد حقير مثله؟!!
دانه:خلاص توكلي على الله مشي حيله الله يرده عنج
مهره وهي تمسح دموعها:وربي تبت حررررمت حررررررررررررمت ادخل الشات
عليا:اهم شي اقتنعتي
دانه:يعني كان لازم تنلدغي عشان تتوبي؟!!
مهره بجديه:لا خلاص الحمدلله عدت على خير للحين
عليا وهي تطالع دانه انها تساعدها ماتزيدها:خلاص مهره قومي توضي وصليلج ركعتين بترتاحي وبتنامي وراج بكره مذاكره
مهره مسحت دموعها:خلاص ببدا صفحه جديده....انتي صادجه عليا لازم اركز الحين على المذاكره...هذا مستقبلي
وقامت عنهن دخلت الحمام...
دانه بتنهيده:الحمدلله انحلت مشكله مهره
عليا بقلق:الله يسمع منج ومايرد يبتزها
دانه بمنطقيه:ايه هذا لابيرده انقطاعها عن الشات ولا شي...دام يعرف كل شي عنها بيقدر يوصللها
عليا بقهر:يمش بوووزه...دامها الحين تذاكر فالبيت وماتطلع مابيقدر يوصللها...لا شات ولا تلفووون
دانه ويدها على قلبها:الله يستر بس
عليا انتبهت لمواز اللي تفكر وساكته عنهم:موووزوووه بلاج ساكته؟
مواز وهي تفكر:افكر....ياخي هي صدفه...ولا؟!!
عليا عبست:مافمهت؟!
مواز:مهره الحين ماتقول اسمه ذياب؟
عليا:تقوول هو قايللها
دانه وهي ترفع كتوفها بعبوس:امكن يكذب
مواز:ماظن...واذا صدج اسمه ذياب...فانا اعرفه...لانه محد يقولي بويه ويتكلم معي او عني بوقاحه واسلوب بجح ومستفز بهالطريقه غير....واحد اللي هو فيصلوووه
عليا بققت بعيونها:يعني شوو؟؟!!
دانه شهقت:قصدج انه هذا ربيع فيصل؟
مواز:انا مره دعمته هو اسمه ذياب انا متأكده...وربيع فيصل بعد...و بكره الشباب بيروحوله يعطيهم درس خصوصي لانه عبقري رياضيات
دانه وعليا اللي سكتو من طلعت مهره....عشان مايخوفووها زياده بزور هدت
مواز فخاطرها....بكره بتأكد لازم بكره اروح معهم...هالحقير لو طلع هو نفسه وانا متأكده انه هو وفيصلوه معه...بوريهم الويل...و فرصه بعد مره وحده بعرف عن شهاب...يالله بكره فرصتي
*****************************
:انتو من وين لكم بكل هالمعلومات؟!!
ذياب بتحفظ:عرفنا وبس
فيصل بحماس:مب هذا المهم المهم طلع لمحمد بنات
خالد المفجوع من اللي سمعه وبقهر:انتو من جدكم؟!!!....اش هالمفاجأت؟!!!!....تصدقو عاد احس ماعدت انصدم خلاص تعودت صرت ضد الصدمات اوووف
الحين جدي ليش يسوي فينا كيه؟!...اول عمر والحين فينا؟!!
شهاب:سلطان اتصل باحمد خليه ايي...لازم يعرف
سلطان:انت ناسي انه عايش بشقه مايقدر يودر حرمته بروحها
شهاب تنهد بضيق:يعني الحين انتو متأكدين؟
فيصل بثقة:مامصدق؟!....لو الوقت مامتأخر كان خلوود اتصل بعمته وتأكد منها
خالد يحاول يهدي عشان يعرف يفكر:يبالي بس الوقت متأخر وايد بكره ان شاء الله
سلطان:الا انتو اول شي متأكدين البنات صح كلهم منسوبين لفهد؟
ذياب تذكر الاوراق:اذكر عندي اوراق فيها بياناتهم...بروح اشوفهم
وراح ركض...
