من قلب البساطة يأتي الجَمال

وأدركت أن العمر قطارًا ، إنطلق من محطة البدايه حتى يصل إلى محطته الأخيره ،
يتخللهم مراحل الحياه ، فإن رميت شوكه فلن تستطيع العوده لإلتقاطها ،
وإن غرست بذره ستثمر ويبقى لها أثرًا يتذكرك بها من يمرون بعدك

سلامٌ لِقلبك، ثُم لأُخبرك أمرًا :
إنَّ الحياة بطبيعتها مُتقلبة؛ فالعُسر لا يدوم إنما يعقُبه يُسرٌ
يَسُّر، والكسر لا يدوم بل يعقُبه جبرٌ من اللَّه يُنسيك كُل مرارة تذوقتها، والهمُّ لا يدوم إنَّما يعقبُه فرجٌ عظيم من رَبٍّ رحيم، ولتعلم بأنك الآن تَسير في الطَّرِيق الذي قدَّرهُ اللَّهُ لَك؛ وربُّ الخيرِ لا يأتِ إلَّا بالخيرِ، إن الأرزاق كُلها بيدهِ هُو اللَّطيفُ الخَبير، سيجمعُك بِمُرادك ولو بعد حينٍ، فقد تتأخَّر أحيانًا لتسبُقهم جميعًا، ولا تدري لعلَّ رزقك المُتأخر أفضل من أرزاقهُم المُتقدمة، عِش مُطمئنًا وتيقن أنَّ كُلَّ ما فاتك لم يُخلق لك وما خُلق لك لن يفُوتك، رُفِعت الأقلام وجفَّت الصُّحُف

نحب شعور المسج الفجأة من صاحب قديم .. او مكالمة لشخص ليه فترة طويلة غايب .. نحب لما نتفكر صاحب نبعتله نطمن عليه وين اخباره .. و لما نتلاقو صدفة نكونوا في قمة السعادة و كأن امس متلاقين رغم ان سنين مرت و ماشفناهمش .. نحب نسترجع صاحب زمان بسؤال و نرد شعور قديم لشخص قديم يحساب ان نسيناه

مانقدرش نتقبل فكرة ان الصاحب مايكونش رادع لصاحبه .
قال رسول الله عليه السلام: " الصديق الصدوق من نصحك في عيبك، وحفظك في غيبك، وآثرك على نفسه "

قال الله تعالي "ولا تنسوا الفضل بينكم"
الديون مش شرط تكون فلوس.. وقفة صاحبك جنبك في وقت شدتك "دين في رقبتك".
الإيد اللي طبطبت عليك وقت ضعفك "دين".
الكلمة الحلوة اللي انقالتك وقت ما كنت حزين ومكتئب "دين".
مش لازم ترد الديون.. بس علي الأقل خليك أصيل و ماتنساهاش.

شكرًا للصحبة ولا عمري حَـ ننسى دعمهم ووقفتهم معاي في آيـام اني كنت فيها بآمس الحاجا للدعم النفسي
آيـام كنت نتمنى حد يعطيني مجال بس ونتفجر ونحكي ونرتاح
مستحيل ننسى من خلاني نوقف علي رجليا ورجعلي ثقتي في نفسي من جديد ورجعت اقوى
مستحيل ننسى اي حد طبطب عليا واحتواني ووقف معاي وكان قد المكانه يلي اني حطيته فيها وماخذلنيش ..
نحمد الله عز وجل انه سخرلي من عباده الطيبين في طريقي ونشكرهم ع دعمهم ووقفتهم معاي وعلي استكمال كل النواقص يلي كانت فيا بوجودهم ..
الله يفتحهـا عليهم ويسخرلهم من عباده الصالحين في طريقهم زي ما سخرهم هما في طريقي ويعطيهم اضعاف ما يتمنو ونشوفهم مرتاحين في حياتهم يارب
…
شكـراً من كل قلبي لآصحاب القلب الواحد والموقف الثابت في حياتي

من فينا ما يمرش بظروف صعبة .. و من فينا توقع حاجه و ماصارتش !
كلنا عندنا مشاكل و عندنا ظروف و مواقف سيئة و ناس يتكملوا علينا بالشر و كلنا عندنا في حياتنا ناس غدروا بينا و ناس ماكملوش معانا ..
لكن الفايدة في اللي اجتاز و اللي قدر يتأقلم و يعدي الدنيا مهما صار عارف ان مايدومش حال .. اللي تشوف فيه ناجح و محقق اللي يتمناه هذا قدم هلبا تضحيات و قدم هلبا و زرع هلبا من جهد و تحمل باش حصد ثمار اللي انت تشوف فيه توا .. ماتراجيش ثمرة شي انت مازرعتاش ولا تراجي الحياة تقولك اسف و سامحني و انت طيب تستاهل نحققلك كل احلامك .. الدنيا تبي اللي يقدها و يحاول ألف لان واثق في الخطوه اللي بعدها يوصل .. اوثق في نفسك و في رب العالمين و اوثق ان كل الناجحين عندهم نفس ظروفك لكن ماعندهمش نفس كسلك و احباطك و استسلامك

شعور هلبا نحبه .. لما نقارن نفسي بفترتين ..
لما نشوف نفسي قبل خمسة الى سبعه شهور و نفسي توا ..
لقيت نفسي تغيرت شبه 180 درجة ..
من شخص فوضاوي الى شخص منظم بشكل كبير
مانقدرش ناكل هادي لان ليل .. لا مانبيش قهوة مش موعدها توا .. مانقدرش نتلاقى معاك عندي موعد ضروري .. كيف انسان يرقد اكتر من تمانية ساعات وين يحصل في الوقت ! .. نقدر .. مانقدرش .. ايه عادي .. لا والله صعب .. كل كلامي و حياتي بدت واضحة و مستفه نسيت امتى عشت كل يوم بيومه من غير مانرتب قبلها بيوم شن بندير غدوا ..
لقيت عندي وقت لكل شي و عادي جدا مانحصلش وقت فاضي لين نوصل لداري .. لدرجة مرات نتمنى ان اليوم اكتر من عدد الساعات الطبيعية ..
نحب فكرة التغيير للأفضل كل يوم و بعد شهور يبدا التغير واضح و باين لناس الحواليك كلهم .. نحب فكرة ان كل يوم قاعد قلبي يولي سليم و مرتاح اكتر من اليوم اللي قبله و ان كل افكاري ولت تعود عليا بالحياة المريحة الهادية من غير صراعات و مشاكل .. الحمدلله ان قدرت نوصل لشي اللي اني عليه اليوم و الحمدلله ان عندي ثقة بالله و ايمان جدا عالي بأن الجاي افضل و اريح و احسن

ولينا في زمن الظالم و المظلوم يتحسبوا ..

الحمدلله على كل اللحظات على المقاومة و على ان قادرين نعيشوا كل لحظة كيف ما لازم تكون ..
الحمدلله ان قادرين نفرحوا و قادرين نعرفوا قيمة اللمة و الناس ..
الحمدلله ان احني بخير مهما يصير معانا قادرين نكملوا