عمر طلع على فوضتهم:انتو للحين صاحيين؟
خالد نسى صدمته من شاف عمر اللي ماشافه من جو من عند عمته:هلا والله الحمدلله على السلامه
سلطان:ههههههههههههه شف شف نسى حتى عمره من شاف عموور
عمر تبسم وهو يحضن خالد:الله يسلمك
شهاب:هههههههههههه كنه جاي من السفر
سلطان:ايه والله ههههههههههههههه
عمر براحه:هههههههههههههههه الا وش صاير عندكم؟
خالد مطنش كل شي:انت الحين كيفك؟
عمر تبسمله:بخير الحمدلله ماينخاف علي افا عليك اعجبك
خالد تنهد بقو:الحمدلله
ذياب جاهم ركض:الكلام صحيح...البنات كلهم منسوبين لفهد...كيف مانتبهت من قبل ماعرف
شهاب عبس:هذا اكيد مب صاحي حفيداته مب يتيمات ولا لقيطات
فيصل:يتيمات
شهاب:حتى ولو معروفه هويه الاب ولام معروفه... يقوم ينسبهم له باي حق؟
سلطان عبس باستنكار:يعني الحين انت تعرف كل شي وغفلت عن هالشي؟!...الا انت كيف تزوجت وحده من البنات وانت ماتعرف بنت من هي؟!!
شهاب تذكر عليا وهو يحاول يتذكر هالنقطة اللي غفل عنها وماركز عليها:مانتبهت تصدق!!!...وصقر ماقد قالي شي عن هالسالفه...تصدقو عاد عمري ماركزت انه فهد ناسب كل البنات له...وانه عليا اسمها ناقص...يعني مانتبهت انها عليا فهد او غيره
فيصل:لانك اصلا مالقيت فرصه تفكر...كان فراسك اشياء اهم...من بيتوقع انه هالشيبه بينسب بنات عياله له؟!
***************************
:شوو؟!!
صقر بعتاب:منى انتي وايد غافله تراج عن البنات
منى عصبت:صقر انت وينك فيه الحين؟
صقر قاهرنه تطنيشها لسالفه البنات:منوووه اكلمج عن البنات تراج ماقادره عليهن
منى عصبت وبعتاب:لا تعاتبني.. وين اقدر عليهن من كبري الحين؟!...لو مادانه وعقلها المتفتح والكبير كان انا كلت تبن...هي وايد تساعدني وخاصه على موزوووه حسبي الله عليها من بنيه ام المصايب...كل يوم تجينا بمشكله....اما مهره مسكينه هاديه وعليا مالها فهالسوالف معتبره من طلاقها
صقر تنهد بقو:ياختي...كلمي ابووج خليه يفتح عيونه على البنات اكثر.... ترا وايد مللدنهن...والنت 24 ساعه فالبيت اش يببه؟!...ومن دون مراقبه بعد...اوووف كلميه فاهمه
منى بتنهيده:ماريد اخوفه...وخليه يفكر فينا...يسد مشاكله
صقر وهو ماعارف كيف يفهم اخته:بس البنات على هالحاله بيضيعن ترا انتي شديده معهن وهن مايقوللج شي وهالشي غلط صادقيهن من متى اقولج اسلوبج غلط وصادقيهن؟
منى عصبت:اوووف صقر بدل لاتحاسبني شوف اش سويت وانت بعيد تجيب لنا المشاكل...الحين لو انك مامعاند ابوي كنت معي تساعدني ومع ابوك فازمته...وبعدين يسد انك سبب دمار عليا
صقر زفر بقو وبعصبيه:اسكتي يالغبيه انتي اش دراج اصلا اكلمج جدار انا احسلي...عمرج مابتفهمي هه
منى بنفس العصبيه:اعرف زين انك ماتحب دانوه ولا شي...بس عشان تبعد عن البيت ولانه مايصير تعيشو فبيت واحد وهي مامحلله لك...ودام مامن محارمك يعني يا انت فالبيت ياهي
صقر بغضب كبير:اسكتي يالغبيه...من قالج ماحبها...امثل يعني؟!!
منى بثقه:اييه تمثل...عشان ماهاينه عليك تدخل ملجئ الايتام...وكل اهلها متوفين
صقر ماسك عمره:انتي الكلام معج ضايع
منى:هه لاه....لاتنكر
صقر:باي باي
وسكر بعصبيه وهو يلاهث بغضب:قال شووو قال ماحبها!!!
تنهد بقو وهو يتذكر يوم خبرته شيخه من دانه وليش مايصير يعتبرها حالها من حال البنات...
ويوم حس انه السالفه كبرت وابوه بعد وفاة شيخه ماعاد يصبر على وجود دانه بينهم وده يعقها فالشارع...قرر يسوي هالتمثيليه...عشان ابوه يعصب عليه...يعرف تفكير ابوه زين بيطرده اكيد وعشان يضمن مايتزوج دانه من وراهب يخليها قدام عيونه...وكيه يعاقبه ويضمن مايسوي اللي يباه...
بس هو يحبها...يحبها ومستحيل يرضا يسمي هالحب تعاطف او شفقه
تبسم وهو يتذكر شكل وجها يوم قال لاستاذها اللي منعجبه فيها بقوه انه زوجها...هو منى مخبرتنه سالفة الاستاذ...يعرف زين ليش خبرته بس عرف زين كيف يردلها الحركه...
****************************
****************************
نرجع للشباب..وجلسة التحقيق
ذياب يكمل:البنات مولودات فالخارج...ودخلن البلد بشهاده ميلاد جديده وتعدلت بياناتهم وقتها...ونسبهم فهد له...يعني تزورت شهادات ميلادهن
عمر طالع فالشباب باستغراب:شسالفه الحين؟...حد يفهمني!!!
فيصل.:الله يسلمك اكتشفنا انه فهد ناسب بنات عياله له
عمر قطب حواجبه باستنكار:شووو؟؟!!!
سلطان:زين بكون لانه مايطيق ابو البنات قام نسبهم له مايبا نسب زوج بنته الثاني
عمر غص:قصدكم طلع لي خوات؟!!!
خالد باستغراب:ماكاتبه لك امك شي عن هالسالفه؟
عمر بتشتت:مدري مخلصته بعدني...بس جاوبوني الحين يعني طلعلي خوات؟؟؟!!
ذياب وهو يحلل:ايه...يعني فهد نسب ولده مابيغيره وكان يقدر يبقي بنات محمد بنسب ابوهم...بس هو ناسب كل البنات له يعني لشيخه بنات...يعني خواتك
فيصل:هو صحيح هالفهد مريض نفسي...بس مامجنون يعني مايريد لبنات شيخه يعرفن ابوهن ولا شي عنه قام حتى نسبه مسحه من الوجود
خالد تنهد بضيق:حسبي الله ونعم الوكيل
عمر عبس يحاول يستوعب:زين والاعمار امكن بتكشف شي لنا
شهاب:اكيد مزوره
ذياب يفكر:احتمال بس ماظن قدر يزورهن وايد يعني البنات اعمارهن كانت صغيره ماتسمح تتزور...وبعدين في بنتين هنيه بينهم بس شهور...مامعقوله يكونن خوات...وفي وحده اكبر عن الثلاث الباقيات بوايد
عمر جلس يحس راسه ثقيل:لحظه لحظه لحظه....الحين اقرالي بينات البنات بترتيب
خالد:زين عشان نرتب افكارنا
فيصل:اقرا المعقول اللي تحسه مبالغ ومزور لاتقراه
ذياب زفر وهو يقرا:طيب....اول شي عيال فهد...منى عمرها 25 خريجه حاسوب..ماتوظفت اكيد بسبت ابوها المتخلف...المهم وصقر عمره 27 والباقي عنه تعرفوه
شهاب قام فز:صقر....اكيد يعرف شي... بروح اجيبه
عمر غص:قصدك خالي؟
خالد باستغراب:ليش هو بالبلد؟
شهاب وهو يطلع عنهم:ايه رجع و نازل ففندق... انتو كملو لحد مارد
وراح...
خالد وعمر طالعو بعض بسكات...وتنهدو...
ذياب:اكمل؟
عمر بزفره يحاول يرتب افكاره:كمل كمل تقول جلسة تحقيق
ذياب وهو يقرا:ههههههههههه زين... الثانيه دانه..هي اكبر البنات عمرها 24 متخرجه لا من الفصل الماضي من الجامعه...
:و عليا...
وتنهد بقو:يالله الحمدلله شهاب راح ولا سوالنا فلم هندي على طاريها
الشباب:هههههههههههههههههه? ?ههههههه
ذياب تبسم وهو يكمل:عمرها 22 تدرس بكليه...
عمر قاطعه:يعني الحين شهاب متزوجنها وهي صغيره تقريبا 20 سنه والله عبالي اللي كان متزوجنها من عمره او اصغر لا بسنه وشي
ذياب تبسم ابتسامه جانبيه:للاسف اخوي شافها يوم جات مع فهد يتعالج وزارت صقر وانعجب فيها...وكانت بعد دوووم تتواصل مع صقر ماتودره واظن كان معجب فيها من قبل لايشوفها يعني من خلال اللي يسمعه عنها...عن نفسي انصدمت يوم عرفت انه اخوي اخيرا عجبته بنت...ودخلت مزاجه لدرجه بسرعه خطبها وملك عليها حتى ماشاور حد
خالد:زين وفهد ماشك فيه؟
فيصل:الحين ليش تدخلو هالسالفه بموضوعنا؟
ذياب:ههههههههه دام طرو السالفه بجاوب...والله شهاب خطبها من صقر وهي وافقت وفهد مااكان يعرف شي...السالفه انه صقر هو اللي ملكهم ع اساس ولي امرها وهم بالخارج...وعقبها فهد يوم عرف ماعارض اهم شي كان عنده ابوي...ونسب ابوي....وبما انه ابوي ولد شيوخ ماهمه اذا شهاب ربيع صقر ولا لا رغم انه كان يعرف انهم يدرسو مع بعض واصدقاء وانه ملكو من وراه فالخارج....بس شتقول عن هالشيبه مجنون وغريب الاطوار و اناني وماهمه غير مصلحته؟!!!
فيصل بقق عيونه:يعني الحين يوم انه مايطيق صقر كيف يزوج حفيدته لربيعه؟
ذياب ببتسامه سخريه:عادي...قلتلكم همه النسب والفلوووووس وشهاب كان مريش ايامها عطاه المهر كاااش
عمر قطب حواجبه:يعني فهد حتى ماسئل عنه؟!!!
ذياب رفع كتوفه بعدم مبالاه:مدري بس ماعارض الزواج حتى كان يعرف بالملكه ولا سوا شي...سكت وملكهم صقر مثل ماخبرتكم قبل...وعقب خبروه وطلع يعرف...وعقبها باسبوع سوو عرس بسيط لانه عليا مابغت ربشه...هذا اللي صار بالاعاده وباختصار
سلطان مسك راسه:يالله صوعتوبي اسميكم...ضربني صداع منكم
ذياب وخالد:ههههههههههههههههههه? ?ههههه
*********************
عمر:يالله زين حق خالد يتدرب ع شغله
فيصل اللي مامعهم ويفكر...عبس:من كيه وافق علي بسرعه
ذياب اللي سمعه وبتنهيده:مدري كيف يفكر
سلطان:والله غريب هالريال دام يكره صقر كيف يزوج حفيدته وشكلها المقربه لربيعه؟!!!...ويوافق على زواجها من وراه؟!!!...وهو دمر عياله بس عشاننهم طلعو عن شوره؟!!
فيصل باستغراب:والله هذا اللي محيرني؟ّ!!...معقوووله ماهمه غير الفلووس؟!!!
ذياب بجديه:واحد عذب عياله وماهمه سعادتهم يسوي اي شي عشان مصلحته لاتستبعد عنه شي
خالد عصب وهو يحس نار بداخله شبت من تصرفات جده اللي ماتغتفر...كيف يضحي بحياتهم ويبيعها بابخس الاثمان عشان مصالحه؟!!...ماهم بس حتى البنات...للاسف جده طلع انسان معدوم من كل شي حتى الانسانيه مستحيل هالانسان...خطر فباله سؤال فجأه
و بفظول:الا وش سوا يوم شهاب طلق؟
ذياب تبسم ابتسامه جانبيه:ولا شي...ماكنه صاير شي...بعده صقر تضارب مع شهاب وهو يعرف السبب و بغو يتذابحو يومها بس الله لطف
سلطان شوي ويستخف:والله هالشيبه غريب مب صاااحي!!!
ذياب و باله مع الاوراق:صبرووو خينا نمشي خطوه خطوة و بنكشفه وبنكشف اوراقه وألاعيبه...يله بكمل؟
فيصل تأفف:كمل كمل
ذياب تبسم بخبث:زين واحم احم.... موزه...
رفع عينه لفيصل اللي تحمحم..كمل بخبث:عمرها 20 اخر سنه بالمدرسه...وزوجها اسمه فيصل
خالد وعمر قطبو حواجبهم وهم يصدو صوب فيصل اللي جالس هادي كنه المعلومه صحيحه...!!!!
خالد مسك راسه بشك:هذي مزحه صح؟!!!
عمر اللي ملامح فيصل ماتبشره بالخير..((شر البليه مايضحك)):ههههههههههههههههه? ?ههههه لالا ماصدق!!!
سلطان فز بقهر من برود فيصل اللي ما ابدى اي ردت فعل:بلاك ساكت ماتنكر؟
فيصل وهو يطالع ذياب المبتسم بنصر و بجديه:لا صحيح انا خطبتها...
ذياب كمل عنه بسرعه:وبيملك عليها قريبا...باركووله
عمر بقق عيونه:من جدكم انتو؟!!
خالد صرخ بقهر يحس خلاص اعصابه تلفت:بلا مزاح ثقيل!!!
سلطان وهو يطالع فيصل اللي يصفر:ماترد؟!!
وصرخ:قووول انها اشاعه؟!!
فيصل تعدل فجلسته:هذا بدل لاتباركلي؟!!
عمر تبسم مايدري ليش فجأة ارتاح:ههههههههههههه مبروك عيل بتناسبنا...المهم ياتاخذ اختي يا اخت خالد مارحت بعيد
خالد سكت يحاول يستوعب ردت فعل عمر اللي فجأه تبدلت 180 درجه... فيصل ماعمره طرى الزواج...ولا يفكر فيه لانه مامستعد...يجي فجأه يخطب وحده ياتكون اخته يا قريبته...فالحالتين تقربله...وهو يعرف زين انه ورا فيصل سالفه من ورا هالخبر وعمر متأكد انه يعرف زين هالشي لانه فاهم فيصل زين بس ليش يرحب وماهمه؟!!!!
فيصل بفرح:ونعم الشرف...ونعم القرب
سلطان تكتف:عرفت الحين ليش ساكت ولا يسبها كالعاده...طلعت اخت واحد من الشباب
ذياب اللي يطالع فيصل اللي يرقع:هههههههههههههههههههه? ?ههههههههههههه
فيصل تبسم:والله شاسوي حبيتها الحب اعمى
ذياب:هههههههههههههههههههه? ?ههههههههههههههههه
سلطان رافع حاجب:الحب اعمى هاه؟!!
فيصل:انت بلاك محتر؟!...وواقفلي ع الكلمه والثانيه... كنك جراندايزر يستعد للانطلاق؟
ذياب وعمر:هههههههههههههههههههه? ?هههههههههههههههه يقولو عظم فالبلعوم اما هالمثال اول مره اسمعبه ههههههههههههههههههههه
خالد وقف بصراخ من الحره اللي فيه وبقهر كبير ماعارف شيقول شيبقي:انتو فرحانين وانا متصوع ماعارف شاسوي؟!...كيف بخبر امي؟!...ابوي كان متزوج عليها وعنده بنات بعد
عمر تنهد:خالد ممكن تهدي؟
ذياب بثقة:لا بس بنت
خالد فلتت اعصابه مايقدر يسيطر على نفسه و بنفس النبرة:وانت اش دراك؟!!
ذياب طنشه يعرف دام معصب مابيوصلو لشي غير الضرابه وهو يكمل قرايه:زين اخر وحده اسمها مهره..عمرها 19 بعد اخر سنه فالمدرسه يعني هي وموزه ثانويه عامه وبينهم بس 5 شهور يعني هالثنتين مستحيل يكونن خوات
فيصل تبسم بخبث وهو يحط رجل فوق رجل:ايه عاد مهره هذي بنعرف تطلع اخت من
ذياب حره بنظره يسكت...بس فيصل الا يردله الصاع صاعين
وهو يصد صوب خالد وعمر:يا خلوود يا عموور
ذياب تبسم غصبن عنه:هههههه مايضخك
سلطان طالعهم بنظره تفحص:اش عندك انت وياه؟!!...واش عرفكم بهالمعلومات اصلا الحين بتفهموني كل هالشي فهالاوراق؟!!
خالد تلفت اعصابه خلاص ونشف دمه وبصراااخ:انتو اش سالفتكم مع البنات؟
فيصل فز:انا اعلمك مواز انا خطبتها من جدكم رسمي و..
ذياب قاطعه بسرعه يألفله كذبه لايورطه:ومهره بعد خطبتها معه بنتزوج مع بعض مامتخرجين مع بعض كل شي مع بعض ههههه
خالد بقق عيونه وباستنكار:وانت اش عرفك فالبنت اصلا؟!!
ذياب تورط جاب يرقع بس...((حبل الكذب قصير))
فيصل:تستاهل هذي جزات اللي يكذب....كذبتك هذي ماوصلتك رز الباب...إلا ورطتك زياده
ذياب يرقع:فيصلووووه ا...
فيصل فز إلاااا يورطه وبنذالة:هو متعرف عليها قبل اصلا فالشات
عمر وخالد شهقو:شوووووووووو؟!!
ذياب يردله الصاع:وموزه...ماطلعت معك للبر؟
خالد مسك راسه يحس خلاص بيطيح من طوله جلس ع الكنبه بانهيار يحس جسمه صار ثقييييييل:الله اكبر عليكم..
عمر عقدت الصدمه لسانه...
سلطان صفقلهم بحراره:عااااشووو الشباب...اسمع شات
فيصل تبسم وذياب تحمحم بتوتر...
سلطان كمل:اما سالفة البر اعرفها
خالد بعصبيه:شسالفه ماتعلومنا؟؟؟!!!...ترا هالبنات خواتنا
سلطان يكمل مطنش خالد:بس التكمله معرفها
عمر وهو يحاول يستوعب:خالد اصبر
وكمل بثقه:وبعرفها..
فيصل بهمس بتذمر:زين اقول كدينا خير
سلطان بنص عين:وكأني سمعتك تقول مواز!!...ماشاء الله طايحه الميانه؟!
فيصل بشرد:كح كح كح يالله نشف ريجي
و دقها شرده للمطبخ...
سلطان كشر:وربي مابودركم انتو وراكم مصايب
ذياب عطى الاوراق خالد:وانا بعد جعت بشوفلي شي آكله
وراح بسرعه ورا فيصل...
عمر عكس خالد المنهار امكن خلاص تبلد وصارت عنده مناعه ضد الصدمات:ههههههههههههههههه? ?هه مساكين...
خالد بصراخ:الحين تفهمني كل شي..
سلطان تبسم:اخر مره طلعنا البر شليت اخوي سيف وربعه يتثقلو(يتسلو) معنا... وكان معهم ولد جديد متعرفين عليه...وماواكبه(ناسبه) جو البر فردو... وفيصل هو اللي تبرع يردهم... وسيف خبرني انهم شاكين فيه انه مب طبيعي من تصرفاته... وحسب مافهمت منه انه الولد اصلا بنت ومتنكره ع انها ولد... و فيصل وصلها للبيت اخر وحده... ومن يومها قاطعتهم...وماعادو يشوفوها مثل قبل ولا حتى قدرو يأكدو شكوكهم او لا
خالد وعمر صدو صوب بعض بذهول...!!!
عمر مبقق عيونه:هالبنت تطلع موزه؟
سلطان:شكلها حسب كلام اخوي وكلام ذياب وفيصل انه موزه طلعت البر يعني هي نفسها
خالد مسك راسه وهو يشهق:الله اكبر عليهم
عمر:مستحيل لالا ماصدق من سابع المستحيلات بنت تتجرء تسوي كيه؟!!
قطع عليهم صوت الباب.... اللي طل منه شهاب وصقر معه...
*******************************
*****************************
و فاليوم اللي بعده...
دانه شهقت:شوووووووووو؟؟!!!
مواز:اشششششش لاتسمعج
دانه:انتي متأكده؟
مواز:لا وبتأكد بس لا شكوك
دانه:وانتي ايش عرفج؟
مواز:سألت زاهر وسأل سيف عاد انا جلست اتسمعهم
دانه:امكن واحد ثاني مو هو الوحيد اللي اسمه شهاب فالبلاد
مواز:بتأكد لازم اتأكد اقووولج يشبهه
دانه:لا تتهوري
مواز:دانوووه هالادمي لازم اشوفه و ابرد حرتي فيه
دانه:ايش لنا بالمشاكل دام السالفه خلصت لاتردي تفتحيها ماصدقنا ع الله عليا نست
مواز:تضحكي علي ولا على عمرج متى نست وهي كل الليله تصيح قبل لاتنام وكل ماشافت شي يذكره فيه غصت...عمرها مابتنساه
دانه:زين سكتي
مواز:هو كيه ولا كيه لازم يرد لحياتها مستحيل يستمر الوضع ع هالحل يجرح ويروح بدون مايدفع ثمن اللي سواه....اخ بس لو يطلع هو صدج وتجي الفرصه
دانه:لا تفتحي باب انتي مب اقده
مواز:طيري زين...انا مشي ماسويته جت على هذي...والله لو طلع هو لا اوريج فيه...يوم انه جدي وصقر سكتو عنه الحقير
:من الحقير؟
البنات صدو وراهم بشهقه....
مواز ترقع:محمد والشله...تخيلي كان مفروض امس نسير لمدرس خصوصي احسني برسب فالماده وهم ولا على بالهم
عليا:مافهمت شي
دانه:ماصار شي مساكين اجلو الموعد اليوم مسوين مراجعه طول الاسبوع...وهي مستغيضه مدري ليش وتسبهم!!
عليا عصبت:وانتي ماتبتي؟
مواز تبرر:حبيبتي هالمره لمصلحتي وربي لا اسقط فهالماده لااازم اروووح
عليا تكتفت بتنهيده:زين اخر مره
دانه:لو مخبرين عليها منى ما كان احسن؟!!
مواز بتقهر دانه:مسكين صقر راح ولا أدبني أدب دانوه هههههههههه
دانه عصبت:تشبببب
مواز تكمل:لا وفضحها قدام المستشفى بكبره وختمها مع الحب....فارس احلامها
دانه تقطعها بقهر:مووواز انطمي
مواز تكمل ولا عليها من شي:حطمه مسكين اتلقاه الحين مسوي فلم هندي...ويرثي قلبه...ولا استخف و زر عقله مثل مجنون ليلى...
وبأسف:واي لا استجن الريال الاستاذ على اهله!!!...و دانوه مستحرقه عليه هنيه...لا حول ولا قوة الا بالله
دانه بدلع ولا هامنها:اصلا فديته صقووور يحبني...بغيت اغيضه...ماخلالي فرصه....والاستاذ علي مات من قهره
مواز بقهر:ايه صح صح وااااضح جدا جدا
عليا:هههههههههههههههههههه يامثبت العقل والدين
.gif)
العرض العادي
